蘇媽.蘇媽馬來西亞茶餐室 (已結業)

呢間馬來西亞菜一直都好受歡迎，星期六2點排成半個鐘先有位，真係餓死我🤣入面座位都唔算太多，好彩等位時已經諗定食咩，可以直接嗌，嘢食就要等十分鐘左右先到實在太多嘢想食，但今次都係嗌最熱門嘅老鼠粉、玻璃魷魚通菜、檳城福建蝦麵，兩個人食，食到好飽，夜晚都唔使食😆玻璃魷魚通菜真係好正，最鍾意佢個汁，甜甜辣辣咁，食一條菜就蘸好多汁，好想打包佢返屋企撈飯食檳城福建蝦麵材料幾足，都幾新鮮，不過個人覺得普普通通老鼠粉好夠火喉，但味道略嫌太淡，但同行朋友就覺得啱啱好，朋友非常鍾意呢個餸😋食完一出呢個門口，個肚都漲到不得了，嗌咁多嘢食，每人都係一百樓下埋單，真係好抵食，唔怪得咁多人排隊，聽聞佢個咖央多都好正，今次食唔落，下次試吓先！

黎到深水埗就想起了這間好食的蘇媽蘇媽，聽過它好評如潮，今次終於有機會試下！以為開左都一段時間唔洗排隊啦，點知仍然係需要排隊的....其實本人好唔鐘意排隊，但既然一場黎到，又咁岩排第一個，咁就等下啦！都等左好一段時間先至有位，晚飯時段，一埋到位好多肉骨茶都已經賣哂了....不過都係咁意叫左個肉骨茶，跟住店家教的做法，加d蒜蓉同辣椒等落去又係幾好食呀！一落完柯打埋到位就每人有一碗肉骨茶，不過味道就甘左少少！叫左玻璃魷魚通菜同蝦麵，唔洗講咁多野，係正呀！至於野飲方面就唔算太出色，檸檬薏米水就略嫌酸左少少...

深水埗經過見到一間馬來西亞餐廳菜單的圖片睇落10分吸引就入咗去食。椰漿飯唔係白飯加椰漿仲加咗班蘭葉，所以飯就青綠色賣相幾好，有淡淡的班蘭葉香味，配上咖喱牛肉、小魚乾、花生、青瓜等等，味道好豐富，無平時碟頭飯咁悶。咖哩香而不太辣，幾岩我口味，牛肉幾大舊啖啖肉，燘到夠諗好好食！另外叫的玻璃魷魚通菜好特別，比起平時魷魚更爽口，醬汁唔會蓋過海鮮味，通菜新鮮無渣，幾開胃的一碟菜，深水埗想食到又平又唔錯嘅馬來西亞餐廳可以試吓呢一間！

親民既價錢食到有獨特風味既馬來西亞菜，富有人情味既小店，忙碌既情況下仍為客人著想💛💛呢間店黎過幾次都排哂長龍，今日7點黎到門口，店入面坐滿哂人，門口就無人排隊，原來都要拎飛仔等位。等左半個鐘左右。🍴店員好好咁安排咗個自閉位比我😂 店員都比較多後生女仔。仍感覺到店員好有人情味。點咗3樣必食既餸💛下單後大約等咗15分鐘都野食都仲未黎，我明白小店用心製作所以無催到，好彩有個店員發現，原來係漏咗單🙈 個店員仲話幫我加速加速💛 好多謝妳呀跟住步驟，先製作混醬。將蒜蓉，辣椒，頭抽同黑豉油倒入小碟預備肉骨茶（湯）無咩油，有香既茶味！藥材味唔會太濃，唔似飲緊廿四味。好特別！☕️百吉爹肉骨茶（豬腳彎）$30都有5至6塊，每塊都係肉多，又唔會痴牙，因為用個小鍋煲住，湯仲係熱架！一定要連埋混醬食！豬肉味道更加突出！玻璃魷魚配通菜$36有一隻辣椒🌶，但係唔會辣到條脷同食完啲辣先出黎，只有一開始放入口既微辣。通菜同魷魚都無咩味道，加啲蒜蓉食，味道突出返。😂椰香咖央多士$17因為時間關係，要打包走，但都要襯熱食一塊！中間既咖央唔會好似茶記咗漏到成個紙袋都係，係連住塊麵包！既有流心感覺又唔會太膩！食完一小塊再想食🤤🤤

近年多左好多馬來西亞食店，而尼間成日都要排隊既馬來西亞店，招牌肉骨茶吸引好多人排隊品嚐。假日人流超旺滿滿人在門口排在等開門得知朋友想食肉骨茶所以帶左佢來食，由於知道越夜越多人所以下午五點左右出發前往來一試店內各款美食門面設計好靚下單自選，款式也可多叫左兩個百吉爹肉骨茶，所以可以無限添飲茶骨茶茶味甘香，吾會太濃藥材味每日限定20份既《皇帝骨》$48肉質偏瘦，肉比較稔但夠乾身《一字骨》$48 半肥瘦，脂肪較多，夠嫩骨同香《辣死你嗎咖哩雞飯》$40斑蘭花加椰醬製既飯綠色好靚咖哩雞夠大件肉夠稔，薯仔大舊但吾夠入味辣醬吾算好辣配埋脆脆既乾魚仔幾惹味，而隻蛋都無咩味不過就堅抵食《玻璃魷魚通菜》$36辣汁夠辣配魷魚好惹味，通菜夠新鮮《馬拉沙嗲串燒》$40等左好耐話就即燒所以要耐點，雞、豬、牛各一串，其實得個沙嗲醬惹味，食醬，串燒燒得太乾肉吾夠嫩太乾身《椰香咖央多士》$17叫左兩份最咖央夠多，多士夠脆不過就普通d熱《馬來西亞拉茶》$16拉茶拉得好滑，茶味濃濃好香3個吃貨叫到滿桌食物價錢抵食免加一，每人$100吾洗，建議早點出發免等位，座位都比較擠迫。

平日過了午飯時間還是客滿。食客門面在區內顯得特別吸引。大概等了15分鐘有位。肉骨茶藥材味不濃。店主希望能夠平衡肉和藥材味道。一字骨，腍得黎又不失咬口。玻璃魷魚通菜的調味偏甜。味道偏甜，辣味容易接受。愛與不愛，見仁見智。