堅信號上海生煎皇 (形點 II)

营业中

休息中

同細女去Yoho行街，行行吓肚餓，經過一間上海菜，成日見佢好多人，又好耐無食過，就諗住入去試吓，門面環境感覺舒服，入咗去，兩個人就坐係卡位。當時約3:00左右，客人都有2/3坐滿，望到餐牌，嘩！樣樣都好想食呀😍！於是，唔理三七二十一，就叫咗好多嘢食。點知……❤️堅信號生煎包（2隻）+$13👍皮薄多汁，煎得香口，熱辣辣，最後叫多咗一碟🥹肉較少💚 灌湯小籠包（4隻）$30😑皮厚，味道一般💚 上海粗炒$44😑無乜餡料，得幾塊冬菇、椰菜等，啲鼓油味有點苦，總之味道怪怪地，連亞女都唔食💚上海排骨菜飯$48😑個秘制排骨偏甜，味道不行，排骨菜飯有點乾，菜有點少💚雞絲粉皮+$16😑粉皮不爽口，麻醬過酸CP值：⭐️

下午肚餓諗住食少少野，睇網上食評話唔錯，所以同friend一起去試下生煎包。個招牌生煎包係OK既，裡面既肉餡份量夠，都有少少湯汁，皮唔會好厚，物超所值，真係好好吃，不愧係招牌菜。炸醬麵面底OK，但個炸醬真係好鹹，太重口味，我個人本身都係偏淡，所以唔係好鍾意呢款。上海粗炒麻麻地，好一般既食物，雖然知道炒麵會好多油，但係都係頂唔住，味道一般般。酸辣湯麵同炸醬麵好似，面底OK既，都係個酸辣湯好鹹，但酸辣味係足夠既，如果口味唔係好淡應該會鍾意。黃瓜同雞翼幾好味，黃瓜爽口，雞翼入味，值得試下。而小籠包有湯汁，幾好味，但生煎包會好味過佢。總體唔錯，生煎包同小籠包可以一試。

去形點睇電器(遲下用消費劵嘛)又見堅信號，每次食飽至行過，緣慳！今日時間剛好下午茶，2人限聚入去嘆下。1）$30生煎包餐 +$2 轉豆漿一客4只，熱㗎 餡肉多汁，咬入即漏我對面位人兄嫌隻包細喎凍豆漿都幾滑2）$38豬手麵餐+$2 轉豆漿 追+$12灌湯小籠包兩只豬手講明得2隻，我碗2塊肉都夠淋入味上海麵都好煙韌彈牙灌湯小籠包追加12蚊兩隻，皮薄多汁名不虛傳！埋單一共$84, 食得過減埋$5電子支付優惠券實,付$79,抵

晚上飯聚，朋友話成日見堅信號好多人 想試下於是就去試一試啦!舖位晌中庭，唔係好大，不過勝在裝潢乾淨企理，沒有好多傳統上海食店 老老地 舊舊地的感覺。餐廳服務細心周到，個個客人入到餐廳 一定會聽到 店員會講"堅信號歡迎您"給大家一種日式賓至如歸的感覺。坐低見到桌面寫有得自助手機點餐不過有趣的是 我找不到QR CODE 去掃所以都係剔紙仔吧!   都一樣非常方便。晚市有獨立一張清單，選擇都好豐富。衛生環境令人滿意，餐具也會細心的連熱水奉上。用膳期間也留意到店員除了執枱外，更會用消毒液清潔一番，連地下的小垃圾也會清理。將點菜紙交到職員手上後5分鐘左右已經開始起菜，先上晚市套餐的凍豆漿(跟餐加$5)甜度適中，食上海野不少得。接著套餐包了兩粒灌湯小籠包，皮厚薄適中，肉汁滿滿的，餡料肉味香濃。跟餐加$10便可以食到原價$20 2個的生煎包。作為堅信號的招牌菜，生煎包的肉汁更多，我一個不小心便將肉汁從口內噴出來。加上有芝麻和蔥花的襯托，口感更為豐富。主菜我點了外婆紅燒肉菜飯 ($68)外婆紅燒肉軟腍入味、肥而不膩。份量也沒有因為套餐而變得很少。另外我們也散叫了些灌湯小籠包、糖醋排骨和軟夾包質素也相當

星期五同男朋友都想happy Friday 食飯睇戲，買咗戲飛8點幾就睇，就決定快快手係yoho mall食個quick dinner就算，之前見到開咗間生煎包，都幾多人排隊食下，就決定今晚去試試先七點左右去到，都已經有十幾人排緊隊等位😮😮 好彩啲枱都算轉得快，等咗15分鐘左右就有得入座我地叫咗份晚餐A, 貪佢咩都可以試下，再加多咗一份紅油抄手同新出嘅酸菜魚首先嚟到嘅就係生煎包，size唔算好大，大概係手掌心左右，開頭以為唔係好熱，點知一咬落去入邊啲汁真係會辣親條脷😛 底部煎到卜卜脆，但又唔係燶到硬哂，每啖都係充滿肉汁，我諗每人兩個先啱啱好😝😝四川擔擔麵都係有驚喜，唔止花生麻醬味，似乎仲加咗少少四川麻辣嘅花椒係入邊，味道獨特得嚟又唔會變咗另一樣嘢，真係幾surprise㗎跟餐仲有個無骨鳳爪，份量都唔少，但如果可以再入味啲就好喇紅油抄手都係意料之中，唔算太驚喜，但細細粒幾方便最後就係酸菜魚，見佢新推出就試下啦，開頭食覺得一般段，唔夠酸唔夠辣，但食食下撈勻咗就愈食愈酸辣😂 同埋本身跟咗薯粉，大家夠食嘅就唔洗好似我咁矇盛盛加多咗個白飯食😂始終呢度都係食上海菜，都推薦大家先試哂啲上海嘢食，有q

紅日lunch 落黎食三個人叫左兩碟小食，一個酸菜魚，一個黃花魚面，一碟菜，再加兩粒生煎包人均約$120~~ 因為紅日所以唔會有set鳳爪依度係食左兩舊既相，大約$2x 有4-5 舊鳳爪，份量尚算接受，鳳爪唔算好入味，但都有咬口青瓜就相對份量少d, 同埋都係唔入味份量最少一定係生煎包，好細粒，真係一口一粒都得但熱辣辣，外脆內軟，入面陣肉蘇味又無乜，係唔錯，果然係皇牌估唔到依度都有酸菜魚，證明依排酸菜同水煮真係好熱門魚質唔算特別滑，正常，有少少魚味湯底夠酸但唔夠辣，個底都有薯粉架煎黃花魚煎到金黃香脆，唔錯，面底就正常但d 魚就放係面上面，會浸淋哂，所以我地即刻分番開d 黃花魚落其他碟度叫左個菜心係唔好食，老身又苦，不建議甘多樣野睇落好多，但其實每樣份量都算偏少，三個人係岩岩夠飽但食左兩次，食左大部分佢既野食其實最好食都係得生煎包

運動前兩個鐘吃點東西....點知一個餐就K.O.左我了，好飽好飽...吃不完!!叫左個set A,擔擔麵，生煎包，麻辣鳳爪同埋一杯豆漿！價值$69。抵食！生煎包冇我輸..要小心噴汁，擔擔麵個人認為花生醬味再濃少少較好，麻辣鳳爪好似食緊酸辣鳳爪咁！豆漿豆味濃..不錯

元旦中午又係元朗搵食，依間開左有一段時間，但太少行黎依邊，所以都無黎試係Mall I 突然見到佢地廣告牌就醒起過黎一試我地大約十二點四黎到，要排大約十分鐘到人流去得算快，反而係侍應唔夠，執台上菜都慢左d自己tick 紙落單，睇番價錢其實唔算貴，但都預左份量偏細最好既係見到生煎包同小籠包都可以叫兩粒，岩哂我地依個見到大部分人都點，好快上菜，應該係就甘筆出黎就上，所以個肉唔算熱d 肉夠入味同淋身，味道夠酸，唔錯，好開胃菜飯值得一讚竟然係用珍珠米，即刻加分，夠黏口麻辣土豆絲，份量好細架喳，所以依個應該最唔抵，辣味有少少，一般水準菜心唔好食雞絲粉皮係成餐最好食，因為粉皮好滑口，d 醬又夠，粉皮絕對唔會痴住一pat 野主角終於出場，size 唔算大粒，但入面d 汁真係多同埋好熱可惜佢都係有陣豬肉蘇味，同埋入面舊肉都幾大舊，食完有d 滯依款係蟹粉黎，皮夠薄，入面蟹鮮味都濃，所以可以遮左陣豬蘇味，好食兩個人食甘多野，人均$110, 試到甘多款野都ok, 我地兩個女人係可以清哂所有野，但都唔會飽到上心口甘，甘大家明白d 份量啦

生煎包外表吸引，但內裡的豬肉不夠香嫩。菜飯換咗三次都係生硬，好難食。酸辣湯水餃（6隻），同生煎包餡一樣係豬肉，湯唔夠熱，餃皮爛溶溶。最好的就是冷小食鷄絲粉皮，好香芝麻醬味。小籠包即叫即製，餡料普通，都係豬肉。芝麻鷄翼夠熱，但唔知點解加了孜然，好似食串燒羊肉就加呢香料，味道有啲怪怪地。熱水和熱飲的豆漿夠熱，服務員態度有禮換咗三次飯都臉帶笑容。下次未必再來，因為價錢都未夠貼地。$18兩隻鷄中翼，中式酒樓$40都有八隻，仲好好食𠻹。