黑木亭居酒屋 (金馬倫道)

呢日嚟咗呢一間bookmark咗好耐嘅居酒屋，見到佢有期間限定Menu望落都幾吸引，仲同時做緊多個優惠，所以就嚟咗食個豐富嘅晚餐🤤三味鐵板A5和牛鵝肝呢個係本月推介，鐵板上面有三款高質食物，包括香煎鵝肝伴蘋果、厚切A5和牛同埋大蔥蒜蓉和牛🐮 側邊仲有啲香脆嘅法包，可以將呢幾款食物放上包度，再配上醬汁一齊享用🥖 鵝肝連埋蘋果一齊食冇咁油膩，A5和牛真係超級Juicy，另外用和牛片包住嘅大蔥蒜蓉味道好出，呢個配搭唔錯。特選刺身沙律如果食沙律嘅話，我比較鍾意日式嘅沙律，呢個沙律用上胡麻醬🥗 面頭嘅特選刺身，包括三文魚、魷魚、熟蝦及北寄貝，味道新鮮，三文魚又夠厚身🐟薄脆Taco♦️原條鰻魚Taco呢度嘅Taco嘅配搭做得幾出色，呢一個鰻魚夠厚肉，底下有青瓜絲同埋日本米，再用香脆嘅taco包裹住🥰 沾有鰻魚醬嘅日本米都幾惹味。♦️鵝肝和牛Taco呢個配搭雖然比較邪惡，但係絕對係冇抵抗能力😆 香煎鵝肝底下有牛肉味道香濃嘅和牛片，加上有啲洋蔥絲同埋日本米，整個配搭係好豐富。飲品♦️波子乳酸汽水の棉花雲朵呢個飲品勁吸引，底下嘅波子乳酸汽水酸酸甜甜，非常開胃，飲品嘅面仲有一個藍色嘅棉花糖😙 整個感覺非常夢幻⭐️

路過尖沙咀，看到樓上透明窗的燈籠🏮，就決定來這家性價比高的居酒屋沿著樓梯上去，就見到有日式紅葉🍁。晚上8點多，裡面已經有很多客人在用餐，好熱鬧的氛圍1️⃣三味鐵板A5和牛鵝肝有兩款和牛，厚切和牛🐮，同埋大蔥蒜蓉和牛🐮兩款和牛都超高質，入口即化。厚切和牛味很濃，大蔥蒜蓉🧄和牛，很香令口感更豐富。鵝肝搭配🍎蘋果片同法包，不會膩，鵝肝很香，搭配蘋果的清香，法包的脆脆口感😋2️⃣原條鰻魚Taco鰻魚好吃😋，燒得好新鮮，份量不算太多，兩個人吃剛剛好3️⃣特選刺身沙律🥗刺身款式非常豐富，有熟蝦，三文魚，玉子，北寄貝，油甘魚，搭配芝麻醬汁好好味，加埋蟹籽粒粒，口感非常豐富👍4️⃣和牛taco鵝肝和牛搭配好正5️⃣百果荔枝梳打飲前攪一攪，百香果酸酸甜甜，搭配荔枝，可以很好的刮油解膩🧡好飲

黑木亭居酒屋 🏮（尖沙咀金馬倫道）三味鐵板A5和牛鵝肝 $298 🥩🔥重頭戲就係呢個啦，大蔥蒜蓉和牛，非常之惹味。厚切A5和牛，燒到五成熟之後趁熱食，肉質鮮嫩肥美，易入口。鵝肝就好肥美，放喺蘋果上面燒，就可以令到佢比較中和咗一啲肉質嘅脂肪感覺。提升口感。特選刺身沙律 🥗 $168鍾意呢一隻刺身沙律，每一樣刺身都好新鮮大大塊，仲有鍾意佢個芝麻醬，配沙律菜就特別好食。鵝肝和牛Taco 🌮 $68鵝肝和牛嘅感覺好肥美，整體搭配都OK。原條饅魚 Taco 🌮 $68欣賞呢個鰻魚，燒得新鮮好食，嘅份量唔算太多，啱啱好。百香果荔枝梳打 $68第一啖飲落去有濃郁嘅百香果果汁味，混合咗啲蜜糖有啲，充分攪勻荔枝梳打之後嗰種酸甜嘅滋味就平衡咗。藍蝶花佛手柑熊茶 🧸☕️ $78特別之處係上面一隻熊仔🐻，佛手柑茶嘅味道香醇，蝶豆花同埋蜜糖加埋味道好清新，賣相都好吸引。環境：⭐️⭐️⭐️⭐️食物：⭐️⭐️⭐️⭐️整體：⭐️⭐️⭐️⭐️📍尖沙咀金馬倫道58-60號國鈀大廈地下至1樓#尖沙咀探店 #日式居酒屋 🏮 #A5和牛 #鵝肝 #foodiehk