番茄18 (觀塘工業中心第四期)

营业中

休息中

小朋友係網上世界搜尋特別快，暑假悶悶地，叫佢搜尋下餐廳，同佢去試新野。番茄迷揀左呢間，我地就去試下😋。成日聽觀塘工廈多野食，不過好多間都貴。呢間平民價錢。一入餐廳，好多特別裝飾，好有趣，感覺用心。睇餐牌真係好多蕃茄食物選擇，小番茄迷睇到心心眼。 我地揀左午餐肉煎蛋番茄湯通粉，瑞士雞翼，胡椒豬肚雞湯上海麵，菠蘿冰，熱菜蜜。午餐肉煎蛋番茄湯通粉最先到，小番茄迷望實，即刻放低圖書，攞起匙羹。佢話番茄味濃郁，好香。午餐肉煎得好味，隻雞蛋可以自己選擇熟蛋，正入佢心意。佢話要同同學講，蕃茄湯冇得輸😂。跟住黎嘅係瑞士雞翼，又係小朋友心水。一碟有四隻，又幾好喎。小朋友勁鍾意，覺得甜甜地，雞翼好滑。我食都覺得好正，雞皮有啲脆口，肉質好滑，味道剛剛好，夠晒入味，知道係佢嘅招牌菜，好彩有叫到😀。終於到我碗胡椒豬肚雞湯上海麵，太開心啦🥳～ 其實我一見到餐牌，就決定要佢。因為平時小朋友怕辣，胡椒味都食唔到，今次一人一碗，我一定食胡椒。胡椒豬肚湯呢啲咁複雜嘅餸菜，我唔會喺屋企煮，所以我出街食飯，鍾意叫我唔煮既餸菜。胡椒豬肚味好香濃，胡椒味剛剛好，仲有雞湯味。最鍾意食腐皮，索哂啲湯。豬肚好爽脆，雞肉好淋滑，覺得上海

🌸 番茄湯牛乳炒蛋米線 配 瑞士雞翼｜$57番茄味濃，湯底微酸，配出前一丁很掛湯，滑蛋份量多，口感偏結實。瑞士雞翼評價很高，外表很深色，事實上真的煮得很入味，肉質軟淋但又不會變得溶溶爛爛，雞翼外皮保持完整。🌸 阿華田脆脆｜加配半價$13脆脆份量給的十分足，口感一流，建議不要攪勻來喝，脆脆會變軟。⋯♡⋯⋯⋯♡⋯⋯⋯♡⋯⋯⋯♡⋯⋯⋯📍 番茄18觀塘觀塘道427號觀塘工業中心4期1樓G號舖（另外有兩間分店）

今日2個人黎左呢度食飯，一入到去已經好鍾意呢度既裝修，完全係80年代既風格，連佢地板個䃈磚，exactly係細個時婆婆屋企個䃈磚，真係倍感親切!!我地2個女仔，一人叫左個米線，諗住佢都係一碗米線je，不如叫多個小食，點知碗米線俾我想像中大。我叫左個花膠雞湯米線，碗米線有好多雞、好多菜同仲有一塊又大又厚既花膠。佢一黎到我就試左啖湯先，嘩，好好飲呀個湯，好濃既雞湯味。原本以為係得一塊花膠，食食下發現原來有2塊，都係咁大塊，好似搵到寶咁勁開心。最後我係成碗米線食哂連湯都飲埋 朋友就叫左個蕃茄湯米線餐，佢係跟埋炒蛋既，再加個大汗雞扒。一上個米線我地又係試個湯咩味，招牌果然係招牌，蕃茄味好濃，個湯唔係稀架，而且入面仲有一粒粒既新鮮蕃茄，感覺好健康，而個炒蛋都好味。不過真係要講下塊雞扒，佢係大塊既，但唔係超級大，不過真係好厚!我切開睇，入面啲雞油仲滴緊出黎，juicy到呢~ 佢個皮好脆，但肉好滑。我以為會超級辣，但又唔係，而且辣得黎好香。至於個瑞士雞翼，瑞士汁好濃，好味。我地上哂啲野先發現原來我地叫既全部都係雞LOL。好在我同朋友最後都食得哂無嘥野，不過我地走嗰陣都一路行一路嗌好飽。

▫️QR code落單☑️瑞士雞翼（5隻） - $38聽講呢度嘅瑞士雞翼好出名，之前一直都冇試過，今次就叫黎試下。雞翼一份有5隻，隻隻都好大隻，而且都已經煮淋左，都算入味。瑞士汁調得幾好味，甜甜地，價錢都吾貴，值得試下。☑️ 四川炸醬厚切豬扒飯 - $53有雪菜、椰菜同大量炸醬做配菜，撈埋一齊好好味，食到停吾到。好大塊豬扒，豬扒煎得十分香，口感結實得黎又吾韌，上面仲有辣粉，令豬扒更惹味。碗飯好大碗，食吾晒，如果落單時可以叫少飯就好。☑️招牌厚切雞扒煎雙蛋飯 - $53上面2隻煎雙蛋煎得吾錯，蛋黃做到流心之餘，蛋白做到脆口燶邊效果。雞扒同樣好大塊，煎到個皮幾脆口，但係雞肉就唔算十分嫩滑，蔥油好正，配豉油撈飯一流。呢個都有d椰菜，均衡飲食。🆗牛乳炒滑蛋 - $12加左錢配滑蛋，聽聞都好出名。蛋夠滑，但係食吾到牛乳味。

每次行過番茄18嘅將軍澳分店，都想試呢間茶餐廳。我今日去開觀塘，有啲時間，又見番茄18原來喺觀塘工業中心都有分店，所以就上咗去試吓。唔使入去工業區入面，喺觀塘站地鐵D3出口一落就係啦。但我行錯咗入工業中心嘅貨lift入邊，要行返出嚟，原來係呢個入口入去，上一層樓梯就最快。佢哋個餐牌真係好多嘢揀，我呢個時間去，午餐，下午茶，特色小食都可以揀。樣樣都好吸引，所以好貪心咁唔點套餐，而點左三個小食，諗住佢哋出名嗰啲都可以試吓。用QR code點餐，好快佢哋就上咗杯華田脆脆。QR code點餐嘅時可以揀埋少冰或走冰，少甜或走甜。杯特色阿華田，上面落咗好多阿華田脆粉，好似食緊阿華田餅乾碎咁，好滋味。之後就嚟咗佢哋嘅招牌木糠花生醬多士。忍唔住一口氣食咗四粒木糠多士，一咬落去，上面啲木糠令到個多士比普通嘅炕多士更加之脆。我有嘗試淨係食上面嗰啲木糠，但係都食唔出嗰啲係啲乜嘢嚟，可能係威化餅掛，但係又比威化餅實啲。創意十足，十分之值得試。佢哋另一招牌菜——瑞士雞翼，$38有五隻雞翼好抵食。雞翼好入味，食到唔停口。麻辣雙色餃子。好似紅油抄手咁，一上枱就好香麻辣味。撈埋啲蒜蓉蔥同麻辣醬，非常之野味。黃色嘅係粟

蕃茄稱王瑞士稱霸🌸蕃茄濃湯叉燒公仔麵配丹麥多士炒蛋$52⭐️⭐️⭐️⭐️⭐️蕃茄十分多勁濃郁，公仔麵每條都掛滿晒濃湯好正👍叉燒用左梅頭位，有咬口。丹麥多士焗左再趁熱塗上牛油，十分香脆可口。炒蛋用左牛乳去炒，十分香滑重蛋味！🌸花膠雞湯米線$69⭐️⭐️⭐️☆☆2塊花膠扒既厚身又大塊，而且十分軟糯，雞係雞髀位，雞湯夠鮮甜，完全沒有味精少鹽少糖，加上有好多娃娃菜係健康之選，米線質感軟硬適中。🌸蔥花鹹牛肉炒蛋治$32⭐️⭐️⭐️⭐️☆一上枱三文治十分澎湃又夠厚，啖啖鹹牛肉香味加上香滑炒蛋，再配上牛油方包，口感豐富，簡直係絕配！🌸瑞士雞翼$38⭐️⭐️⭐️⭐️⭐️雞翼嫩滑，每隻都肥嘟嘟架，瑞士汁十分入味，鹹甜鹹甜🌸大汗雞扒$30⭐️⭐️⭐️☆☆大大塊，雞扒上鋪瞞辣椒粉調味料，加上雞扒本身醃得非常入味，吃上口非常惹味🌸新鮮菠蘿冰+$12⭐️⭐️⭐️⭐️⭐️勁多菠蘿，飲落就好似食緊菠蘿甘，好Fresh 🌸咸檸七+$12⭐️⭐️⭐️⭐️⭐️有幾片檸檬加半個咸檸檬，夠晒入味，飲完喉嚨都舒服晒🌸華田脆脆+$12⭐️⭐️⭐️⭐️⭐️十分濃郁，不會過甜，面頭的脆脆超好味，脆卜卜，好正👍座位舒適，環境乾淨，冷氣足夠，店員親切有禮！======詳情======番茄18 (觀塘工業中