帝樂 - 德國餐廳 (美利樓) (已結業)

我以為帝樂餐廳係赤柱先有，但原來銅鑼灣、尖沙咀都有，但喺赤柱食係唔同啲嘅。裝修係舊式德國酒吧嘅感覺，坐入面可以涼冷氣，坐出面可以吹海風，真係唔同啲架。唔同嘅，仲有係佢哋嘅服務，啲侍應真係好nice，有種family restaurant嘅感覺，會同你有講有笑，好似係自己經營餐廳咁做嘢。*自助沙律吧：多款健康鮮蔬菜沙津和有營餐湯沙律吧有7-8款沙律選擇，質素普通，餐湯係薯仔湯，味道偏淡，仲有三種麵包可以揀，非常普通，志在食下菜。脆皮燒豬肘配酸椰菜及薯仔（2位用）$400基本上只要係兩個人食，就會叫豬手。侍應攞住隻熱辣辣豬手出嚟現場即切，已經聽到外皮脆卜卜嘅聲音。大舊大舊嘅豬手砌滿咗個碟，外皮香脆，咔滋咔滋，一啲都唔會覺得硬。豬手肉厚又唔乾柴，鹹度足夠，加埋皮下一層脂肪，油香肉嫩皮脆，食膩咗仲有酸椰菜解膩。厚切美國西冷牛肉配時菜及薯仔 $210見到個size已經心感不妙，度一度細過我隻手掌。牛扒薄，肉少而且冇牛肉肉味，配菜更加搞笑，係半棵娃娃菜😂甜品及即磨咖啡或茶芒果慕絲抹茶蛋糕，頭兩層芒果慕絲順滑又帶香濃嘅芒果味，個底果兩層抺茶、原味蛋糕乾到不得了。朱古力慕絲比較好，順滑香濃，加埋面頭嘅

今日同肥髀慶祝考試成績好！佢話要去德國餐廳食自助餐，因為要就魚佬放工，所以食下午茶自助餐！前一日打電話訂位！因為肥髀想坐室內卡位！（除非無位，我哋好少坐室外，夏天好熱好晒，冬天好凍好大風）餐廳話只要我哋準時三點到，就可以安排！當我到時！餐廳果然安排卡位比我哋！（果然有口齒）食物種類都唔少！雖然係德國菜！但其中都有啲日本冷麵，美國雜菜湯之類嘅食物！味道都可以！填補速度都正常！我食嘅食物溫度都啱，湯夠熱，香腸即燒！雖然只有兩款，因為夠熱，皮脆有肉汁！意粉可以自己選配料，廚師煮好後由侍應送上枱，我哋叫咗個忌廉汁及蕃茄汁！因為即煮嘅關係！夠熱又幾好味！自己最著重甜品，款式幾多，我試咗幾款，咖啡奶凍，麵包布甸，味道都可以！今次嘅驚喜係有dreyer's雪榚！雖然只有一種味道，但係都已經好驚喜！侍應好勤快，收碟都勤！因為餐廳內地台有啲暗級！侍應都會提醒！而且服務時都有禮！地方更加無得頂，我雖然唔係遊客，下午茶嚟講價錢係貴！但响咁靚嘅食飯！都係一件好開心嘅事！

首次嘗試赤柱分店, 似乎與其他店略有比較... Set Dinner:龍蝦湯雖然沒什麼龍蝦味, 但勝在夠creamy及新點點鮮味, 還可以的... 至於smoked sausage有點不夠喉, 不是最佳的選擇農夫包不夠熱, 唯有讚的是兩款醬, 尤其是鵝肝醬真的是令人回味無窮!鹹豬手應該是鎮店之寶, 可惜是晚似乎趕'番枱', 豬手突別燒得過火, 超乾以至本應是脆的皮變得太硬, 真有店失望, 比較尖沙咀店的較為遜色大蝦是很大隻, 但不夠熱, 肉質一般, 有點兒不鮮的味道, 魚塊還可以, 其他配料一般水準不夠熱的食物似乎在這店不止一次出現, 很可惜, 松露的確不是, 但整個菜由於不太熱而令至不夠美味不可抱太大期望的甜品, 吃過便算, pudding或燉蛋類較為穩陣服務一般, 可有改善空間呢

午歺自助歺坐露台位望赤柱半島每台送飲品1杯及朱手一碟食物有煙三文,凍食小龍假、青口、螺.熱食有5-6種.甜品近10种露台供應自選配料拼意粉或長通粉苑茄汁或白汁,燒烤有德國腸、咸朱手、蝦等一流食品加一流風景,是個假日休息好地方

食咗佢個二人套餐，我覺得係平靚正再加大件夾抵食1) 自製農夫麵包配牛肝醬及芝士香草醬：麵包脆硬似法式包，芝士香草醬ok，牛肝醬仲好味，有少少似鹹牛肉三文治嗰種鹹牛肉味，仲有食得出肝既味，都幾特別，至少唔係搽牛油，而呢兩種醬都ok，如果你要求高，我諗至少你都會覺得唔難食啩2)希臘沙律配風乾火腿片：火腿幾好食，似啲自助餐啲火腿片咁囉,鹹鹹哋，啲沙律都係鹹鹹哋，ok啦，我覺得沙律都係生既疏菜，度度差唔多3)蘭度豆湯：哦豆煲好溶哂，溶到啲豆渣好似沙咁，真係沙過紅豆沙4)脆皮燒豬肘配燒薯及酸椰菜：燒薯普通啦；酸椰菜絲夠爽口，酸酸哋吊吓味；脆皮燒豬好大件，皮夠脆，唔識點講，總之佢種脆唔同燒乳豬或者燒肉皮嗰種脆，肉就啱啱好熟，所以唔會乾，又夠啉，少少鹹，夠惹味，仲好大份添。另外佢嚟到會SHOW一SHOW隻豬肘畀你睇，然後問使唔使切埋，咁我就哽係叫佢切埋啦5)燴薄牛肉配青椒粒汁：唔知點解嚟嗰陣變咗做薯餅配牛柳粒。初初諗住牛柳粒好多地方有得食，會普普通通啦，但係又有意外驚喜喎。啲牛柳夠啉，唔似係加咗粉嗰種啉，應該係牛既質素同烹調技術，牛肉夾雜住牛脂肪，彈牙有口感；個薯餅哽係唔同一般架啦，刨絲再炸，幾特別

對此店之認識嚟自三色台既某個飲食節目, 見到該節目介紹此店之德國鹹豬手非常吸引, 所以就上網搵下資料, 見到食評唔錯, 就決定出發 此店位置無疑絕好, 特別係OUTDOOR位, 遠眺海景, 而INDOOR就有駐場歌手唱歌, 亦無咁大風, 各有長短. 由於兩個人, 又想食多D款式(但一定要食鹹豬手), 所以惟有叫左個二人套餐. 頭盤 - 農夫包 & 希臘沙律配乾火腿片: 無咩特別, 但茶個包既醬就唔錯 湯 - 蘭度豆湯 : 好重豆味, 叫做OK Main Course - 燴牛肉粒:牛肉粒夠淋, 好重椰汁味, OK燒豬肘: 鹹豬手果然唔錯, 外皮燒到卜卜脆, 但稍為D肉就唔夠鹹同差咁D味鮮蝦闊條麵:唯獨係D蝦夠大隻同夠爽, 醬汁同麵都一般甜品: 都幾精緻, 唔錯其實除左鹹豬手, 其他野食整體都係不過不失, 但環境就加好多分, 唯一遺憾就係無食到德國腸