番茄18

营业中

休息中

嚟到將軍澳一間番茄湯專門店食午餐同朋友每人叫咗一碗米線～ 加埋嘢飲每人大約$60 左右麻辣手撕雞米線🐣 $52麻辣嘅味道唔會太麻或者太辣，但係鐘意食辣嘅朋友應該會鐘意。手撕雞係用店內招牌嘅瑞士汁醃製，甜味與麻辣嘅味道中和，恰到好處。米線裏面嘅酸菜好開胃，酸酸哋嘅味道更加令米線嘅味道層次升華。米線幾彈牙，份量好足，當午餐食啱啱好。番茄湯米線配牛乳炒蛋🐥🍅 $55（配瑞士雞翼，加+8追加午餐肉）如果唔食辣嘅朋友都可以試吓佢嘅招牌蕃茄湯米線。今次揀咗瑞士雞翼嘅米線，再加午餐肉。最滿意係牛乳炒蛋，非常滑，食落有蛋漿流出嚟，炒得剛剛好！份量亦非常足，啖啖都食到番茄粒！午餐肉亦唔太鹹，咬落係有口感嘅，唔會好似平低質時罐頭一patpat噉樣。跟餐加嘢飲可以半價～店員嘅招待很熱情，不時留意我哋嘅需要。舖面乾淨企理，店內嘅裝修都好有格調，有一種懷舊嘅感覺，不過會稍為覺得裝修凌亂，睇得耐有少少眼花🤣 不過整體都係坐得舒服嘅！

啱啱搬黎tko冇耐，收工近近地睇下樓下有咩食，都有好幾間餐廳，最後因為想開胃啲，就㨂左呢間🍅番茄18 試試佢😆一入去，好光猛，啲枱凳都好整齊乾淨👍🏻係呢個疫情下，令人安心唔少😄裝修都好懷舊，有唔同既場景：八十年代戲院🎬當舖、單車維修店，打卡able🤣🤣本身以為整係得番茄味既食物，但仔細睇餐牌，有麻辣米線，花膠雞湯飯，胡椒豬肚雞，瑞士雞翼😋最後同朋友決定share試曬佢地既招牌😍麻辣番茄湯米線，配墨魚頭同肥牛，超香👍🏻番茄🍅勁濃郁，起沙，唔係齋湯稀稀個種😎我就試左個花膠雞湯飯，塊花膠好似手咁大！仲要係有幾塊！勁正呀😚啲雞都好滑👌🏻👌🏻最後仲試左個瑞士雞翼🤩名不虛傳，如果鍾意甜甜個種豉油，你一定like👍🏻👍🏻野飲就試左紅豆綠豆冰😆第一次見雙色豆🤣🤣都幾多渣，唔死甜🥰菠蘿🍍冰好甜，可能係用鳯梨🤩🤩超多料，正！好開心佢開係屋企樓下，仲有好多米線🍜湯飯想試😋冇味精、足料之選👏🏻👏🏻

今日突登黎將軍澳食呢間裝飾別出心裁既餐廳，因為得知佢有葯膳雞湯米線食！🤣我同朋友都各自叫左一碗！一送到黎已經有好濃既酒味！竟然有三大嚿雞，其中仲有一個係雞髀！肉質好嫩，完全無雪藏味！正！湯底藥膳味都幾濃，有參、陳皮、紅棗等等！米線亦都彈牙！雞肉多過米線！正！😋😋😋我地跟餐叫左杯椰汁冰同紅豆咖啡！朋友話椰汁冰幾好飲！而我都好鐘意杯紅豆咖啡！紅豆大粒、好粉、好冧、好甜👍🏻同咖啡原來係咁夾！推薦！👍🏻另外叫左小食瑞士雞翼3隻，好入味，甜甜地咁，令到本來唔食雞皮既我都忍唔住食左少少皮🤣仲叫左個蔥花咸牛肉蛋治，d蛋金黃色的！好rich+有蛋味！白麵包又軟熟！唔錯！😋滿意！😋

在家附近有新開的餐廳，當然第一時間要來試一試餐廳裝潢有懷舊特色，乾淨企理，坐位舒適花膠雞湯米線 - 份量是超多的，雞湯湯底十分濃郁，還有雞油的香花膠是厚厚的而且是很大塊，十分有口感雞肉有半隻雞，肉質鮮嫩特色蕃茄濃湯公仔麵配牛奶炒蛋 - 我還加了豬潤，蕃茄湯底真的非常濃郁，味道帶甜炒蛋是半熟的，非常香滑豬潤爽口，不老不硬可選瑞士雞翼作為小食，賣相滿分，瑞士汁非常入味菠蘿冰 - 比較少見的特飲，味道不太甜，非常好飲綠椰冰 - 綠豆椰汁冰都時第一次見，綠豆配椰汁也出奇地夾這間餐廳的食物質素高，性價比高，值得再來

隨著將軍澳不斷有新樓落成，食肆亦愈來愈多。今次行經將軍澳海旁，見到一間新開餐廳裝修好特別，餐廳內有多間「店舖」，連麻雀館都有，好似去左一條街內，好有懷舊feel。餐牌上的湯麵餐吸引了我既眼球，有蕃茄亦有麻辣，餸菜選擇亦不少。點左兩個餐，叫得蕃茄18，當然要試蕃茄湯底。蕃茄湯濃郁，而且有蕃茄粒粒。湯面的牛乳炒蛋亦好滑，個人認為炒蛋如果落少啲鹽更能突顯牛乳味。套餐包一個主食，點了吉列魚柳扒。魚柳剛剛炸起，又熱又脆，而且都幾大塊，好好味。另外點了麻辣湯米線。配上花生粒，唔會太辣，值得一試。配料都有幾多選擇，有墨魚頭都幾特別。加$20就食到兩隻瑞士雞全翼，價錢非常合理。瑞士汁都幾多！另外可半價點飲品，點特飲就最化算啦。天氣咁熱，飲完好舒服！