Aroma Dessert Cafe (已結業)

一向唔喜好素食嘅我，朋友專登帶我去荃灣試下，今次去到間以賣甜品為主嘅 “Aroma Dessert Cafe”小店門外佈置精美，放上不少綠色植物。門外餐牌主力介紹甜品為主。内裡環境唔大，坐位有限，遲少少黎都要等位。有6款素食午餐，收費都只是$45，另加$5可配飲品(冷熱飲、特飲系列、果茶)。1. XO 醬素肉雜菜炒烏冬伴太陽蛋($45)。店員落order 時好細心問要全熟蛋定半熟蛋。素食XO 醬好味，烏冬炒得乾食，素肉同樣美味，加上紫菜碎，好有日式風味2. 蕃茄數肉蘑菇意粉($45)，素肉同蘑菇份量多，意粉軟硬度適中3. 加$5 特濃朱古力，朱古力味濃郁，同樣高質4. 原味窩夫($50)，連雪糕，窩夫即叫即整，加上生果，再配上忌廉及焦糖，十分美味5. 厚 Pancake 伴海鹽芝士卡士達醬($68)，同樣即叫即焗，Pancake 入口即溶，有啖啖海鹽咸味，口感夠鬆軟，再配上雲呢拿雪糕確一流。整體來講，店員服務態度好同細心，午餐價錢優惠，食物水準高，值得推薦。

👁‍🗨 焙茶心太軟伴綠茶雪糕（7/10）💲60呢個迷你心太軟既外皮偏濕潤，所以切開既時候感覺都比較軟身，好彩流心度一流，而且食落都有陣陣既焙茶香，由於坊間少見有茶味既心太軟，佢呢點係可以加分🙈至於綠茶雪糕就雪到頗為硬實，可以話係唔會太易溶，但入口並無好重既綠茶味🍵🤤最後就係加上焦糖脆脆、士多啤梨🍓同藍莓黎伴碟都美觀既👁‍🗨 特濃朱古力（7.5/10）💲25呢杯特濃朱古力比想像中來得要好，佢唔似係坊間既餐廳就咁用粉沖過淡或者過甜，而係濃度高會帶點苦，同時又係面頭加上棉花糖，適當地中和返個苦🍫🔛 整體評分（7/10）

係荃灣食完個正餐，緊係唔少得個正GE甜品啦。咁岩黎到荃灣，咁緊係要會一會呢間出名厚pancake GE小店啦=]成間店都好較細，大約得20人左右GE座位，所以等位都需要D時間。焦糖蘋果厚pancake配楓糖漿&雲呢拿雪糕整份甜品都係中規中距。先講雲呢拿雪糕，其實都普通一球雪糕，雖然我唔太食得出係咩牌子，不過肯定唔係D比較貴價少少GE牌子，是關佢GE奶味好輕，質地亦比較近向雪芭。至於厚pancake，小分覺得不過不失，始終唔overcook GE話都唔會差我去邊，不過無咩驚喜，無果種震下震下GE感覺，質地上都比較厚實DD，如果再輕身返少少就GOOD FIT 啦特濃朱古力雖然個pancake一般般，但反而杯朱古力幾唔錯。佢成杯杯朱古力都唔係普通用粉沖果d，確實有好濃好香ge朱古力味，再加上綿花糖，成杯朱古力比較厚身，有一種好美式的感覺。本身其實無諗過叫杯朱古力，但奈何店舖最低消費為一人一甜哈或野飲，逼於無奈唯有叫杯野食啦，但最後估唔到係妹仔大過主人婆，飲品好過厚pancake。價錢上其實都比較偏貴，加上甜品質素都係普通貨色，所以下次都未必會再黎LU~~~

之前係網上見人瘋傳呢間cafe既空氣感pancake，呢日終於有機會可以試！四點幾黎到，好彩唔使排隊！小店設計舒服，有好多小擺設，有文青feel。係度tea一tea，同朋友傾下計都唔錯。白桃厚Pancake ($65)終於見到實物！個Pancake既質感軟綿綿，充滿空氣感，裏面呈半熟效果，係香港比較少見。Pancake加上左微甜的白桃，而且供上酸酸味味的乳酪，比起平時淋楓糖漿特別。雪糕用上益力多的味道，清新又醒胃。焙茶心太軟 ($60)呢個焙茶心太軟配左綠茶雪糕，雪糕既綠茶味帶點茉莉花香，奶味較為輕; 心太軟流心度高，蛋糕濕潤度適中，伴碟有有烤香既焦糖脆脆，亦有苺類生果中和甜度。熱辣辣的焙茶漿!!!!!特濃朱古力 ($25)食完啲凍既甜品，要飲下熱飲暖下個胃。杯特濃朱古力飲到底真係會見到用左朱古力塊黎沖，但個人都係偏好朱古力奶多啲！總結黎講，小店甜品賣相不錯，而且環境舒服，影相呃like之選！

荃灣區多美食就街知巷聞，同朋友行完山，食完晚飯後，當然要直落食埋甜品先滿足啦。搵到呢間剛好第一日試業既Aroma Dessert，剛踏入門口，就覺得充滿聖誕氣氛，因為就踏入12月，已經掛滿左聖誕擺設同裝飾。店舖小小，但睇得出好有心思去營造個復古舒適既環境比顧客，值得一提店主係外國學師，有多年製甜品經驗！由於我地食飽先去，所以每人叫左杯飲品再share一set拼盤，而我地就揀左個啡色拼盤 (名字上我覺得可以再修飾下，吸引d嘛) 呢set啡色拼盤顧名思義係全啡色既甜品啦，包括有自家製朱古力macaron、心太軟、朱古力Brownie、朱古力雪糕。店主建議跟口味濃淡既次序食，會更食得真各甜品既味道心太軟佢地選用左dark chocolate，唔會太甜，影響之後既味覺。野飲方面，我叫左特濃朱古力，朋友就叫薑母茶，好香薑味，辣度適中，飲完好暖好舒服呢