薄荷葉泰國菜

营业中

休息中

今朝一起身就好想食泰國菜🤔 所以一放工就番元朗搵食 行下行下就見道哩間門面好有特色既泰國菜餐廳😋 其實應該係泰國菜mix bar 食住泰菜飲酒 可以話係一種享受🥰🥰🥰🥰店內都好有泰國傳統特色✨✨✨✨✨一嚟就點左個馬拉盞炒通菜 （$78）味道十足 好有鮮味 就算唔中意食菜都會俾佢個汁吸引到😋😋😋😍😍泰國菜又點少得點 泰式生蝦刺身呢 （$198）每隻蝦都好大隻 啖啖肉 再配埋獨特醬汁同配料 令蝦既鮮味更突出👍🏻 店員仲好有心咁提醒我地食得辣既先好點綠色個汁😈仲有點左個雜錦串燒 - 豬牛雞 （$108）每樣有兩串 份量十足 味道濃厚 仲要用1664酒杯裝最後叫左個特色菠蘿飯 （$128）份量係超級多 絕對夠3-4個人食 啱晒一家大細 幾個女仔去食👨‍👩‍👦👭👭

今日又入黎元朗搵食，見耐冇食泰國野🇹🇭就同朋友黎左呢間半bar半餐廳食呢到啲音樂都好大聲，加上環境暗暗地同埋有露天位，超有feel，夜晚黎嘆番杯酒都幾chill，不過今日就黎試佢啲野食食物都好多款式可以揀，唔同款海鮮同沙律，而且價錢適中，有啲選擇困難症🤣一黎到會俾左個前菜食住先，係醃青瓜同蘿蔔，好清新醒神甜柚鮮蝦沙律：柚子酸酸甜甜，好多汁，加埋大大隻蝦好新鮮，非常開胃！什菜粉絲煲：有甘荀、粟米仔、西蘭花、椰菜花、芥蘭、車厘茄，都幾多款，健康之選。加上超多粉絲好大碟，差啲食唔晒特色菠蘿飯🍍：同出面好唔同嘅係佢用木桶裝，都幾得意，飯炒得幾香，入面啲料都好多沙嗲（豬/牛/雞）：每樣有兩串，真係好正，燒得好香脆，唔會油而且冇雪味，沙嗲汁味濃，推介必點菠蘿/石榴特飲：都幾大杯，唔會太甜，個人幾鐘意店員服務態度都幾好，食物好快送到，收枱都好快

今日book左 同朋友係元朗食泰國菜~嘩! 係一間環境好靚 好有feel既餐廳! 係入面食野 好似去左旅行甘!特色菠蘿飯($128)用木桶載住 幾保溫哈哈!!!有2隻大蝦/魷魚最正係有大量肉鬆 非常足料每啖都食到D配料 分量多到可以4個人食!!必食!!!肉碎生菜包 ($108)高質生菜包豬肉肉味香! 口感正!!!! 好美味!!!!青咖哩新鮮雞 ($168)咖哩汁唔係好濃郁但味道上就幾出呢隻咖哩唔係好辣 大人細路都岩食!!當然要點薄餅食!!! 薄餅4大塊 ($55)真係好脆!!!! 新鮮熱辣辣!!! 簡直一流!沙嗲串燒($108)6條 Mix 豬牛雞 配有沙嗲醬肉唔會韌 但如果燒香D會再吸引D~~~馬拉盞炒芥蘭 ($78)幾香 但好普通 都係通菜正D!仲有 呢個環境 飲酒一流!

餐廳主打泰國菜，有室內外位置，夜晚燈光裝飾非常吸睛，牆身亦掛住泰國飾物，好有異國風情feel。餐牌上更有特別推薦既菜式，比較少係其他泰菜餐廳見到，例如班蘭咖哩，蘇梅鴨等。叫左咖喱蟹(時價$388)，特色菠蘿飯($128)，班蘭咖哩豬肉($118)，沙嗲(半打$108)，薄餅($55)。原隻大蟹新鮮啖啖肉，好肥美，而且吸哂d咖哩醬汁。咖哩煮蔬菜，有燈籠椒，洋蔥等配料，一大盤好震撼。尼款咖哩唔辣，岩哂唔食得辣既朋友。炒飯以木桶盛載，配料有2隻大蝦，魷魚，菠蘿，大量肉鬆，腰果，提子乾，三色豆等，非常足料。每啖都食到配料。而且飯粒分明，熱辣辣上枱，桶底好深，分到約6個人既份量。尼款班蘭咖哩有陣陣香味，比起咖哩蟹既咖哩，班蘭款會甜d。豬肉煮到軟身，咖哩滲入豬肉，亦都有好多蔬菜配料烹調，豬肉超碼有10幾塊，足料。食咖哩一定要叫薄餅，配咖哩食一流。一共有4片，薄餅既酥皮好脆，一咬就好多酥皮碎跌出黎，而且厚厚地，唔怕醮完醬汁會滴出黎。沙嗲雞肉串睇得又食得，插住係玻璃杯入面，旁邊既香料，可以係食之前，拔少少灑係雞肉上面，再加沙嗲醬，果然更惹味，沙嗲醬香濃。而且雞肉燒完唔乾身，肉嫩，而且每件雞肉既size

印象中依間泰國菜開左好耐好耐明明係元朗人但今次係第一次去！！果然好好食~✨特色菠蘿飯$128加左大量肉鬆同果仁既炒飯好香又粒粒分明！味道甜甜地, 有好多魷魚圈同大蝦✨班蘭咖哩雞+薄餅$173泰式咖哩本來就已經好味, 加埋班蘭就更香~雞件又多又嫩滑咖哩撈薄餅係我至愛☺️食左好多~✨馬拉盞炒通菜$78例牌一定要叫既菜！通菜脆口唔會炒過龍👍🏻店員好用心推薦食物比我地☺️又話我知水蜜桃味frozen beer好飲d~又幫我雪蛋糕落雪櫃💖如果入開元朗想食泰國菜真心好推薦黎！裝修都好有格調好靚架！

好耐無成過泰菜，做完野之後search下附近有咩泰菜食，就見到呢間薄荷葉！因為時間都好早，所以餐廳唔洗等就入得。呢間唔似我食過的泰菜，似係一間酒吧多一d（可惜我唔識飲酒，我見佢都有好多款酒飲）。我叫左一客特色菠蘿飯（＄128）、一客六串的沙嗲串燒（＄108）同一杯咸檸7up（＄38）。用菠蘿蓋裝菠蘿炒飯就見得多，用木桶裝就真係第一次見。不過呢個用木桶裝的菠蘿飯就裝飾得出奇地咁靚，唔睇得都食得。菠蘿飯足料豐富，大蝦都大大隻。我真心低估左個飯的份量，個木桶好深，我覺得可以係2－3個人的份量。串燒我就選了豬雞牛兩串。個人最鐘意食豬肉串，因為豬肉厚厚多汁，入口鬆軟。牛串同雞串其實都好味（其實可能係個沙嗲醬好味）！侍應有介紹d串燒除左加沙嗲醬外，亦可以試下撕少少配上的小茴香，會更加惹味（睇佢餐牌介紹，餐廳的香料係自己有一個農場去種出黎）。不過就睇你過人口味，我個人就覺得沙嗲已經好好味。最後飲住杯咸檸7up 聽住泰文歌，都幾有風味XD （第一次聽泰文歌，d拍子又幾易上口，唔會覺得怪怪的）餐廳重可以儲印花，印花換野食！

        今晚去元朗做完運動，行行下見到呢間薄荷葉泰國菜，見個氣氛幾好，一於入去試下！        最近食得比較多熱氣野，所以今次想食清淡少少，先黎一個越式紙米卷($118)，有蟹柳、蘿蔔、生菜做餡料，尤其個蟹柳份量足又新鮮！仲有Ｄ汁，平時果Ｄ好酸，呢隻剛剛好，同個紙米卷係好好配合！        食泰國菜當然要叫菠蘿飯啦！佢個特色菠蘿飯($128)用木桶上，入面有個不鏽鋼盎，既保溫又衛生！Ｄ飯炒得好好，唔會粘埋一舊，用左少少黃咖哩炒，好香口！Ｄ菠蘿唔酸好新鮮，仲有Ｄ肉鬆同腰果口感一流，呢個係必食之選！        然後仲想叫碟菜，但又諗唔到叫咩，於是直接問個侍應有咩推介，佢就推介馬拉盞炒椰菜苗，就試下啦，食完就知佢無介紹錯！Ｄ菜苗好嫩口，仲係根部有少少獨特既苦味，證明佢純天然極新鮮！而個馬拉盞汁份量剛好又唔鹹，Ｄ蒜頭蝦米仔混埋係Ｄ菜入面，每啖都係享受！        差Ｄ唔就記得杯1664添！今晚都成30度，好在有杯「番鬼佬涼茶」降溫，飲住1664，欣賞下現場環境，係呢間酒吧裝潢既泰國菜館，食得飽之餘重要既係享受呢個氣氛，彷如置身泰國感覺！