車品品小食 (已結業)

睇完食評到來試試.入左大約10台客就話冇位,因為冇得搭台,又人手不足,一等就等起碼一個鐘.我睇似要我地幫佢做勢等人以為好好食就真.叫左:魚肚翅,魚肉翅,老霜冬瓜茶,玉竹秋梨茶,溏心皮蛋子薑,干邑紅燒.吉品鮑,自選車仔麵個菜圃味道都唔錯,反而衛生問題就唔知喇!魚肚翅$30,魚肉翅$24:魚肉翅同魚肚翅分別唔大魚肚味一般同食豬皮分別不大,所以建議叫魚肉翅夠,魚肉翅份量都可以,魚肉係用魚片取代,素翅同木耳都幾多,味道仍可,都飽肚.老霜冬瓜茶$17:好好飲,入口好舒服,味道不太甜,紅糖好潤.玉竹秋梨茶$10:同外面飲到嘅分別不大.溏心皮蛋子薑$12:完全唔好味,皮蛋味道怪怪地,子薑似加左d酒,但味道唔得,又唔酸又唔辣.干邑紅燒.吉品鮑$40:分大,中,細,大隻貴$2大隻D架,老闆送上加了一件佢話係花膠嘅嘢,送嘅喎,入口似牛根,鮑魚好淋,但冇咩味道,反而個汁幾好味.自選車仔麵$49:選了蘿蔔,牛腩,豬大腸,油麵,車仔麵幾大碗,味道唔錯,湯都做得幾好,蘿蔔清甜,牛腩同大腸都好淋.佢地話冇加味精,但食完都幾口渴.

睇完戲9點幾，大王心思思想食魯肉餃，就慢步過來。有兩枱人共6位已經係門口等，我地就乖乖咁跟住等。大王唔舒服，等咗45分鐘先可以坐低，真辛苦。坐低即叫，費事再等耐啲，點知冇魯肉餃，搞到大王又失望多一次。口淡淡既大王要咗皮旦粥，我就要咗玉竹秋梨茶，車仔面要咗鷄翼，魚旦同蘿蔔加粗面，跟住大王追加個生菜魚肉添。皮旦粥: 睇落平平冇奇，食落好甜好夠味，又多皮旦﹐好味!!!玉竹秋梨茶: 唔太甜，解渴。車仔面: 加咗大量既辣菜甫，好味，蘿蔔係一向既清甜，其他就不過不失。生菜魚肉: 份量足，但就冇特別。下次要再黎食番魯肉餃…

藉故到大角咀一遊, 為的, 便是為了來車品品。埃華街其實也不算難找, 只是天生路盲的我, 來這裡也有點像大冒險。來到的時候約 4 時, 略為狹小的店內已坐滿人, 但又沒理由一場來到空手/口回的吧, 只好在滿佈食肆的埃華街四處逛逛, 打探一下行情。半小時後回來, 終於有位了! 之前也這裡看過, 在門口也它密密麻麻的餐牌研究了許久, 點了幾道招牌名物。之不過, 要吃到想吃的東西, 其實沒有那麼容易...1. 首創魯肉餃撈麵 (選用車品品 Crossover 蝦記麵家獨家別注版金牌蝦子中條麵) ($38) 本來不是要撈麵的, 怕滯所以只點了淨魯肉餃, 但因存貨只剩 6 隻 (一客是有8 隻的), 店員 (事頭公?) 便提議轉吃撈麵。我早有買這個蝦子麵的打算, 正好當試味了。這個麵是車品品專程找幾十年老號 - 土瓜灣蝦記麵家特製的, 市面沒有出售的。老闆娘說最好吃的方法, 是蒸 (?!)...等我研究一下先...蝦子麵果然有料, 麵內雖不至蝦子多到澎湃, 但該有的爽口韌性齊全; 這不算是超高的要求, 但也不是很多地方做得到的啊。至於麵的粗幼, 我其實是不太講究的, 只是老闆娘那份對食材的執著和