樂天皇朝 (利舞臺廣場)

营业中

休息中

🥢 特色皇朝小籠包（$148）餐廳招牌必點，可以一次過試晒8款味道嘅小籠包，上枱嘅時候熱辣辣仲見到出煙，外皮由純天然色素製成，皮薄餡靚，好多湯汁，食嘅時候建議搵枝匙羹兜住，同埋食嘅時候記得由淡味食起，慢慢去到濃味，咁先可以㗳真每一隻味🥟 紅油抄手（$68）紅油抄手唔算好辣，皮薄，粒粒都包左滿滿嘅豬肉餡，好飽滿🤍 松花皮蛋豆腐（$58）豆腐好嫩滑，師傅刀功好好，將豆腐切到好似開花咁，而且配埋皮蛋一齊食味道啱啱好🍜 皇朝擔擔拉麵（$75）一上枱就聞到好香花生醬味，面頭同撈底都有花生粒，拉麵好彈牙，最初食嘅時候都唔覺辣，慢慢食到最後嘅時候辣嘅後勁滲出，正✨樂天皇朝由原來嘅6樓搬上16樓，新裝修好光猛，座位闊落坐得舒服，侍應仲會主動幫客人加茶，服務態度好；建議嚟之前要book枱，否則walk in的話要等一陣先有位

呢間係同親友食飯嘅list之一，試過幾間分店都可以保持一貫水準 。 今次嚟點咗：芝麻醬油麥菜、李白醉雞、蘿蔔絲酥餅、皇朝酸菜魚、特色皇朝小籠包 。芝麻醬油麥菜好特別！油麥菜用青瓜包住，菜好新鮮，口感爽脆，沾芝麻醬食好夾；醉雞做得唔錯，雞肉滑嫩，酒味唔太濃烈啱啱好特色皇朝小籠包每次嚟都會點嘅～一籠有8隻口味：原味、川味、糟熘絲瓜、鵝肝、黑松露、芝士、蟹粉、蒜味 。小籠包一定要趁熱食！咬開有滿滿嘅湯汁！當中以芝士、黑松露味較為特別皇朝酸菜魚魚嘅份量都唔少，肉質滑嫩，裡面仲有薯粉，整體來講口味不算太辣，一般人都可以接受到蘿蔔絲酥餅呢個有驚喜！外皮炸得好酥脆；而裡面嘅蘿蔔絲餡料帶點蘿蔔嘅甜味，好好食喔！最後追加咗甜品—香煎豆沙窩餅，同樣，餅皮煎得好香脆，亦都不會太油；而裡面嘅豆沙餡甜度適中 。屋企人都食得好滿足～

樂天皇朝 📍銅鑼灣波斯富街99號利舞臺廣場16樓A號舖💭🤔咁多年來一諗起小籠包就必定會去樂天皇朝👑，勝在肉質鮮甜又多汁，仲要性價比偏高👍🏻👍🏻🏬🍴利舞臺分店搬咗舖，🪄一改過往舊舖暗黑情調，店內signature 流水設計都已成歷史🏞️，而家新裝修同其他分店設計統一，以全新面貌示人👍🏻🐟皇朝魚湯酸菜魚 $238大大鍋份量夠晒多，如果有order其他菜單，絕對足夠3-4人分，魚片鮮嫩滑溜。仲有大量冬粉，其實都可以唔洗另加粉麵飯都夠晒😆🥡🥢特色皇朝小籠包 $1488 種小籠包口味都各有獨特，分別有原味、糟溜絲瓜、鵝肝、黑松露、芝士、蟹粉、蒜香、川味～樂天小籠包出名皮薄多汁，除咗原味之外，都幾欣賞蒜香味，蒜味溫和唔會搶咗肉質本身嘅甜！🥕🧑‍🌾蘿蔔絲酥餅 $52點心類之中都幾鐘意蘿蔔絲酥餅，蘿蔔絲好甜，最有驚喜係外皮夠酥脆，比酒樓點心做得更好！🐣🍶李白醉雞 $92雞肉都幾嫩滑，醉雞汁味濃🥬芝麻醬油麥菜 $72小清新之選，個芝麻醬好惹味！夏天啱晒🫘香煎豆沙窩餅 $62甜品點少得豆沙窩餅！熱辣辣又足料，甜到適中👍🏻👍🏻

想食小籠包第一時間就會諗起樂天皇朝，佢嘅8色小籠包係最好食，唔單止皮薄多汁，而且8種顏色有8種唔同餡料，每一款都各有特色，款款都咁好味！位於利舞臺嘅樂天皇朝終於重新開業啦，由以前嘅6樓搬咗去16樓，雖然冇咗個超大水池景，依家環境變得更光猛，裝潢更加親民。🥗芝麻醬油麥菜 $72翠嫩冰冷嘅油麥菜配芝麻醬，非常清新嘅菜式，做前菜一流！🫔蘿蔔絲酥餅 $52外表鬆脆，內裡蘿蔔絲熱辣辣香甜絲滑，勁好味！必點推介🐔李白醉雞 $92花雕酒味濃郁，雞肉嫩滑且有雞味，味道偏濃郁🍲皇朝魚湯酸菜魚 $238超級巨大湯碗，魚肉非常嫩滑，魚湯香濃，有大量冬粉，夠晒飽肚🥟特色皇朝小籠包 $148每一款都咁好食，其中最鍾意係原味、黑松露、蟹粉等。非常皮薄，夾起時要非常小心，務必要將整粒放入口，才是品嘗小籠包嘅最高食法😋🫓香煎豆沙窩餅 $62必點的上海菜甜點，即叫即做熱辣辣，香氣撲鼻，豆沙餡料不太甜，好食👍🏻

難得約大忙人朋友食飯，揀返個環境舒服嘅地方，可以慢慢食，傾吓偈。新店比舊店光鮮，服務態度依然好，出品亦保持到質素，滿意的一餐。小食 $15 丶茶位 $12/位入座先奉上一壺普洱茶，用蠟燭暖住嘅，餐前小食係軟綿栗子＆軟糯花生芝麻醬油麥菜 $72油麥菜捲成卷狀再加青瓜片，口感超爽脆，點埋芝麻醬更好味，一件接一件，好鍾意呢個清新食法特色皇朝小籠包 $148皇牌八色小籠包，賣相可觀外，每色代表不同嘅口味，一籠就滿足哂，店方建議先食原味，再順時針食至川味蘿蔔絲酥餅(3個) $52朋友至愛嘅蘿蔔絲酥餅，即點即製，熱辣辣，酥脆香口，清甜蘿蔔絲，出面已經好少見，所以嚟親必點香辣水煮魚 $208以大紅袍辣椒、花椒等煉製出獨家辣油，讓湯頭香辣，椒麻味過癮，本身食唔到太辣，我哋揀咗少辣，啱啱好嘅辣度。除咗鮮魚片外，仲有索哂湯汁嘅薯粉、豆腐皮丶芽菜等，份量足。竹炭流沙包(3個) $48爆漿流沙包，食嗰時真係要小心宮廷驢打滾 $50聞說呢款甜品係清朝太后喜愛嘅甜品之一，主要用糯米糰丶紅豆蓉丶黃豆粉製成，煙韌、軟熟又香甜。