糖水雄

营业中

休息中

糖水雄位置都比較屬於偏僻，基本上遊客都唔會點樣到訪嘅地方，但係認識糖水雄呢間鋪係因為睇咗一篇訪問先開始認識呢間舖頭裏面係有咩食當日喺門口行排了5分鐘就安排入坐，一入門口就有老闆的兒子kk好熱情咁同我哋打招呼，一打開個Menu就有糖水、有粥、有小食可以揀，一場嚟到當然要試吓kk獨家招牌朱古力燒賣、熱浪燒賣，啦。我每次覺得朱古力燒賣好伏，但食落去都幾特別，因為佢面上會有cream，再有啲朱古力粉係燒賣上，其實個味道都幾夾。熱浪燒賣就感覺係比較辣，因為佢面頭上沈左啲好似啲七味粉，但係燒賣底下係有啲蜜糖，但係食落去都OK，但係就好欣賞佢肯創新。之後仲叫咗個狗仔粉和XO醬炒腸粉，狗仔粉嘅味道好入味，同埋啲粉唔會係好硬係好易入口，XO醬炒腸粉熱辣辣食落去好正。嚟緊都會encore ，因為欣賞想佢哋兩父子一齊拍住上。

係佐敦食完壽司郎.囡囡又話要食甜品.又話帶我去一間好特別嘅甜品.因時間仲係好早.打算去廟街行吓街先.行完廟街又話要去寶靈街掃街.呢個囡囡真係好興奮.突然之間又要話掃街/又話要食甜品.難得佢喜歡.一於奉陪到底.行完街/掃完街.便開始進行甜品行程.原來囡囡要帶我去《糖水雄》食甜品.間舖係文匯街文景樓.係佐敦道行過去都要十零分鐘。🚶🏻‍♂️👉📌糖水雄 (佐敦)佐敦渡船角文匯街30號文景樓地舖嚟到門口.這是小舖.舖內座位有限.佢哋賣嘅品種超多.價錢都係大眾化.我哋今晚點餐如下：1. 芋圓渣窄 X1 $34元2. 揶汁芋泥西米露 X1 $26元3. 楊枝甘露 X1 $36元4. 馬蹄露 X1 $26元5. 狗仔粉 $30元 X2 （外帶再加$2元）合共$62元

芋圓馬蹄沙  29元  3/5分1. 清甜極爽口的馬蹄沙可以代替高糖飲品,雖然一樣好甜,但略為健康,喜歡馬蹄的手足不容錯過2.  可惜芋圓顏色太淡,明顯沒有口感,亦沒有任何味道,跟麵粉一樣狗仔粉  27元  4/5分史上見過最足料的神級狗仔粉,香菇遍地開花,汁液杰Tattat,實在豐富,遠比某間出名的X座好食!高質!XO醬蘿蔔糕  24元  5/5分同樣是炒得非常出色的蘿蔔糕,完全沒有水分,XO醬與臘味蘿蔔糕是天作之合,下次再來一定要再食!糖水雄是一間有糖水又有好味小食的黃店,去柯士甸一定要支持!下次我要食碗仔翅蘿蔔糕腸粉,好期待!

好多年前睇報紙定雜誌介紹過呢間店，有糖水小食等，所以想帶家人試下，不過原來中午唔開，之後一直都忘記左想食!近日又有人介紹返所以決定幫襯下!其實唔好俾店名呃左，食物唔係止得糖水，有好多特色小食同糖水!今日食左糯米飯、狗仔粉、xo醬燒賣、黑白花枝丸、鐵板黑椒雞翼同楊枝金露沙冰!食左好多野，好飯!糯米飯又香好味，狗仔粉已經好少店搵到，仲要足料美味!xo醬燒賣好特別，起初見到唔知係咩，唔見燒賣的樣子，原來燒賣切唔左一半黑椒雞翼睇落以為無咩味，但第一啖已經食到濃濃的黑椒!楊枝金露沙冰完全滿足到想食飲野同食糖水的願望!黑白花枝丸香脆彈牙!實在太多選擇，下次要再試其他呀

前兩日經開附近探朋友見肚餓就去文匯街搵野食啦，見到呢個易拉架 有糖水又有小食，咁就去試下啦一入門即見到糖水雄本人 老闆好親切好好傾經佢推介下揀左芒果沙冰個人認為必點！ 因為我聽到幾枱都有點。老闆話呢季芒果當造，所以好好飲。飲落真係無呃人，落足料！！ 又綿又重芒果味。朋友點左出面少見嘅密瓜沙冰，一樣好香密瓜味！ 飲得出係新鮮水果製熟食叫左：泰式蔗蝦：味道同蝦餅差唔多，多左少少蔗嘅甘甜味煎餃：呢個煎餃唔係我杯茶，因為我鐘意餃子底脆口，煎濃少少嘅。呢個如果個底再脆d就好啦。個味係ok嘅！拿！！呢個真係真心推介！！！鹵水雞翼，熱辣辣上枱，滷得好入味又好香！食完好想再食狗仔粉，呢碗係傳統嘅狗仔粉，保留左兒時食開嘅味道真係買少見少，竟然食得番！料足，好多冬菇同肉絲，再加埋辣菜脯，即刻心心眼芋圓地瓜圓紫薯圓紫米露，平時糖水店比嘅芋圓真係得三四粒，呢間量好多，滿足晒我朋友！佢嘅圓係幾煙韌，口感幾好！最後試左鮮果雪糕球老闆話呢個雪糕係新鮮生果整嘅，我試左榴槤味。真係好好好重榴槤香，好鐘意榴槤嘅我係極鐘意呢個雪糕！ 佢嘅味一d都唔假！！仲有好多款水果揀好少推介糖水店嘅我，真心推介呢間！好有人情味嘅小店！