日月堂

营业中

休息中

星期六晚同男朋去食台湾菜，怀念下台湾。呢间人流络绎不绝，好有人气。玉米起司蛋卷饼蛋饼好足料，有好多芝士同玉米，块皮煎得香脆得黎又带点烟韧，好食。蚵仔煎红色既酱辣辣地，所以几惹味。口感亦都唔粉，属于好食既蚵仔煎。手工卤肉饭(大)卤肉份量好慷慨，绝对够送白饭食，食得津津有味。红烧牛肉新竹米粉牛肉够软腍，幼细既新竹米粉好挂到汤汁，美味。香芋奶茶小时候既回忆同味道，叫左微糖，对于我黎讲够甜架啦。荔枝红茶荔枝味同茶味都好出，正常甜都唔会太甜。