日月堂

营业中

休息中

朋友推介一間觀塘工廠區內食台灣野的餐廳～今次就一齊去試，呢間係日月堂📍-食台灣野，一定要試牛肉和新竹米粉🍜我首先叫咗麻辣牛肉新竹米粉🌶️牛肉好大塊，有口感；米粉幼細，唔會一夾就碎✅岩晒鍾意辣既朋友！ -朋友點左牛三寶麵有牛腱肉、牛筋及牛肋條，牛肉和牛脂肪的比例幾好🥩湯底吸收咗牛的精華，夠味！ 不過份量對女仔黎講多咗少少🤏-我們再點左蚵仔煎，分量適中，正常發揮🥢-最後係玉米起司蛋捲餅，有台灣早餐店的感覺！ 不過真係要2個人share先食得晒🙈-飲品點左台式檸檬紅茶同蜂蜜綠茶加珍珠🧋估唔到珍珠幾有咬口✔️-雖然今次的餐廳在觀塘工廠區核心地帶，但都要少少時間揾一揾果棟大廈，地點唔算方便呢‼️

呢間工廈小店以一貫台式簡約風格作裝潢，主打台灣牛肉麵及各類台式小食，非常地道😋🐂牛三寶麵 ($80)牛三寶分別係牛腱肉、牛筋、牛肋條，好有牛味～牛腱肉厚肉嫩滑；牛筋Q彈、滿滿骨膠原；牛肋條肥美軟腍，配埋粗麵條，口感不錯🥰不過湯底偏濃郁，要配飲品比較好～🐂紅燒半筋半肉麵 ($75)呢碗麵嘅牛肉係牛肋條，無論係牛肉定牛筋都炆得好軟腍，伴隨白蘿蔔、娃娃菜，減低油膩感～🦪蚵仔煎 ($42)食台灣野絕對不能錯過蚵仔煎😍蚵仔煎面頭鋪滿秘製醬汁，外皮煙煙韌韌，內裏係鮮美的蚵仔，而且份量不少！🫔玉米起司蛋捲餅 ($38)蛋餅外皮酥脆、充滿蛋香，裏面甜甜的粟米粒，搭配濃郁起司，非常足料，口感好豐富🤤仲有拉絲效果好邪惡！🧋凍黑糖珍珠奶茶 ($26)甜度剛剛好🥰珍珠Q彈口感與奶茶的濃郁香味相互融合，值得一讚👍🏻🍹凍鳳梨紅茶 ($15)呢杯都唔會好甜，清新解渴👍🏻跟餐有半價優惠！總結：價錢親民，掛住台灣嘢可以嚟試下～

༺ 日月堂༻☽‎⋆.•*¨¨¨¨¨¨¨¨¨基本資料¨¨¨¨¨¨¨¨¨*•.⋆☽‎➳ 日月堂𖠚ᐝ 炸鹽酥雞($48)𖠚ᐝ 牛三寶麵($85)𖠚ᐝ 紅燒牛肉麵($70)𖠚ᐝ 玉米起司蛋捲餅($40) 𖠚ᐝ 凍鳳梨紅茶($15)𖠚ᐝ 凍黑糖珍珠鮮奶($32)⚑觀塘興業街14號永興工業大廈4樓C2室ʀᴇᴠɪsɪᴛ:8.0/10☽‎⋆.•* ¨¨¨¨¨¨¨¨¨食後感¨¨¨¨¨¨¨¨¨*•.⋆☽‎‎➳ 炸鹽酥雞($48)鹽酥雞份量多，外香脆內嫩juicy!!另外仲可以自己加鹽酥雞粉，但都好夠味😚評分：7.8/10➳ 紅燒牛肉麵($70)一共有三至四大塊厚厚既牛展，而且吸哂啲味仲好淋🥳湯底都好好飲！麵底係係粗面，都幾煙銀🤩仲有啲紅蘿蔔、娃娃菜、酸菜做配菜～ 評分：7.7/10➳ 玉米起司蛋捲餅($40) 佢嘅蛋餅好足料，粟米份量都好多，都幾大條🤩芝士應該有兩款片裝同拉絲芝士😋🧀仲有啲炙燒味好正，不過要趁熱食😆配埋啲醬油好正，好有台灣風味🇹🇼 評分：8.0/10➳ 牛三寶麵($80)轉刀削麵(+$5)三寶有牛展、牛筋、牛肋條，勁足料😚湯底同樣好飲，牛味好濃郁😋 牛展好厚，有兩大塊！牛筋好淋，好多骨膠原

約朋友去觀塘食野永遠唔會怕無野食，因爲實在太多高水準工廈餐廳！前排同朋友去左呢間好有台灣感覺嘅日月堂,真係幾抵食。起司雞排便當($63)-呢款係比較特別，雞肉內真係夾了半溶芝士，超吸引。而旁邊嘅滷肉唔會好肥，仲有軟骨，鹹度適中入味，口感好好。蚵仔煎($42)-無expect過蚵仔係大大粒，幾肥美。特別鍾意中間夾了層生菜，令味道更balance玉米起司蛋捲餅($38)-蛋捲嘅外層香脆之餘，蛋味好濃，配上入面熱熔芝士同玉米，口感一流。紅燒豬腳拌麵($60) -豬腳整到好軟淋，而且都幾多多筋，口感幾好。飲品方面，餐廳好好咁提供甜度同冰量選擇，可以嘆到台式飲品之餘唔會好邪惡。點了凍仙草奶茶($24)同凍黑糖珍珠鮮奶($32)，價錢好抵之餘仙草同珍珠分量好充足，好滿足。

- 好少去工廠區食嘢，今次喺朋友🐺帶路之下嚟到日月堂~ 一入去原來餐廳比想像中更寬敞，坐得幾舒服，自己用QR code落單，而全程店員態度都好好👍🏼不過因為我哋本身食咗啲嘢，所以今次去就以小食為主🙆🏻‍♀️🫔玉米起司蛋捲餅 💰38 餅皮係偏煙韌淋身嗰種，餡料飽滿(特別係芝士)，芝士有拉絲😍上面啲醬甜甜地，玉米份量幾多，整體嚟講唔錯👍🏼🫓蔥抓餅 💰30 望落好似好少，但其實份量幾多！本身以為佢一塊塊，點知原來係好似手撕咁一條條形狀大小不一，食落又係另一種風味😂🧋凍珍珠奶茶(半甜走冰) 💰20 朋友🐺表示係正常水準，叫咗半甜啱啱好，而且$20就咁大杯好抵🤣·總括嚟講幾滿意！有機會要回訪試佢嘅主食&其他捲餅🤤

觀塘工廈都有好多台灣菜選擇，有好幾間都未試過，呢日試下其中一間先喇🤣不過粉麵飯水準一般，蛋餅可以一戰🤭▪️ 紅燒牛肉麵（6/10）💲70牛腱肉肉質好軟腍，份量都唔少，但係可惜湯底實在太過鹹，麵底亦都偏向幼同軟身，浸到無左應有既麵質，食完超級口渴🤥▪️ 手工滷肉飯（6.5/10）💲35 (小)呢碗肉燥比較瘦，滷肉汁同樣係死鹹，無咩油香，用上珍珠米既口感粒粒分明🍚▪️ 玉米起司蛋捲餅（7.5/10）💲38暖笠笠蛋餅外皮尤其邊位脆身，帶有點韌度，入面有粟米粒，同埋拉絲芝士🍳▪️ 珍珠奶茶（7/10）💲20 (凍)一大杯既珍奶，竟然係採用伯爵茶底，佛手柑味尚算香濃，而且有大量珍珠，口感煙韌🥤🔎 整體評分（6.5/10）

不時去觀塘工廈搵食，今次搵到去永興工業大廈食台灣野▪️麻辣臭豆腐一碗唔止有臭豆腐，仲有支竹同菜！麻辣好夠辣，真係食到又麻又辣，而臭豆腐係浸住麻辣湯，所以特別辣，食到好爽！▫️玉米起司蛋捲餅芝士份量好充足，夾起時做到拉絲勁邪惡！粟米粒好甜，蛋餅上嘅燒汁都好夾，幾好味！▪️紅燒半筋半肉麵🍜轉刀削麵好足料，牛筋同牛肉都好多件，兩款都煮到好腍，好入味！轉左刀削麵，麵條比起普通麵條更粗更有口感，帶點Q彈感覺！加上湯底濃郁，食落更滋味▫️炸排骨便當🍱豬扒超大塊，切開有成5大件，炸到好酥脆，加上有鹽酥粉係面，格外惹味！配菜仲有半隻蛋、炸甜不辣同生菜，好豐富呢～▪️蜂蜜綠茶🥤蜂蜜味偏淡，但唔會好甜，清清地都唔錯▫️鳳梨綠茶🥤男朋友話呢杯好飲，鳳梨味好出好解渴整體嚟講份量好足，價格相宜，難怪成場full house！

呢排見到有唔少人去食呢間日月堂，一試就發現啲主食真係超❗️濃❗️味❗️濃味到每食幾啖就要飲返啖嘢，清一清味蕾🥴 （利申：自問平時食嘢都食得幾重口味😬）除咗濃味之外，主食嘅份量都偏細份～ 唯一比較值得一試嘅就係佢哋嘅蛋餅～日月堂係一間開喺觀塘工廈嘅台式餐廳💛雖然位置唔算好就腳，但上次去開觀塘，加上見到好多人介紹，所以就去試吓喇，點知就中咗伏～🥺真係唔知係我唔好彩，嗰日質素特別差，定真係咁伏喇😶•🥢 紅燒牛肉麵 $70食湯麵第一啖就試試個湯底，呢個紅燒湯嘅味道有少許藥材味，再飲多啖就覺得真係偏鹹同重口味😥 個麵就係偏幼，麵質好索湯但都唔會太腍，可惜嘅係個湯真係太鹹😵 要讚嘅係啲牛肉係用厚切牛𦟌，有4-5件，炆得幾腍同入味👍🏼•🥢 傳統豬腳便當 $68滷肉飯啲飯偏軟，撈埋啲滷肉就有啲太濕，而且滷肉同樣都係好鹹好濃味，撈埋飯食都有啲搞唔掂🥴 豬腳就煮得唔夠淋，比較爽口，有啲位仲有啲難咬～•🥢 酥炸魷魚 $48酥炸魷魚就同預期一樣係比較鹹嘅，因為上面都灑咗唔少椒鹽，但比起兩個飯麵真係算唔鹹🤣 炸皮有少少油，唔夠乾身，但食落係熱辣辣脆卜卜嘅～•🥢 玉米起司蛋捲餅 $38呢個蛋捲餅係好多人推薦，一夾起就有

呢間小店佈置得好靚好有心思牆上貼左唔同既相，又有D假花點綴座位闊落，坐得好舒服，傾計都唔洗驚俾隔離枱嘈到！紅燒牛肉麵　$70　9.5分呢個麵超好味！係我目前為止最鍾意既台灣麵！佢個湯底好香，唔係得死鹹，而且食完唔會好口渴！麵質都好好，唔會煮得太淋／太硬，而且都索到湯底既味！主角牛肉令呢碗麵咁高分！佢超厚身，但都做到勁淋勁入味我食個時講左好多次好好味haha玉米起司蛋捲餅　$38　9分個蛋餅好足料，入面有勁多芝士！個皮煙煙韌韌咁，又唔會好乾身調味都做得岩岩好，好好味！炸鹽酥雞　$48　8分每件都算大件，而且炸得岩岩好入面仲充滿肉汁，唔會好乾身每張枱都放左樽粉俾你自己調味，咁就唔驚唔岩自己口味喇！但份量真係偏少同其餘兩樣野食相比，性價比偏低，所以扣左D分香芋奶茶 $24　2分呢個勁伏！我唔明點解Openrice會咁多人推介呢杯野飲！係既，佢係好重芋頭味既但真心難飲！我唔識描述佢有幾難飲想知可以自已去試下！

簡單一句，毫不簡單動盪裏的約定是漆黑中期許，是堅持的原因，也是洋蔥🧅想食黃店台菜，觀塘係個臥虎藏龍嘅地方，有校園風嘅小時光，駱駝漆嘅五月星，仲有小伊甸、龍鳳號，選擇多多，今次試下位置稍遠嘅日月堂🌙〔手工滷肉飯 (小) $35〕油香滿滿的滷肉飯，味道濃郁😋但就偏咸同多汁，滷肉可以更肥美，整體一般未算突岀～〔起司雞扒麵 (小辣) $70〕好有心機咁雞扒包住芝士🧀炸得幾好，酥脆，而且枱面仲有鹽酥粉自行調味👍🏻配麵平衡番雞扒嘅油膩，好食〔玉米起司蛋捲餅 $38〕偏軟身嘅蛋餅，入面有超多起司，仲可以拉到絲～😍其實幾好食，不過食埋起司雞扒就有啲膩🤣〔珍珠奶茶🧋$20〕正正常常，唔伏，偏甜，但飲管比較短，後期先飲到珍珠🙊眾多之中日月堂都幾唔錯，而且抵食！⚠️建議WhatsApp訂枱，因為當日目測都full house〔評分區〕🍜食物質素: 3.8/5🏡環境: 3.5/5🤑價錢：3.8/5 🙋🏻‍♀️回頭率: 3.5/5 -

星期六晚同男朋去食台灣菜，懷念下台灣。呢間人流絡繹不絕，好有人氣。玉米起司蛋捲餅蛋餅好足料，有好多芝士同玉米，塊皮煎得香脆得黎又帶點煙韌，好食。蚵仔煎紅色既醬辣辣地，所以幾惹味。口感亦都唔粉，屬於好食既蚵仔煎。手工滷肉飯(大)滷肉份量好慷慨，絕對夠送白飯食，食得津津有味。紅燒牛肉新竹米粉牛肉夠軟腍，幼細既新竹米粉好掛到湯汁，美味。香芋奶茶小時候既回憶同味道，叫左微糖，對於我黎講夠甜架啦。荔枝紅茶荔枝味同茶味都好出，正常甜都唔會太甜。

星期五7點黎到，好多人係到等位，如果唔想係條好熱嘅走廊到等，記得book位啦～————————❦ 玉米起司蛋捲餅 $38外層嘅手抓餅煎到脆脆地，好香蛋香味，入面勁多芝士，一夾起拉哂絲😍評分：🌕🌕🌕🌕🌘-❦ 紅燒半筋半肉麵 $75牛腩同牛筋都超淋超入味，麵索哂湯底嘅味道，但個湯底太濃太鹹，如果淡味返少少就好。評分：🌕🌕🌕🌖🌑-❦ 手工滷肉飯 (大) $42d滷肉好肥好香，而且超濃味！不過都係個句，食得耐會覺得太鹹。評分：🌕🌕🌕🌖🌑-呢到嘅食物主要都係偏超濃味，重口味人士就一定鍾意！不過張枱真係好細，坐得唔係好舒服。

見呢間台灣菜小店近排都好hit 所以搵左個happy Friday去咗食晚餐第一次食～都幾有驚喜玉米起司蛋捲餅🌮蛋餅都算大份～好足料！蛋餅帶一點煙韌🤩好有台式風味每啖都會咬到芝士同大量粟米🤠芝士有少少拉絲效果 但唔油膩兩個人share岩岩好😙梅子地瓜條呢個真心有驚喜！番薯條🍟夠香夠甜！梅子粉係亮點 好夾😍即叫即炸超級脆口！！擺耐左都無變淋！仲要條條都手指咁粗😂夠哂飽肚100分！推薦喜愛香口野嘅朋友😙手工滷肉飯食台灣野點少得肉燥滷肉呢d招牌菜呢滷肉半肥瘦～有口感之餘都夠哂香食落係屬於偏小小甜嗰種古早味🤤滷肉汁就偏向黏身嗰隻 送飯係一流嘅😸麻辣鴨血冬粉一黎到就覺得好大碗😲材料豐富鴨血口感幾好 實實淨夠彈牙🤗食得出唔係淥熟左就咁擺落碗麵度hea你🤣係有調過下味😙冬粉唔會太淋/太硬！索哂d辣湯底先食好正🤤辣度都可以接受 食完唔會成個嘴麻痹左🤣另外仲叫左黑糖珍珠鮮奶🧋甜度適中！鮮奶唔係厚身嗰種 所以飲落負擔感唔會太重 加埋黑糖珍珠本身嘅甜味 味道不錯6:30入座🤣好彩唔洗等 但都幾乎滿座走嗰陣7:30 門口已經排哂長龍！見到都幾開心希望小店長做長有😻

工廈良心台灣菜 @ 觀塘食台灣嘢嚟講，啲小食簡直係靈魂，哈哈，依度就有成十幾款台灣小食！蚵仔煎外脆內 QQ，尤其是啲邊位，特別香脆。蚵仔嘅份量充足，沾醬好惹味～台式飲品係另一樣唔可以錯過嘅 item，金桔檸檬紅茶比想像中大杯，非常抵飲，金桔檸檬嘅酸味開胃消暑。滷肉切到一粒粒，肥瘦適中，就算鋪到勁滿都唔油膩，而且唔會太鹹。配料重有蛋菜，勁豐富。鹽酥雞卜卜脆，雞肉鮮嫩多汁，炸得好食。鹽酥粉係自己加，同朋友 share 都唔怕大家口味唔同。蛋餅餅皮有啲煙韌，包咗爆滿嘅芝士同粟米粒，夾起時拉哂絲，粟米就爽口中和番個口感。綜合芋圓咩款都有，有齊三色芋圓，加埋啲椰果同爆珠，依個甜品好味又令人滿足！

今日係觀塘收工，好想食台灣菜，係Openrice搵左一陣就決定同朋友嚟試下呢間位於工廈入面既台式餐廳。平日既晚市嚟食，都多人到全場滿座。牛三寶麵三寶指牛腱肉、牛筋及牛肋條。牛腱偏厚身，啖啖肉；牛肋條就好軟腍。湯底幾清甜，麵底係幼身嗰種，幾有嚼勁。手工滷肉飯配料有菜同半個滷蛋。半肥瘦既滷肉，撈埋白飯一齊食，真係完美的配搭。麻辣鴨血整得幾出色既小食，唔算真係好辣，偏麻居多。有六件鴨血，口感好腍滑，又唔會硬到好似豬血咁，底下鋪滿津白，索左濃稠既湯汁，都幾唔錯。玉米起司蛋捲餅一夾起，半溶既芝士同粟米慢慢溢出，連埋外層煙韌既蛋捲餅一齊食，充滿台灣風味。黑糖珍珠奶茶黑糖既甜度好濃郁，珍珠煙韌有咬口。冬瓜茶比我想像中大杯，夏天飲消暑清熱，而且甜度都控制得幾好。