小南國 (已結業)

得閒同呀媽行完街，當然要搵得食店舒舒服服坐底食下野休息下喇，行黎行去，睇黎睇去都唔岩呀媽口味，所以就去左呢到喇，平時見到都有好多人排隊等入去，點知今次唔洗等就可以直接坐底，正一坐底，侍應就上兩杯熱水同前菜小食，係腌咸菜，正，岩哂老人家口味，好快我媽就食哂啦之後點左生煎包($42-) ，有點辣鴨胸粉皮($48-) ，排骨擔擔麵($55-) ，酒釀小丸子($25-)真心唔錯，擔擔麵夠香夠辣夠彈牙，排骨新鮮炸起夠滋味，酒釀小丸子又香桂花味又夠彈牙，好滿意

同朋友出街多數都係食西餐，但係因為已經連續三日食pizza，所以真係夠喇!! 好彩行完街想搵野食之際小南國出現眼前，諗都唔諗就要食喇! 因為差唔多九點既關係，唔可以食d太heavy既野，所以三個女仔只係叫左蟹粉炒年糕、窩貼、蟹粉小籠包、生煎包、砂鍋雲吞雞。蟹粉炒年糕 - 食呢個餸既精髓係靠個醋，本身係無咩味既，不過一加醋黎吊味，蟹粉即刻變得鮮味! 年糕又夠稔，有仲d蟹肉絲tim，唔錯!窩貼 - 第一次喺小南國食呢類小食，估唔到個造型係咁特別! 味道ok! 蟹粉小籠包 - 有d失望，因為size比較細粒，同埋應該要用紅蘿白墊一墊個小籠包會好d，因為我地三個都夾爛左，個小籠包痴住左張底紙，d湯漏哂出黎.......生煎包 - 新鮮熱辣，個底脆，包面稔，入面仲有好多湯，好濃好鮮甜! 不過都係唔夠上海既楊生煎好味~仲有砂鍋雲吞雞，不過無得影相，因為係分哂先送上黎，不過都係有d失望，因為d湯好似味精湯咁，同埋比較油膩，不過有好多雲吞，似菜肉雲吞，好大粒，好似食極都食唔完咁~

很久沒到新世紀廣場  今天會來是因為母親大人說這裏3/F開了《一田超市》想不到商場進駐了很多新食肆  但《小南國》我卻一直未有光顧今天正好來止止我的“小籠包隠”我和母親大人被安排坐於入口處的圓枱, 眼看餐廳內都坐滿了人, 看來生意真不錯!吃了一半的小吃才記得要拍照  二人點了6道菜脹卜卜的外形很討喜, 入口只是微暖, 卻想不到會爆汁, 但味道只是一般很巨大的容器, 還頗精緻的。其實大埕內裝了熱水, 為那一小碗肉保温。以為只有那麼數件東坡肉, 沒想到竟然每人可以吃上3大件  雖然炆得不夠稔, 但很入味, 不過咸, 而且底下的菇也沾滿了汁醬, 很好吃!  令人驚艷的一道菜, 乍看還以為是西芹, 原來是把勝瓜籽都給切取了, 只取翠綠的部份。勝瓜很嫩, 菇類沒有任何異味, 很清新 雲吞端來是大大的一碗, 一共六大隻,肥肥大大的, 足料!沒想到$25可以吃到3隻小籠包, 很便宜吧!  皮薄肉汁多, 好吃!!雖然飯的份量不大, 但味道取勝, 不會太油膩, 也不咸.....但卻越吃越想吃!!以上的飯菜全給我倆掃空, 又飽又滿足!!