王家沙 (已結業)

參觀附近幼稚園後搵下食，見食評好壞一半。但又想試下。好。就試試。近3點左右。人流不算多。都快招呼我們入坐。問有無登仔。有。好。服務都好快手。安坐好後就點選食物。叫了小籠湯包。王家沙牛肉餅。上海粗炒，醉雞。先上醉雞。不錯。好香酒味。雞都好滑。再上牛肉餅。都有汁。但好細件。48蚊不算平。小籠湯包。有5隻。都真係有湯汁。味道好。最後上 上海粗炒。大碟。但多油。但份量都可接受。最後見到埋計原來花生都要計12蚊。茶錢又12蚊位。呢幾樣又好似貴了小小。

今日同家中兩寶去左又一城食飯，最後媽媽就決定食上海菜。前菜方面，我們要左一份皮蛋豆腐。豆腐夠滑，砌碎的皮蛋同個汁都幾Match的。不過唔食得太甜的媽媽就覺得個醬甜左少少。另外，我們都叫左兩份點心。其中一份王家沙牛肉餅，一份有兩個。牛肉餅的牛肉唔算特別多，肉汁有爆出黎，不過由個尾爆左，所以我享受唔到。(笑)我們另外仲叫左一份大白菜春卷。新鮮炸起的春卷，包住熱辣辣的大白菜，都幾好食。我們仲叫左一碟馬拉盞芥蘭，芥蘭都幾嫩。不過馬拉盞唔多夠味。食上海菜，點可以少左瑤柱賽螃蟹！蛋白好滑，食得出有瑤柱。撈埋生蛋黃及醋，好香又好食。家鄉炒年糕口感煙un，年糕好夠味。不過肉絲就唔算好多。甜品方面，我們叫左個芝麻豆沙餅。好新鮮整好的豆沙餅煎得好香。豆沙好香，而且好夠熱。見到有奶黃小麻球的英文寫Deep Fried Sesame ball, custard lava filling。流心奶黃呀，聽到都覺得好味！點知⋯⋯我見入面有個奶黃波。

８號風球半夜來襲，突然有一天假期，一定三口決定外出用餐！為怕打風過後太多人，於下午時份致電留座，晚上去到只須等待若１５分鐘就可以入座了。上菜速度還算快，冷盤很快就來了！皮蛋豆腐 - 我媽最愛這個冷盤，所以是必點的！結果沒有令老人家失望！豆腐夠晒滑，肉鬆又香又鬆化！接著仍然是冷盤....醉嘉美雞 - 酒香，雞肉入味而肉質不會"梅" 及沒有雪味王家沙牛肉餅 - 牛肉不多但很juicy，三人兩件份量也足夠上海話梅骨 - 意外驚喜，估唔到話梅配排骨這麼合拍！酸酸甜甜但味道太濃，一定要叫個白飯才可以，送飯絕對係不二之選！上海粗炒 - 食完白飯又不夠飽，就再點一個上海粗炒，沒有什麼特別，普通的粗炒！味道還可以～招牌蟹粉小籠包 - 如果這個是有"招牌"兩個字，就避免有點兒失色！多汁但蟹粉欠奉，如果是普通蟹粉小籠包，評分是合格以上！只怪自己對＂招牌＂二字期望太高最後，甜品時間 - 高力豆沙！有點兒失望，因為狂上海吃的高力豆沙是流出來，這裡的就只有少量豆沙，普普通通啦，但都夠滿足了！總括而言，環境食物都不錯！