韓牛韓式燒烤 (已結業)

上開創興12蚊店買野, 經過1樓li間韓燒店, 平日夜晚位位$208, 望入去環境企理, 趁時間尚早6點幾, 唔會太多人, 食埋韓燒先返屋企lu.🇰🇷淨係預先醃好嘅生肉雪櫃已經有超過20款啦! 我最鐘意食嘅牛脷, 牛仔骨, 牛小排, 五花腩通通有齊, 又有海鮮, 仲要連BBQ必食嘅雞翼, 牛扒都有得食🤩.🇰🇷一個圓拱型韓燒鐵板, 火力勁易調較, 每次放生肉加一圈油以防燶底, 我地發現醃好嘅肉特別好味, 深色個隻牛小排真係可以encore幾次.🇰🇷堆滿冰嘅海鮮corner一樣豐富, d海蝦好大隻新鮮一搣就離殼的, 三文魚刺身分好一份份唔會俾人夾亂哂.🇰🇷等緊燒肉嘅時間, 食少少熟食: 壽司, 韓國名物炸雞, 天婦羅, 雞翼, 韓式前菜..... 驚喜竟然有勁多豬腳嘅薑醋食, 韓國菜名物炒韓式粉絲好味, 青口隻隻都勁大隻👍🏻.🇰🇷DESSERT time❤️雪糕款式有齊local同韓牌<正!!>, 想自己唧亦有軟雪糕🍦, 朱古力噴泉梗係要串幾串生果+棉花糖玩下啦, 其他bite size甜品都好吸引!!

同朋友聚餐兩個人都係韓燒發燒友就揀左呢間<韓牛韓式燒烤>一入到去, 侍應姐姐帶我地坐左喺近門口嘅位置由於餐廳係自助形式我地朋友輪流出去攞嘢食食物種類繁多, 琳瑯滿目真係睇到都流曬口水除左用黎燒烤嘅肉外, 仲有各款泡菜, 壽司,熟食另外仲有沙律Bar同各款甜品我地各自都拎左一埋食物返埋位。燒烤嘅肉肉質鮮嫩, 味道亦腌得剛剛好, 唔會過淡或過鹹熟食方面, 炸物烤得香脆可口。魚生, 海鮮亦鮮甜味美, 完全冇腥味。食韓燒難免會比較容易口渴餐廳有個大型飲品櫃比大家隨時去攞嘢飲如果咁都未夠喉仲有自助雪糕機同只限晚市提供嘅$18杯任食Ha記雪糕除左自助雪糕機外,仲有自助棉花糖機啱曬小朋友同貪食又貪玩嘅大人(溫馨提示: 小朋友最好喺大人陪同下先操作部棉花糖機喔~)我同朋友都各自整左支棉花糖黎食由於經驗欠奉, 導致賣相麻麻但我地都覺得好滿足今次用餐經驗好好,食物種類又多, 好味又抵食, 有機會我都會再幫襯的

這次寫的餐廳是位於旺角創興廣場一間叫「韓牛」的食肆。正如其名，這是一間以韓式燒烤作賣點的餐廳，店内提供各種肉類，包括：豬、牛、羊和雞，令一些對牛肉和海鮮敏感的朋友也可以一嚐燒肉的滋味，十分貼心。提到海鮮，店内亦有多種海産提供，令自助餐更具特色，例如：青口和三文魚，我最愛的則是炒蟹，鑊氣十足，再加上一罐可口冰凍的可樂，真是人生一大樂事。當然，飲品和甜品該店亦有提供，其中，朱古力瀑布是一個別出心裁的特色，令我們這些食客能寄娛樂於飮食，有趣。此外，該店的服務員的態度値得一讚，在我入座後，身後正好有一位坐輪椅的老婆婆，一位年青的男服務員見狀馬上以體貼的語氣帶婆婆入座並向我們一眾食客造成不便道歉，値得加許。總括黎講，如果你是喜歡燒肉，海鮮和美食的朋友，不妨可以一嚐這間坐落在旺角彌敦道創興廣場1樓的「韓牛」。