金利來

营业中

休息中

早於2星期前訂位，仲要有時段限制。Book左11月9日20：30。由於忘了帶coupon,負責人又堅持要hard copy(即使有soft copy及於訂位時已提供優惠券號碼，負責人亦不讓步，已not helpful!),唯有返轉頭攞。20：40到步，即時通知負責人已人齊及有coupon,仲要足足多等了一個鐘先有位。我地一行8人，有老有嫩，企足1個鐘餵蚊。當然中間有問過安排，無人理只叫你等。每一次都呃你就有位！book左位都等成個鐘，梗係有怨言啦，仲要比個肥女人鬧：個個客都係咁等啦！😡😡仲要未食嘢未享用服務就先收服務費。到上菜，明明有3道菜係2選1，但無人問你揀咩，又要你自己走去收銀講。菜色次序上錯哂，中間已上飯，反而蟹及賴尿蝦最遲上。食物份量足夠,但味道一般。上菜速度也快,1.5小時左右上了11道菜連湯。但服務奇差,絕不再來,以免辰受氣。

因為媽媽識佢老板既關係，我地成日都會去食，因為我覺得真係幾好食架，至少一定均真過去西貢俾人呃囉，係呢度食，以人頭計，我地今次要既係每人300蚊既餐，每人一款都一定有一舊食，我地14個人，幾千蚊，係西貢同樣俾幾千蚊，咁多個人食一人都冇一舊食囉，離晒罩~~其實計埋湯、生果，TOTAL會有13樣野，但係因為呢度最多只可以POST8張相，所以就POST住先喇~~好好味~~

趕緊在開學前再聚一聚, 同學仔中有是老師的, 開學後就會唔多得閒理我們了.其實去過鯉魚門不少次, 每次都係去海鮮檔先買海鮮, 然後帶去酒樓加工.  今次比較特別, 係套餐形式.金利來係一間坐落於鯉魚門海鮮群的入口處, 非常近牌坊, 一間沒有豪華裝修的酒家, 分兩層.  我們一行七人, 預早訂座, 獲分配樓上雅座   同學預先點了$350 的套餐, 我們其中5位是臨場才知曉菜單內容, 實在嚇一跳, 竟然 ...........海鮮湯 - 好足料, 有好多湯渣同荽茜, 好奇怪, 無乜荽茜味喎, 正合我意.蒜蓉粉絲蒸貴妃蚌 - 粉絲夠乾, 唔係一氹水, 貴妃蚌大隻又新鮮爽口.清蒸鮑魚仔 - 話雖鮑魚仔, 但都好大隻, 如果可以落多些果皮仲正.蒜蓉粉絲蒸扇貝 - 水準同貴妃蚌差不多, 但肉質及蚌本身的味道, 當然係貴妃蚌比較吸引油鹽焗奄仔蟹 - 正!!! 同早兩星期前到鯉魚門另一海鮮酒家食的, 有得比; 但那次的兩隻蟹是$360, 另加油料錢.  大家都認為可以從此放棄大閘蟹了.豉油皇美極蝦 - 其實我好怕食豉油皇煎蝦, 因為每次都係鹹到嘴唇好痛; 但今次完全唔同, 見到同學仔食到手指都想食埋

鯉魚門一向都是海鮮馳名的地方，然而一生人來這裡也不多，只來過兩次，每次都是老板請的，來過哪間店？忘記了！因為...那是很久的事了。最近，兩位小姨從加拿大回港短聚，其中一次聚會，便是安排到鯉魚門，原因...舅仔推薦說這裡海鮮抵食，其實...他是這裡的常客。最後...大家擇定日子夾好時間，今晚一棚人的操上來，嚐了如下菜色...。白灼東風螺，好細隻，花紋顏色暗啞，樣子不甚美，小小的螺肉，屈縮在殼內，吃牠似乎有點難度，其實，起肉並不困難，牙籤就是最佳助手了，一挑即出，而一般食螺肉，為怕不太熟透，會被細菌感染，一般而言，近尾部的黑色腸臟，我會咬斷棄留於螺尾處，也許就是這樣子...避過了礙口的沙粒，食落肉質結實又彈牙，肉質尚屬鮮嫩，不醮甜醬也很鮮甜，而肉味就比更外貌為完美。.豉汁蒸蟶子，蟶子不屬皇者，是中型貨色，每隻約6吋長，用上蒜茸豉汁蒸製，再灑上蔥花，雖然肉地未算豐厚，但沒有蒸得過老，肉質很爽脆，味道非常鮮甜可口，加上好味的豉汁提味，更是迷人極了。.蒜茸粉絲蒸扇貝，扇貝係普通SIZE，蒜茸扇貝與粉絲，絕對是好味之配搭，得到紅椒粒和點點蔥花的幫助，賣相更是動人，扇貝肉質鮮美，吃來卻帶點韌性，可能