享樂烘焙

营业中

休息中

💛享樂烘焙💛湯種手工芋泥貝果 $18⭐️⭐️享樂烘焙最出名嘅就係佢嘅bagel🥯好多人都話佢款式多又抵食，其實我都唔係第一次買佢嘅bagel，可惜兩次都有啲失望😥咬落唔係特別有口感，餡料都唔會令人有驚喜，感覺就好似摷緊一舊chewy小小，外皮少少脆口嘅包咁👉🏼👈🏼已經焗左先食，總括而言就係冇乜記憶感有啲煙韌嘅貝果，餡料份量適中，不過芋泥嘅味道唔會令你十分驚喜特濃抹茶焦糖三角 $18⭐️⭐️大大嚿，偏甜嘅抹茶麵包🍵🍞佢個外皮裹住一層厚嘅焦糖，如果室溫底下食，可能咬兩啖就覺得好漏，而且外皮偏乾，裏面嗰層就會鬆軟啲，不過太甜嘅關係，食完喉嚨好似有啲太甜嘅感覺🍬雖然佢指明係用咗《丸久小山園》嘅抹茶，食落雖然有濃嘅抹茶味，但係又唔會覺得佢好香，所以呢個都係一般般😅其實享樂烘焙喺網上都有大量好評💛，我亦係第三次購買，兩間分店都有買過，亦有試過其他味道嘅bagel，出名嘅冰心包亦試過，可惜食完都唔會太深刻，留低好大印象，我都好怕我呢啲Comment會hurt到享樂烘焙嘅fans😰😰我有諗過我只係唔好彩❤️‍🩹，揀到啲唔係最出色嘅麵包，但其實有冇朋友仔同我一樣有相同嘅意見🥺，或者你地有冇其他值得推介嘅麵包都可以

黃店 💛 #九龍灣 #新蒲崗 #享樂烘焙Blue Monday等我介紹吓打工仔嘅福音先😆 喺享樂附近返工嘅打工仔超有福，有享樂嘅包做早餐嘅早晨都係good morning☺️ 好味又唔貴，包嘅種類又多🥳🍵 特濃抹茶焦糖三角 （$18）呢個三角超大個，女仔用黎做早餐真係好飽🤤 佢嘅皮有脆脆嘅焦糖，入面係鬆軟嘅麵包，而且綠茶味濃到好似要有綠茶流出黎咁🤤 勁正🥳🍳 蛋沙律多士 （$13）蛋沙律多士都係烘咗嘅三角形麵包，入面嘅蛋沙律份量好多🤤 仲加咗少少胡椒調味，比起便利店嘅蛋沙律三文治，緊係揀呢個熱辣辣嘅😋 仲要價錢都一樣，有heart得黎CP值爆燈😚

今晚會黎新蒲崗食飯，為食既我梗係唔至要食一間啦，揾到一間新派既麵包店幾出名，於是入去買黎當下午茶食。好多麵包選擇，但都唔係港式麵包，好多都好吸引，最終我揀左特濃抹茶焦糖三角，台灣紫薯QQ同朱古力紅莓貝果。特濃抹茶焦糖三角幾濃抹茶味，佢塊外皮硬得滯，但另一面既焦糖做得幾好，唔痴牙，麵包都鬆軟。台灣紫薯QQ幾大個，紫薯同麻糬好夾，鍾意佢有煙韌口感，麵包都係偏煙韌個種，食完會好飽。朱古力紅莓貝果唔多覺有紅莓，但朱古力係半溶質感，唔錯，貝果就要俾少少力咬。

最近同好友飯聚，老友見我「麵包王」呢個銜頭（都喺虛銜而已），分別送我兩款麵包，同樣嚟自新蒲崗嘅一家小店「享樂烘焙」。先介紹其中一款：「特濃抹茶焦糖三角」（$18），友人將店家嘅產品名牌都影埋俾我做參考，真喺唔話得。未食都知啱我心水，皆因有焦糖成份，而且，從名牌所見，採用日本「小圓山」抹茶粉，自不然有更大嘅期望。成件三角即喺一大件厚三角多士，估計喺灑上沙糖嚟再烘焗過，所以，兩邊側面摸上手有少少黏，但大大口咬落去，外皮有份煙韌感，包心軟綿之餘，既有焦糖香，又有幽香嘅抹茶味，兩者幾有火花，再唔使又喺紅豆搭抹茶喇！另一款麵包喺貝果包：「湯種黑芝麻貝果」（$15），細細個賣成15蚊，都唔便宜架。貝果包我唔算多食，亦叫唔到有心得，但幾喜歡佢嘅柔韌感。個貝果包跟平常晌啲咖啡店所見嘅都無乜兩樣，喺叫表面有多少少黑芝麻，不過，咬開就變得不一樣。先講個包本身，撳落去有回彈力，口感煙韌有咬口，唔喺港式包軟軟熟熟一陣風咁；內裡散發陣陣芝麻香，因為填有芝麻蓉，不過，就未至於好似名牌咁講有流沙嘅感覺，或者輕輕翻焗一下可能會做到咁嘅效果。兩個包，分咗兩日做早餐，沖杯咖啡或花茶，喺醒神一日嘅好開始。獨享樂，不如眾享樂