轉角‧見

营业中

休息中

假日再次出動覓食，呢間burger店都真係收到好埋。舖頭都係門口排隊等位，下午時段唔算多人。食物係即嗌即整，大概等咗半個鐘就可以開食喇～型男漢堡 $64型男漢堡份量十足，配料都有成七種，一啖咬落去口感好豐富。漢堡牛扒唔會煎到乾曬，食落係好多肉汁。整體味道都好夾，如果雞蛋再流心啲會更加好。餐牌上嘅漢堡加正價飲品都會送薯條或沙律，薯條都炸到脆脆嘅。芝士磨菇漢堡 $58整個漢堡醬嘅份量剛剛好，唔會令到個包濕曬。漢堡牛扒都係一樣咁juicy，但蘑菇味道就唔太出。值得一提嘅係洋蔥，食落爽口同埋味道甜甜地，感覺都可以解油膩。特濃花生奶昔 $38呢款奶昔口味比較少見，眼見到在場好多人都嗌咗，就決定試試佢。一飲就覺得花生味道非常濃郁，仲會吸到好多花生粒。由於味道都偏甜，飲到最尾有啲膩，但都推薦俾有興趣嘅你。鮮奶抹茶 $28呢杯Latte嘅抹茶味都係偏濃，飲落反而冇乜甜味。拉花好靚，睇得出有用心。

呢間舖頭雖然座落喺荃灣一個唔太起眼嘅商場仔，但係都有唔少捧場客😚星期六日最好早啲嚟，唔係就要等位架喇～因為座位唔算好多咋🤔呢度主打burger，亦有all day breakfast, fish and chips嗰啲啦～我就最支持佢嘅burger😽芝士蘑菇漢堡 ($58)咬落都好有肉汁，而且牛味濃，最鍾意佢蔬菜都好多，啖啖都好清爽，平衡返個油膩感😋另一個都係同一個burger，不過加咗$10轉做素肉，佢嘅口感係極度似漢堡肉！不過當然肉味都係爭啲，但都係唔食/唔食得牛人士嘅好選擇👍🏻單點飲品會送薯條或沙律，我哋都係叫薯條～係偏粗嘅薯條，正正常常～我就叫咗杯特濃花生奶昔 ($38)🥜呢杯飲咗咁多次都仲係覺得好好味，佢唔會好杰，反而入口有奶香，同埋超濃花生味，好好飲👍🏻另一杯就叫咗奧利奧奶昔 ($38)，呢杯都係飲過嘅同類飲品最濃嘅一杯，有曲奇粒粒添～漢堡好食～不過我覺得佢飲品更為出色，真係好值得去飲吓佢啲奶昔😌

「型男漢堡」裡面嘅肉扒及配料，媲美出面其他好食嘅漢堡店，所以都唔使多講了！反而要提嘅係，佢嘅親民價，喺出面同級食材及味道，一定唔只呢個價錢！「特濃花生奶昔」原本有啲猶豫，心怕奶昔會唔會好(杰)又甜唔解渴，但結果出奇地好飲！奶濃度及甜度適中，花生味真係好足，再加上粒粒花生碎，極有口感，而且呢個組合好特別，$38值得試吓。「薄荷朱古力咖啡」飲得出係用新鮮薄荷葉打汁，真材實料好清新，但如果咖啡/朱古力比例再多噃啲就更完美了。

其實已經食過呢間荃灣小店「轉角·見」 好幾次，今次終於要介紹下～ $50-70有一個大漢堡，都幾抵食；而薯條/沙律可以當小食另加或者叫正價飲品送～ 除咗漢堡，仲有意粉同all day breakfast😌•🥢 型男漢堡 $64呢個漢堡應該係招牌菜，見到好多人都叫咗！麵包用咗芝麻包，焗到微脆，而且好足料！除咗基本嘅漢堡扒、沙律菜、芝士同蕃茄，仲有煙肉、紅菜頭同流心蛋😋 漢堡扒加埋流心蛋係加倍嘅juicy🤤 雖然唔似其他漢堡店會強調用咗某一種牛肉整，但呢個價錢食到咁豐富嘅burger係幾抵食！•🥢 沙嗲雞堡 $52沙嗲雞堡好少見，而且仲要係原塊長型雞扒！沙嗲嘅花生味好濃，仲食到啲花生粒粒，好彩有蕃茄同沙律菜嘅fresh，令到個沙嗲無咁膩，都幾夾～•🥢 特濃花生奶昔 $38呢個奶昔嘅花生味超級濃厚，而且都幾滑，唔會太竭，飲落好滿足😍 杯奶昔幾大杯，而且正價飲品送細薯條/沙律，所以都值得叫！•🥢 拿鐵咖啡 $28咖啡味幾濃，但比飲開嘅拿鐵偏苦，個人不太喜歡🙊

位於荃灣漢堡小店既裝修雖然簡約，但臥虎藏龍，美食非常好味̋(๑˃́ꇴ˂̀๑)絕對值得再次Encore (๑¯◡¯๑)（溫馨小提示：餐廳只接受現金方式，要帶定足夠彈藥先進入餐廳💛）食評：8.5/10 💛💛💛💛價錢：7.5/10 💛💛💛推薦度：8/10 💛💛💛💛🔺型男漢堡 HKD$64 💛💛💛💛型男果然很有「內涵」٩(ˊᗜˋ )و配料份量十足，例如使用100%新鮮美國牛肉漢堡、流心蛋、沙律菜等等o(〃’▽’〃)o作為👵🏻既小女子口細，一口不能食曬，要分開切黎食慢慢享用(O ^ ~ ^ O)漢堡非常熱騰騰(o゜▽゜)o☆牛肉漢堡肉厚、味道非常濃厚；但煙肉偏鹹Σ(°ロ°)兩種肉配在一起會互相搶奪大家既特點，小女子認為二選其一已很滿足(☉∀☉)流心蛋流心效果一流(◑‿◐)溶溶地既芝士既味道濃厚(＾ω＾)在漢堡中加入紅菜頭呢一點非常特別、抵讚＼（＾∀＾）メ（＾∀＾）ノ紅菜頭甜蜜帶少少酸，配合新鮮既沙律菜、番茄，中和漢堡牛肉、煙肉本身既鹹味，令口感不會過膩(o゜▽゜)o☆食完型男漢堡，唔知小女子有冇機會真係轉角位撞到位型男呢？！👉🏻👈🏻🔺特濃花生奶昔 HKD$38 💛💛💛💛💛整間餐廳必叫飲料\^o^/花生

係荃灣行街緊係要醫埋個肚~介紹好受歡迎嘅「轉角‧見」，主打食漢堡包，唔知食完會唔會轉角遇到愛呢😚？（又係暴露年齡系列⋯）店舖唔算好大/裝修好靚，但美食就係隱藏喺呢啲小店㊙️，幸好坐到窗邊高檯位，有自然光助攻影食物特別靚，亦都可以要求坐喺出面露天位~————————————————👅型男漢堡（$64）👍🏻 望到呢外流晒蛋汁同芝士，真係口水直流🤤，食到千島沙律醬味、滑浖浖蛋白同煙肉鹹香，牛肉質感係鮮牛肉又多汁水💦。因為好多材料同口感複雜，紅菜頭唔算好加分，要認真食先feel到👍🏻加正價飲品送細薯條/細沙律🍟，所以叫埋飲品好似抵啲，薯條呈鱗片狀，比普通薯片薄脆👅轉角特選早餐（$79）👍🏻 重蛋味嘅忌廉滑蛋，全日早餐配蒜蓉包少見啲，食食吓諗到新食法💡，滑蛋包都好幾食，蔬菜方面就有多汁蕃茄同炒蘑菇👍🏻兩大片厚得嚟有咬口嘅煙三文魚，煙肉單食鹹咗啲🥓，加埋兩條大碌腸，鍾意白色腸肉汁多啲，香草味都重啲👍🏻All day breakfast配熱檸茶/熱柚子蜜/Nescafé 咖啡👅特濃花生奶昔（$38）👍🏻好濃嘅SKIPPY花生醬味🥜，我估用粗粒花生醬打，因為順滑中有粒粒口感，尾段帶奶味，唔錯喔~————

轉角‧見係荃灣都算係一間幾出名既漢堡黃店，價錢以手工漢堡黎講算平，而且足料得黎又好食，飲品同小食都唔錯😋1⃣️型男漢堡（$64）除左手打牛肉漢堡之外，仲有紅菜頭、蕃茄、芝士、煙肉、流心蛋同埋沙律菜。成個漢堡好厚好大個，流心蛋食落蛋漿好正，配埋紅菜頭好特別，紅菜頭既味道唔算好突出，食落唔會感覺好突兀。成個漢堡食落味道好豐富，芝士、醬汁、牛肉既肉汁，所有野一齊食好滿足🤤包有牛油香，而且牛肉唔會乾唔會鞋，肉味香👍CP值高。  2⃣️煙肉漢堡（$60）呢個漢堡有漢堡扒、蕃茄、芝士、煙肉、炒洋蔥同埋沙律菜。芝士半溶既狀態，加埋煙肉、牛肉漢堡，好好食！好抵食。  3⃣️特濃花生奶昔（$38）呢個奶昔好驚艷😍花生味道好濃🥜飲落好creamy仲食到粒粒花生碎粒😌  4⃣️凍玫瑰桂花烏龍茶（$28）玫瑰桂花味道清清甜甜地，好清好解渴。  5⃣️棒棒雞槌（$38）炸雞雞皮有啲厚，入面既雞肉比較少同埋乾，但係佢既BBQ醬汁好惹味，用黎點個雞槌食好唔錯。 6⃣️蒜香牛油雞翼（$38）呢個好好味！牛油味好香，炸得夠香脆，面頭仲灑上左炸蒜🤩雞翼肉質依然嫩滑，呢個大推！

.📍轉角．見📍 #饅頭去荃灣 #饅頭食西餐 #饅頭與cafe培養感情系列 呢間Cafe位置頗隱世，價格相比其他Cafe嘅漢堡算抵，質素都唔錯，再點1杯嘢飲就可以免費配薯條或者沙律😙。------------------------------型男漢堡 ($64)Size都唔細，餡料除咗漢堡手扒之外，仲有芝士、煙肉、紅菜頭、雞蛋同埋蔬菜，非常豐富。佢哋嘅包底係烘過，但感覺入面嘅水份未蒸發夠，面層嘅包可能再烘耐少少會更香🍞，亦冇咁濕潤。漢堡牛扒扎實juicy，煎得幾香💯，牛脂味道濃郁，筋部亦唔多可以增加嚼口；半溶嘅芝士味道突出🧀；煙肉唔會過硬過油，煙燻味為漢堡增添香氣🥓；紅菜頭係呢個漢堡嘅特別點睛之筆，清甜易咬，同牛肉意外地match，仲有助解膩😆；比較遺憾嘅係流心蛋係熟咗嘅，而且生菜亦唔夠脆口。------------------------------特濃花生奶昔 ($38)小編認識呢杯嘢飲係呢度嘅必叫之選，冰冰涼咁❄，簡直係夏天消暑恩物。濃郁嘅花生醬同牛奶好夾😍，唔會太甜，仲有顆粒增加層次，正！如果質地可以再稠啲就更perfect。--------------------------

而間burger店係我第二次幫襯, 雖然位置真係幾偏, 但食過一次之後, 真係返唔到轉頭。佢地既漢堡係材料極多, 口感好豐富, 牛肉扒似係手打的, 形狀不規則, 牛肉味濃, 而且juicy最鍾意型男漢堡 ($64), 所有材料既配搭都好好, 又有肉味, 又有蔬菜既鮮甜爽脆, 就連我怕怕地既紅菜頭, 加埋一齊食都覺得唔錯, 加加加埋個流心蛋, 真係加分唔少, 成為我每次都心心念念想利食既漢堡。芝士蘑菇漢堡 ($58)都好好食,但因為型男漢堡太出色, 所以都唔係太記得, 如果鐘意食蘑菇既話都可以點。細薯條正價飲品就會送, 粗薯已經高分, 唯一少少失分係個茄汁太稀了。特濃花生奶昔 ($38)超好飲, 唔好花生既我都被吸引, 濃味之餘, 仲食到一粒粒既花生, 令人上癮, 一啖接一啖。

😋味道：4.5/5📸打卡：4/5🗣服務：4/5🏡環境：4/5💵人均：$80-120💰性價比：4.5/5👍🏻推薦度：4.5/5🏃🏻‍♀️回頭率：40%.🏡佢嘅location有啲隱蔽 但都幾好坐 仲有乾花裝飾幾靚的 我坐bar枱望住出面食🙈.🍔型男漢堡 $64 (9/10)呢個型男都幾高大🤩漢堡牛肉好香好Juicy 仲有精粹係隻蛋🤤蛋黃係流心架😆連埋融融地嘅芝士 口感層次非常豐富😋但佢又有番茄同生菜可以消濟🥳正！薯條熱辣辣又脆卜卜🤤無得彈！.🍅轉角特選早餐 $79 (7.5/10)個人覺得呢個Allday breakfast都係正常發揮 冇乜特別 都算幾足料😗特別要注意嘅係啲菇熱辣辣好好味 但凍左可能會有少少腥 所以都係優先食比較好🤪我最鍾意食番茄🥰尤其佢個皮煮到少少硬同乾但一咬落去就勁多汁超正😍炒蛋都幾多同埋有兩片蒜蓉包 所以都好夠飽haha.🥜特濃花生奶昔 $38 (10/10)✨係我飲過最好飲嘅奶昔沒有之一🤩（利申唔係飲過好多奶昔haha）如題 花生味超濃🤤但佢又唔會做到好「結」奶同花生与例做得好好 綿密得嚟仲會有花生粒粒喺入面🥰.🐼環境幾好 食物質素都偏高 不過唔算係好特別 係花生

由荃灣用左20分鐘去大窩口揾呢左呢間Cafe 轉角見，如果沿住天橋行，唔會好難行同好難揾，比行地面快得多，易揾好多。唔熟路喺地面分分鐘揾唔到。幾年前話要試到依家先試到。入到商場，轉左半個圈，見到間好簡陋嘅Cafe，佢就喺某議員辦事處隔離，不過啲野食就一啲都唔簡陋。我叫左個蘑菇芝士漢堡，個蘑菇整得好好，好香，連埋芝士真係好夾。反而型男漢堡就失色左啲，冇乜大驚喜。最驚喜係杯飲品，香濃花生奶昔。超級好飲，好濃香花生味。唔係花生醬整，我覺得似係一樽樽花生糖。極推！咁邪惡嘅野飲，午餐飲好喇！

呢間 轉角·見 已經食過幾次~就係因為食過幾次，佢都保持到水準，所以想介紹俾大家🤗今次分別嗌左:❤️ 型男漢堡 $64🧡 經典牛堡 $58💛 特濃花生奶昔 $38💚 抹茶奶昔 $38❤️型男漢堡呢個漢堡最特別就係佢有紅菜頭同流心蛋~出面唔係好多餐廳有呢種配搭，佢既配料加埋個source 真係好好味。$64黎講 個漢堡絕對係好足料 加上牛肉大大舊又好juice，絕對係呢間餐廳既招牌burger~ 另外值得一提就係薯條，係好脆、好有薯仔味~之前有試過burger伴沙律，但係我覺得薯條好味d~🧡經典牛堡呢個入面係classic burger配料~都okay既 但係就冇型男漢堡咁特別。呢個burger令我驚喜既係入面既pickles~食親pickles 都好怕食d好酸既，但經典牛堡入面既pickles 酸味啱啱好，夾埋牛肉食都好好味架！💛特濃花生奶昔個奶昔係好有驚喜，個口感好rich，仲要有飲落有粒粒花生粒😋 但係飲完之後都幾飽肚😂💚抹茶奶昔相對起黎就冇特濃花生奶昔既口感咁rich, 佢係有淡淡既抹茶香，都一樣好好味😋🔹環境:位置寧靜，放假去食下野都幾relax，有室外同室內既坐位選擇。

噚日(30-4-2020 Thur)佛誕假期,晏晝同老公落荃灣,知道呢間係黃店,於是嚟食漢堡,我哋嚟到係1:07pm,有人龍了,我哋等到1:40pm至有位,睇完menu,老公咗$52.00嘅沙爹雞堡同$26.00嘅蜜糖雲呢拿甘菊茶,我要$50.00嘅經典雞堡同$38.00嘅特濃花生奶昔,兩個都要薯條.等咗12分鐘,所有嘢都到齊,薯條熱騰騰,外脆內軟,薯味濃,不過鹹咗啲;我嘅經典雞堡有沙律菜同番茄,雞扒juicy,味道平凡唔特別.味道:3.9分特濃花生奶昔內裡有花生粒,味道正常同唔太甜.味道:4分老公嘅沙爹雞堡呢?其實所有材料都一樣,當然多咗沙爹味,我試一啖,沙爹味濃郁,但對我嚟講辣咗啲,如果減啲辣就啱我lu.味道:3分最後蜜糖雲呢拿甘菊茶呢?嗅到好香雲呢拿味,飲落就係甘菊味,而一壺都斟到佢哋細size4杯.味道:3分抵食係2.7分題外話:大家都喺抗疫期出嚟支持黃店,堂食座位又少咗,見到出面排長龍,就唔好食完嘢都重坐喺喥hea唔走咁自私.

呢間小店大家真係可以好好懲罰佢 好食兼抵食😭兩個漢堡都大大件 好好味 特別鍾意個雞堡 肉質嫩滑而且大塊 唔係到到都食到好味既雞堡😍蝦多士炸得有少少燶 但都好食🤞🏿卡邦尼意粉就正常發揮 反正個兩塊包幾香口好食鍾意花生醬就唔可以錯過花生奶昔 雖然擺到明肥仔野但好香濃好滑🥜Oreo都唔錯但驚豔唔到我〰️間鋪位置比較難搵 座位唔多又冇坐得特別舒服 但淨係好食同平靚正 加埋黃店已經值得一戰啦💛💛💛

今日同好朋友去南豐紗廠，去之前諗住係荃灣食個lunch，佢就搵左呢間轉角·見！座落係舊式商場，好似呢間cafe係最旺！Cafe唔大，但座位都好闊落。唔使攞飛，直接係鋪頭出面等，我地好好彩，等左五分鐘都冇就入左去啦！Menu選擇多數都係burger，好朋友揀左型男漢堡，我就嗌左個意粉。因為係即叫即做，所以要等大概二十分鐘。野飲黎左先！好朋友飲左好出名既特濃花生奶昔，我就飲Oreo奶昔。其實兩杯好似樣，但花生奶昔聞落就有陣陣花生醬香味！第一次見！同埋好creamy,飲到最底仲有花生醬！而Oreo奶昔就好似溶左既oreo雪糕咁，如果可以有埋oreo餅碎就好啦！同其他地方唔一樣，呢度啲奶昔既冰唔會好大，飲左好耐都唔會dilute左！意粉再加正價飲品會送蒜蓉包，蒜蓉包好脆好香，意粉以cafe黎講價錢唔算貴，同埋魚既份量都幾多！可惜魚煮得耐左所以比較硬身，但意粉好食！型男漢堡加正價飲品就會送細薯條或細沙律，漢堡既牛夠juicy,芝士味亦都好濃！個人黎講最中意隻蛋😍有少少流心！難怪係cafe既signature dish! 店內得四個人，好欣賞佢地係小店努力做好每一個dish,我地果陣食到兩點都仲有