龍鳳號 (裝修中)

呢間舖頭都食過好幾次記得好耐之前都食過，估唔到到而家都仲咁多人食因為記得之前食要排隊平日嘅收工都坐滿人今次揀咗麻糬嚟試，下次想試吓豆腐花用Qr code落單介紹咗我最鍾意食嘅嘢先去到台灣我最鍾意叫蕃薯苗嚟食基本上只要嗰間餐廳有我都一定會叫係香港好少餐廳有雖然唔及台灣好食但喺香港嚟講已經算好好食起碼菜係嫩嘅先🉐呢個刈包都唔錯啲酸菜同五花肉都好食台南擔仔麵～其實細食嘅人啊叫一碗已經好飽哈哈我哋兩個人食一碗都ok個茄子都唔錯，好嫩滑珍珠奶茶就OK啦味道正常最後甜品揀咗麻糬都幾特別、分別有個芋泥醬同埋紫薯脆片可以點

講起台灣菜，你會想食咩？對我來講，一定要有魯肉飯先算係食台灣菜。而喺香港呢個彈丸之地，都有相當多而出名的台菜食店，要數觀塘區好味的台菜餐廳，龍鳳號絕對係榜上有名，尤其是那碗高質魯肉飯！古早味魯肉飯餐廳似乎遷就番香港人的飲食風格，將原本喺台灣細細碗的魯肉飯，變成大大碗多料的香港version。白飯軟身，並且帶有少少甘甜；至於身為主角的滷肉，與湯汁混為一體之餘，由於用的是五花腩肉，肥肉比例相對較高，所以充滿油香，邪惡但好味，送飯一流。古早味肉燥飯賣相、味道都同魯肉飯一樣，但不同之處在於，肉燥用的並非五花腩肉，而係比較瘦的豬下腿肉、絞肉，肥肉相對比魯肉飯少啲，食落健康啲，無咁heavy，怕肥女生都食得！滷水拼盤拼盤有豆腐、豬耳、豬大腸及雞蛋，滷得幾入味，尤其是豆腐，略嫌有點過鹹。虎咬豬（刈包）刈包入面夾咗五花腩、花生粒及酸菜，味道一般。珍珠奶茶無糖珍奶，健康又能滿足口腹之慾～

黎到觀塘食台灣菜❤️幾有驚喜餐廳唔算大 但係座位都幾多 QRcode落單門面同店內都見到好大對龍鳳😂好架勢坐低即刻叫杯珍珠奶茶飲住睇menu🙈見menu寫用燕麥奶沖 飲完冇咁大罪惡感😜珍珠煙韌甜度啱啱好 都幾大杯松花皮蛋豆腐小食❤️滑捋捋嘅豆腐配皮蛋食最夾 皮蛋唔會腥 醬汁帶啲蒜味我同朋友都覺得好好食台式烤香腸每次食台式野都唔少得😋跟左超多蒜片 正👍🏻煙韌控絕對不能放過嘅麻糬地瓜棒😍非常中意 Size已經好大條 有啲似糍粑 外皮炸到好靚嘅金黃色 咬落入面好煙韌 好香嘅地瓜味點少得招牌龍鳳珍珠奶茶刨冰 本身就係為左佢黎🤣超 大 碗~建議唔好食咁飽再叫😂冰底好濃奶茶味 仲有好多珍珠同黑糖醬調味❤️最好係佢唔會溶得好快 我地邊食小食邊食冰15-20分鐘都只係溶左好少好少 絕對可以慢慢食唔使擔心👍🏻.食到捧住個大肚腩走🤣

【雷門為食街 Layman's Yummy Guide】星期日去咗觀塘區覓食，小店門面相當有睇頭，等位嘅人可以話係全個商場最多人嘅一間，所以決定try try 👧🏻🍴龍鳳號 Long Feng Hao @觀塘駿業街56號 中海日升中心1. 古早味肉燥飯 ($36) 👍🏻 食咗咁多間台灣店，呢間肉燥飯嘅胡椒味算係比較重，啖啖椒香；寫明選用台灣珍珠米 ，飯粒分明，食到最尾都唔會好肥膩；一人份量啱啱好唔會食唔曬，食完仲有胃口食下小食～2. 鹽酥雞翼 ($46/5隻) ☹️脆漿「離殼」係最大敗筆！原本諗住會偏向炸物類，但脆漿一咬就甩開，入面雞肉鹹鹹地，未有太大驚喜 ～3. 珍珠奶茶 ($42/杯) 🙊當時話係新品，Menu未有，只有門口有牌寫住可以Order；珍珠幾有咬口，但個人認為小貴～整體平價：🌟🌟🌟 (3/5) 正正常常台灣菜小店，無想像中咁好食......大多食評都會講甜品，大家試完可留言推介

呢個魯肉飯比起其他係觀塘既台灣野都幾大碗，個汁就比較杰啲，魯肉唔會太瘦，撈埋飯之後岩岩好，份量同用料絕對唔孤寒！皮蛋豆腐好滑，調味偏重，岩哂我~😍滷水拼盤嘅豆腐就結實過皮蛋豆腐啦，入面仲有豬耳，大腸，滷水蛋~ 都唔錯！雖然蛋唔係糖心蛋但係都幾入味㗎😌祖傳米粉湯係比較輕口味，食落似係魚湯，值得一讚就係佢夠晒熱！😀 雖然話係台灣食店，但係原來佢個珍珠奶茶係新出㗎，個味唔會較得太甜，啱晒女士，大家可以試吓😋