犇之食堂 (已結業)

今天與朋友到銅鑼灣剪髮，途經白沙道看到一間門面別緻，帶文青風格的台灣料理，叫【犇之食堂】，筆者被其格局及特別的店名吸引。翻查之下，原來「犇」乃「奔」的異字體，讀法與「奔」相同。三牛列陣，力大無窮，有強大的意思，亦可解作奔跑。就來吃個下午茶看看小店的食物是否強大。小食點了"話梅小蕃茄"，小蕃茄全部去皮，屬工夫之作。蕃茄醃得入味，吃下酸酸甜甜，汁液豐富，非常醒胃，值得推介的一道前菜。ㄚ爸皮蛋豆腐有別於平常的賣相，皮蛋與豆腐攪碎，面層鋪滿木魚絲和肉鬆，一口吃盡4款材料，口感與食味都帶來新的體驗。選了"眷村紅燒牛肉麵"，自家手作麵條呈粗身，柔軟中帶彈牙口感。湯頭帶淡淡的藥材香氣而不會過於油膩。牛腱炆得軟淋入味，嚼感尚佳。蘿蔔盡吸湯底的精華，清甜無渣。加些桌上提供的秘制咸酸菜同吃，很有台灣地道風味朋友點了"犇之滷肉飯"，滷肉切成條狀，肥瘦分明，吃下有油脂香氣。爽口的肥肉混合醬油味豐富的瘦肉，既美味又邪惡。米飯用上新瀉縣產越光米，口感煙韌軟糯富米香，嚼下散發微微甘甜。起司奶蓋茉莉花茶看上去奶蓋不太多，茉莉花茶喝下清爽，奶蓋濃稠適中。可惜因環保關係不提供飲管，喝下總有些冰塊混雜，未能細味其的細滑。

之前已經經過過呢間餐廳好多次，覺得裝修好靚，一路都想去試，最近有同事食咗之後話好食，就立即令我有動力今次係港島區睇戲之前去試下。無論餐廳外面同入面都見到好多用木做既裝修同傢俱，好有森系風格。食物價錢以開係銅鑼灣鬧市中既靚餐廳嚟講都算好平，成個menu最貴既一個菜式係$86，但其他都無點去到呢個價位。見呢度居然有得單叫牛肉湯($48)，就叫咗嗰嚟試下，湯都幾大碗，入面有菜有蘿蔔，仲有四塊牛，個湯都好濃味。朋友叫咗個酢醬麵($48)，個麵係粗身個隻台灣麵，酢醬味道都幾濃烈，而且醬都好多，份量又好大碗。額外一提，朋友見到有酸菜加，話啲酸菜咁樣配搭好正，而佢地既酸菜都好好食。我就叫咗個犇之滷肉飯($38)，醬料好足，個醬可以令每粒飯都好好食好濃味。朋友再叫咗個鹽酥雞($48)做小食，每舊雞都幾大隻，又都係啱啱煮熱好整出嚟，好香～～再叫多個肉燥青菜($38)朋友叫既香芋奶綠($32)，朋友俾咗啖我試，真係好好飲，唔甜又好濃芋香味。我叫既起司奶蓋苿莉花茶($32)，個奶蓋好厚，但係都可以同時飲到茶連奶蓋，成杯都好好飲

難得媽媽願意陪我食台灣野食！放咗教會崇拜後，黎到銅鑼灣，見這間台式料理餐廳在希慎附近，好方便的地點，又多客人，而且門面設計好靚好多 🌸🌺🌷🌹所以吸引了我們來品嚐品嚐內部環境的設計是用心裝飾，有好多懷舊的相片、影畫、poster; 以花及樸實的磚牆作配置，好舒服喔背景音樂是英文輕快的歌曲，好好聽！台式美食是我其中的最愛！今次選了滷肉飯、犇之三寶麵及鹽酥雞。（3個都有推介牛牛標誌）犇之滷肉飯半隻滷蛋、香濃而且吸收了滷肉的香及台式飯（好濃又正）滷汁都好好味、飯又軟硬適中！配上半隻滷蛋，好滿足喔犇之三寶麵好大碗！好吸引又香噴噴！食指大動牛腩、牛筋同牛肚都各有特色！牛肚爽口又香牛味；牛筋好軟腍、入味；牛腩肥瘦剛好、一層一層，好有口感愛牛者必試麵條好彈牙又正！好煙韌！宜蘭鹽酥雞這個鹽酥雞好香好熱辣辣！雞味香、微微咸香、酥味香濃；多汁又滑溜的雞肉、炸皮唔厚，超推囉下面有一塊塊剛剛炸起的蝦片，香脆又熱辣辣，好愛喔這是一間有質素又環境優質舒服的台式餐廳！