Séan Café & Lounge (已結業)

338 食记

味道

环境

服务

卫生

抵食

13162

铜锣湾

$201-400

239

玫瑰鮮奶咖啡

3 已推介

$50

Oli tam

等级4

277

兩個女仔快閃lunch，我哋兩個都叫左一模一樣嘅野食😂想試埋其他嘢食都得。叫左黑松露忌廉汁野菌意粉同埋玫瑰鮮奶咖啡，食飯得一個鐘時間，但啲嘢食上得唔快，成二十分鐘先上個意粉，意粉個汁夠哂黑松露味，玫瑰鮮奶咖啡，因為係兩杯嘅關係，特別整咗唔同嘅拉花👍🏻仲要襯托埋玫瑰花🌹成件事好靚，我哋影咗好多張相😂因為杯咖啡，因為返工Lunch出嚟食d時間好趕，試唔到其他野，下次會再食，仲有好多位未影相😅

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐日期

2021-02-24

等候时间

5 分钟 (堂食)

人均消费

$200 (午餐)

推介美食

bnw.foodies

等级3

.
📍 𝚂𝚎́𝚊𝚗 𝙲𝚊𝚏𝚎́ & 𝙻𝚘𝚞𝚗𝚐𝚎
.
.
之前佢間舖仲喺尖沙咀嗰陣已經好想去，最後搬咗去銅鑼灣之後終於去到🤤 又係一間用花做主題嘅餐廳，連食物都擺放咗好多食用花🌸 而且佢哋食物嘅賣相好靚，所以吸引到我哋去試吓😍
.
⚪️ 蜜汁德國鹹豬手紫薯漢堡配薯條 - HK$148

✏️ 紫色嘅漢堡賣相相當吸引😍 佢哋嘅包係低糖嘅，健康好多🤤 而且有淡淡嘅紫薯味，食落去似有咬口啲嘅饅頭試過麵包🤣 鹹豬手份量唔少，而且好厚肉，食落去唔會好乾🤤 佢哋嘅薯條亦都係即炸，熱辣辣好正😚

.
⚫️ 煙三文魚牛油果沙律 - HK$108

✏️ 呢份沙律一嚟到賣相比我想像中嘅靚😍 一開始以為會係普通一碗沙律菜咁，但佢搭得好整齊😚 最底下係沙律菜，中間一層係牛油果，而最上面就係煙三文魚砌成嘅花🌸完全配合晒佢花花嘅主題😂 成碟沙律食落去好清新，菜亦都好新鮮🤤

.
⚪️ 芝士忌廉蟹鉗肉燴飯 - HK$169

✏️ 雖然個飯望落去唔大碟，不過一個人食都夠，因為又忌廉又芝士🤣 一擺入口真係蟹肉同芝士味都好出😍 而且好creamy🤤 碟飯會焗一焗先送上枱，所以食落去香口好多，面頭嘅芝士溶咗之後仲會有少少拉絲🧀😍 好食

.
⚫️ 有機南瓜帶子燴飯 - HK$108

✏️ 南瓜燴飯同忌廉燴飯嘅口感幾乎一樣，都係好creamy，但食落冇忌廉燴飯咁漏🤣 燴飯除咗用南瓜汁仲有啲南瓜粒，所以都幾重南瓜味🎃

.
⚪️ 黑松露忌廉雜菌帶子扁意粉 - HK$158

✏️ 同蟹鉗肉相比，呢碟意粉有啲遜色🥺 其實佢唔係唔好食，不過就普通咗啲🥺 就係黑松露意粉，想像到嘅味道😂 不過佢嘅帶子都幾大粒，幾鮮甜，亦都燒得幾香，所以加翻少少分🤣

.
⚪️ 櫻花樹班戟 - HK$128

✏️ 呢碟係為咗打卡而叫嘅🤣 又真係幾靚😍 最頂粉紅色嘅櫻花樹就係棉花糖，而每層pancake之間同最頂個層都有好厚嘅忌廉，食落去味道唔算好豐富，因為全部都係甜嘅🤣 仲有兩舊朱古力蛋糕，味道普通😆 而佢隔離配嘅海鹽雪糕就令成個甜品視角上同味覺上都冇咁寡🤩

.
⚪️ Séan de Rose - HK$88

✏️ 呢杯cocktail 係餐廳嘅 signature🌹 雖然用咗 Vodka 嚟調配，但飲落有玫瑰同小紅莓嘅甜味，一啲都唔啃，好易入口😍 好適合唔太鍾意飲酒但又鍾意打卡嘅你😚

.
⚫️ Berrylicious - HK$68

✏️ 呢杯mocktail嘅賣相好吸引😍 上面有勁大粒士多啤梨做裝飾🍓 而佢係由
蔓越莓、草莓、紅莓、藍莓同芙蓉花做成嘅，所以飲落去真係好重莓味😂

.
⚫️ 玫瑰鮮奶咖啡 - HK$50

✏️ 咖啡配咗一朵粉紅色嘅玫瑰花，影相嗰陣完全搶晒鏡🤣 呢杯latte飲落去幼滑，唔會過甜，係唔錯嘅選擇🤤
.
.