中意仿

营业中

休息中

🇭🇰中意仿·呢間係我地住附近既朋友推介我地黎既 果然真係唔錯 佢係好似迷你私房菜咁 野食都幾好味 而且坐得好舒服😎😎·二人餐$308 l 招牌响螺燉湯+$54我地今次就嗌左佢個二人餐 呢個係有2個小菜 1個時菜 白飯 例湯同埋甜品 超級豐富😈佢個咕嚕排骨做得好好味 佢係真係即炸 個粉漿好薄 而且個排骨肉質好好 我自己好中意😍😍個粟米魚塊都幾好味既 但係佢個粟米汁係稀身啲 羹啲既 我自己無咁中意😂之後佢個日既例湯係薏米冬瓜湯 呢個清清地咁 飲落好舒服 我地仲另外加錢嗌左個招牌响螺燉湯 呢個雖然有啲貴 但真係好好飲 佢係勁濃味 勁滋補 而且入面既响螺都好大舊😍😍🥰之後呢度既甜品都好fancy 佢係有十幾款比你揀 我自己就覺得佢個杏仁腐竹糖水特別啲 佢呢個係真係好重杏仁味 個朱古力蛋糕就正正常常🤣·#rbyeat#rby中菜#rby西灣河·📍西灣河太康街45號鯉景灣B段地下GB01-02號舖

是晚係一個突然o既飯局，同好耐無見的林生及更耐無見的derek食飯~~~唔過海都唔黎搵我~~~哼!!本來話去銅記的，臨時轉左場，揀左去鯉景灣。以為食西餐，點知最後食中菜，哈。是晚餐單：::蓮藕煲乜乜肉湯 – 住家風味，正！::宮保雞丁 – 連埋腰果同炒，醬汁微辣，好惹味呀！::金菇(好似係)蒸水蛋配魚子醬 – 魚子醬都係用黎裝飾多；蒸蛋真係滑一滑，配上蒸魚豉油，讚！::乜乜豆腐 – 個獻汁好好味呀!!!!!很好下飯的一個小菜~~::豆豉炒油墨菜 – 我地三個都問，點解可以咁好食o既？連唔食菜的我都包底，就知哩碟菜有幾好味！::甜品 - 我地揀左相片中的三款，最得意係個隻「雞蛋」，蛋白係椰汁，蛋黃係芒果慕斯，味道就算不上好好，不過就好有心思！服務很好，侍應很仔細介紹餐單，張桌子”up up”下，又主動搵野攝落去，等張桌子唔洗郁黎郁去；介紹甜品時又好投入~~~~埋單每人$115，我地都十分滿意呢！不過如果可以晏少少收舖就更好(收10pm)~*是晚可以同朋友食食飯、吹吹水，真係人生一大樂事，雖然時間不長，但都好開心

11月5日, 菲菲農曆生日暨我們的86週月快樂!由於想食餐中國野黎慶祝吓農曆生日, 但係為食的呀菲我又希望可以西式的甜品作結... 千揀萬揀終於揀咗黎soho東呢間一次過滿足晒我2個願望既中意仿! 其實起初入到黎見到佢既格局係有d odd, 因為冇諗過佢係一間café溝茶餐廳格局, 枱凳又比較窄... 同想像中係有d出入. 不過唔緊要~ 照叫~ 佢有d二人餐, 又有d一人餐, 大部份都係家常小菜, 結果我地要左個2人’仿佛在童年’餐~ 乜野黎? 都係名黎架啫~::: 仿佛在童年2人餐 ::: $188::: 咖哩薯仔牛俐 :::咖哩薯仔牛俐用砵仔裝, 風味足但味道一般~ 咖哩辣但冇咖哩味, 牛俐切成幼條狀, 完全食唔到牛俐爽滑既質感, 仲有d韌添! 薯仔夠粉, 但係只得2舊... 砵仔本身好淺, 所以咖哩份量唔多~ 而其他材料都略嫌孤寒咗d囉~::: 京蔥爆牛肉 :::好鹹! 全部野都過鹹! 牛肉韌! d蔥有d生! 仲要超多油! 非常之no good呀!::: 蒜茸西蘭花 :::呢個跟餐送既~ 竟然係最好味! 大大棵西蘭花新鮮翠綠夠爽甜~ 蒜茸落得足, 食落又香又惹味~ 正!:::