阿元來了 (已搬遷) 新店位置

阿元的名氣很大，不時大排長龍，店面雖小但店家親切有禮，令人不禁以為自己身在台灣。可能因為有種人逼人，背貼背的感覺，特別像身在台灣夜市吃東西。魯肉飯應該是台灣食店必吃的，這碗魯肉飯有台灣吃到的感覺，是真正的肥肥的魯肉！入口即溶，甘香入味，非常下飯！炸魷魚鬚，難得地好吃！一點都不油膩，又脆又惹味！配珍珠奶茶一流！非常高質的小吃！蚵仔煎的蚵仔算新鮮大隻，真材實料，雖然味道偏淡，但比很多台灣食店做得好，也比不少台灣夜市吃到的好味！珍珠奶茶，不錯，但不算特別出色。阿元價格相宜，選擇豐富，如果要止一止台灣癮，是不錯的選擇！

呢杯珍珠奶茶，茶味香濃，面上有濃濃的忌廉，奶妹足，茶味中間。珍珠夠苙。我叫左另外半糖同少冰，所以唔知真正既甜度，基本都香濃好味。杯裝就中size。其實比其他既珍珠奶茶貴以份量來說。

早前在西營盤區覓食時，無意中發現這間人氣極高的台式小店，趁著假日便專程來試一試。遠處已看見一群人潮，但繁忙時段限時三十分鐘，所以叫號也挺快的。門面掛著多個特色招牌，店內並排著木檯櫈，座位之間距離是較狹窄。灰色的牆身貼滿廣告街招，吧檯掛著幾個燈箱，營造出台灣夜市的環境，獨特又有個性。<魯肉飯>小小的一碗飯，魯肉份量也挺豐富，肥瘦參半，滷得非常入味。米飯也盡吸收了肉汁的精華，帶點濕潤。<刈包>軟熟的包子夾著一大塊豬腩肉、荽茜蔥、花生碎，甜中帶鹹，口感和味道各具層次。但略嫌腩肉偏肥膩。<鹽酥雞>雞件炸得金黃香口，皮脆肉嫩，灑上鹽及調味粉，甚有地道水準。<珍珠奶茶>吃台灣菜必點飲品。奶味重，面層有一層泡沫，小粒珍珠彈牙煙韌。

門面已超級搶眼了！！好老台灣風，踏進店內，店員也會親切啲用普通話大叫［歡迎光臨］！！內部裝修也是夜市feel，而且都幾多人來湊湊呢個夜市風吃的是非常地道的，什麼魯肉飯、肉燥飯、鹽酥雞、豬血糕乜都有是日下午茶食light啲鹽酥雞＄35熱辣辣，脆卜卜，沈上華鹽勁香口！！正！炸得好靚金黄色，仲有紫蘇葉，好台feel~吞拿魚蛋餅 ＄20樣子好普通，但是味道不錯！！夾着的吞拿魚份量都幾多，配搭獨特的醬料，令普通吞拿魚蛋餅增添幾翻台風～珍珠奶茶＄23味道不錯！有台灣風味，奶味重，珍珠夠Q彈夠軟，不會過甜。芒果綠茶＄23酸酸甜甜，沖得不錯！

今次經過西環數字街，點可以放過新開嘅台灣料理小店！今次真喺相機來了...舖面設計已經好有台灣風味，內裏裝修又與別不同，完全冇豪華裝潢，反而充滿台灣地道小店風味！正！因為夜晚七點到，已經賣咗好多嘢，剩返可以 order 嘅餸真喺唔多！我哋兩個人叫咗好少嘢！首先叫咗個《雞肉飯》！嘩！一上枱就覺得好細碗！但我朋友話27蚊你想點呀？賣相真喺普通，口感唔算特別！但味道真喺一流，有雞絲，酸菜，仲有啲唔知名嘅醬汁，好味！食台灣嘢，點可唔以唔飲《珍珠奶茶》！奶茶比較甜身，喺台灣料理嘅特色！但裏面嘅珍惜唔喺波霸級別，而且比較硬身！可能喺台灣特色，唔同傳統飲開嘅硬度！因為個飯太少，所以叫咗碟《鹽酥雞》，份量正常，一兩個人啱啱好！口感有咬口，外脆！而且比較鹹，有埋啤酒就一流！《滷水拼盤》喺兩隻雞翼同滷水蛋，真喺同香港食開嘅份量真喺有好大分別！但味道就真喺唔錯！雞翼同滷水蛋都好入味！兩個人夾咗50蚊左右！上環數字街區中，都算抵食！但份量多返少少會更好！