7E咖喱王

营业中

休息中

重慶大廈雖然位於尖沙咀既中心但由細到丈都未入過去今日終於獻出我既第1次.入抬雖然覺得自己格格不入但其實無想像中咁可怕.上到樓感覺大部份都係賓館形式但與眾不同係呢到有間印度菜餐廳,入到去見到位港籍既叔叔好有親切感咁叫我同朋友隨便坐,拎餐牌比我地既時間又好細心咁不介紹下印度既特色菜同呢到受歡迎既菜式.薯仔牛肉咖哩角炸得好脆而且一d都唔油膩得黎仲好乾身,內裏牛肉好香咖哩味濃而不濁.咖哩牛腩意外地味道唔辣入口斷香印式香料味道牛腩十分軟淋香牛味而且連咖哩食好入味.特色香料雞呢個係餐廳最受歡迎既食品,望落好有creamy既感覺橙色,食落有陣奶及牛油香味加上咖哩令味道無咁辣而且入口較香滑,用雞肉做主角好match如果用紅肉既話感覺會化淡左香料既味道而且變得濁.蒜蓉烤餅香麵粉味咬落好煙靭又唔會好乾,加上蒜蓉更香再配上咖哩汁十分完美.

尖沙咀就黎得多，但係重慶大廈都真係第一次去。因為我同朋友都好想食印度野，我哋上網見到重慶大廈有呢間餐廳，就決定要黎試吓。喺門口會有好多人問你要去邊一層，同佢哋講話要去7樓，咁佢哋就會帶你去搭lift。上到7樓轉左就會見到咖喱王個門口啦唔好見佢地唔係香港人樣，其實講中文係冇問題～坐低左佢地就會即刻送個脆薄餅，再加一個綠色醬。呢個醬辣辣地，個薄餅點呢個醬黎食都幾開胃我同朋友都幾鍾意食薄餅，所以就叫左兩份薄餅、兩份咖哩、咖喱角加野飲。呢個係特式香料雞，食落去有好香既牛油味，同咖哩真係好夾，好少辣同好順滑，唔洗送飯就咁食咖哩都覺得好正。再加上佢d雞都係超級嫩滑，一d都唔乾唔鞋，份量又多，呢個咖喱雞一定要嗌！我地仲叫左個雜菜咖哩，呢個同岩岩個咖喱唔同，係辣d既，不過辣既程度完全可以接受。鍾意食菜既話不妨可以試下，菜既種類都幾多薄餅方面我地淨係叫左兩款最普通既，因為我地想用黎點咖喱食～烤麥餅係深色d，比普通薄餅硬少少，但兩款點咖喱食都係咁正！小食方面就叫左一個免治牛肉咖喱角，入面超足料，滿滿嘅免治牛肉，仲有啲菜係入面。食落超級脆，點埋岩岩綠色個個醬仲正。野飲方面就叫左杯特色酸乳，入落去其實咖太酸仲

從前重慶大廈比我既印象都比較神秘，但其實喺依個小地方入面藏住好多隱世美食。一坐低就收到一份免費既青咖哩薄脆餅。睇佢個樣平平無奇，估唔到又香又脆，濃濃香料味，仲帶點辣，配埋青咖哩真係無敵（不過對我依個唔算好食得辣既人黎講真係好辣）對印度餐冇乜概念既我，選擇左由老細推薦既特色香料雞；雞已經起骨，啖啖肉，甜甜辣辣～配埋咸香既烤餅一齊食真係好開胃。至於友人就嗌左一份羊肉。超中意蒜既我，諗都冇諗就嗌左依個！超濃蒜味！同咖哩超夾！但係一份烤餅係唔夠食既，於是又嗌左芝士烤餅。雖然冇人地講到咁誇張地好，但食落都幾「芝」味；因為中間夾住芝士所以會比較厚身，口感比較豐富。食辣野，又點可以唔嗌野飲呢？分別嗌左芒果乳酪同青檸梳打～兩杯都偏甜，但超解辣員工態度好友善，上菜速度亦都好快，一定會再黎食！

這間店位於重慶大廈的樓上咖哩店。其實我去過重慶大廈的次數應該五隻手指可以數得清。店鋪是在E座，一進入重慶大廈，再行前少少再往上望就會看到Block E 的指示牌，然後向著指示牌的方向走，在第一個路口轉左再直行，直行會經過D座，最後就會到E座。之後排右邊電梯，因為是單數層樓的電梯。到了餐廳，看到餐牌上的食物林林總總，已經很想吃了。這兩杯分別是特式酸乳及芒果乳酸。吃過乳酪的朋友都應該清楚它的味道，而這杯酸乳的味道類似乳酪，易入口的，也好喝。這個看起來像普通咖哩角，但內有乾坤。因為它是牛肉咖哩角，內裡的牛肉餡料十分飽滿，味道濃郁，外皮酥脆，十分可口。這個雞全肶確實好味，雖然看起來是紅當當的，但味道確實令人驚喜，再加上檸檬汁會風味提升!咖哩配薄餅是絕配。而這個咖哩是特式香料雞，味道帶少少甜，再配上薄餅一起來吃，十分舒暢。整體來說，這間店是值得再吃過的。

講起重慶大廈 香港人點都唔會陌生大家都記得最出名係 兌換外幣但原來重慶大廈既咖哩係同樣出名既呢樣就真係好少人知😂好在有朋友帶路 黎到食好出名既「7E咖哩王」👍🏻食既係正宗既印度菜🍽起門口 已經聞到好香既香料味🤤餐廳座位有限 有心黎食既朋友 要早d黎攞位 好在我地好早已經黎到 可以即時入座👏🏻呢到既菜式價錢唔算貴都大眾化真係好抵食😋呢個雞塊用鐵板上 一上枱就ja ja聲💥💥雞肉味道濃郁 加上少少辛辣 十分惹味👍🏻👍🏻羊肉已經燉到淋哂 入口即溶濃濃既咖哩味完全滲入羊肉👏🏻👏🏻呢個菜式只係微辣 適合唔太食得辣既朋友香濃十足 甜甜地既醬汁 配上少許辣味 再加埋奶油點綴 增加咖哩既香滑感十分推薦😍有咖哩又點會少得薄餅😂蒜蓉配合油真係一個奇妙變化 勁惹味呢款薄餅比較軟身但芝士味香 不會過濃點咖哩食就岩岩好😄呢餐飯令我對重慶大廈完全改觀大廈內藏隱世餐廳以後出黎尖沙咀 又多個心水餐廳選擇啦😍