麻極手工火鍋料理

营业中

休息中

終於開始有啲冬天嘅感覺，打邊爐就爽啦🤣上次食完隔離間燒鰻魚覺得好正，就去埋佢隔離試打邊爐！環境同隔離店其實都互通😂餐牌餐牌都係介紹刺身魚生，但我哋今日主攻火鍋！ 海南椰子雞(半鍋) $168 有好多款養生湯底，好似花膠、藥膳雞等等，我哋揀咗好耐無食嘅椰子雞，半鍋都好足料，本身鍋底有木耳、雲耳，加埋椰子好香甜，雞件另上，可以冷鍋就落，因為本身鍋底都好清甜，我哋就當佢係火鍋料咁邊食邊煮，雞件有用花雕、杞子醃過，肉質唔會嚡口。 特價台山桶蠔 $138 呢個必點！$138 有成6-7件，仲要件件都大大件！最怕蠔煮完會大縮水，但呢隻台山桶蠔唔會點縮，而且飽港鮮甜，亦好襯椰子雞湯底，大推🧡 頂級安格斯牛肉（小碟） $178 叫咗最平嘅牛肉，但都有驚喜，一嚟兩個人叫小碟其實都有接近十塊，每塊又開咗對半，所以一塊都幾大，唔係果啲爛茸茸牛肉貨色，牛味濃有口感無渣。 牛黃喉 $68平時食嘅黃喉都係薄身，回彈似彈弓咁，呢到嘅牛黃喉厚切，一面較焾，另一面就較煙韌，未食過嘅質感😳 仲要一大片好有口感，超啱我口味！ 生猛海中蝦 $148 本身諗住叫平啲嘅普通海蝦，但賣哂，我哋又好鍾意打邊爐食蝦，貴少少

🤤必食靚牛🐮生蠔🦪高格調超高質火鍋專門店🍲🔥麻極手工火鍋料理（元朗）今次嚟到元朗食晚飯，呢邊出名多嘢食🤤咁耐冇見朋友，出嚟同朋友聚會，一於食返餐好嘅～咁多人，當然要打邊爐啦🤩有好多選擇，又好多嘢食🤣呢間元朗樓上火鍋店，裝修好精美，獨立卡位夠晒私隱度，梳化座位坐得好舒服，仲有電視睇添🤣火鍋店通風系統非常好，食完火鍋身上一啲味都冇😆食材非常新鮮，分量十足‼️非常推薦大家試吓～✨海南椰子雞鍋（一鍋）$248一上枱嚇一大跳😝超大個煲，雞件係另上既，一大隻好香既花雕酒杞子浸雞，離遠都聞到🤤雞肉超滑，吸晒椰子嘅香味🥥雞鍋材料超多，滿滿既椰子好香，仲有粟米、紅棗、雲耳～✨特價台山桶蠔 $138必食之選👍🏻從來未食過咁大隻嘅台山桶蠔，每一隻都非常飽滿，大大隻，一碟有七大隻😍食落非常鮮甜、一咬就爆汁，好香嘅海水味同蠔嘅鮮味🤩真係一試難忘，包你食過返尋味🤤✨麻極牛魔皇 小碟 $328非常推薦大家，呢一個麻極牛魔王，各款牛都有齊晒：極上手切本地牛肉、頂級安格斯牛肉、安格斯牛柳粒、雪花牛舌心、牛胸爽，一次過可以食晒唔同嘅部位，啱晒鍾意食牛嘅朋友😍每一款牛都非常高質，牛雪花好靚，分佈好均勻🥰手切本地牛肉、安格斯牛