越一越南牛肉粉專門店 (已結業)

這天跟隔了半年未見的朋友吃飯。本來友人提出試區內一間有名的米線店，礙於近期外出吃得較豐富，所以想晚餐吃清淡一點。我見這間在路德圍的越南菜餐館有不少人入座，以晚餐來說價錢上叫合理。店內空間感適中，座位舒適寬敞，長時間坐下也沒問題。朋友先點了杯椰汁三色冰 （$18）。飲料尚清甜，內有椰汁糕、紅荳和綠豆蓉。這裡菜式選擇眾多，我們都比原定時間稍遲到達，有點餓意，所以點了兩份前菜：峴港鮮蝦米紙卷 （$42） 和紅河炸蝦餅 （$52）。米紙卷餡料豐富，內有數隻蝦仁、紫蘇葉、醃蘿蔔絲、生菜、檬粉，米紙質感黏韌、味道清新輕怡，蘸上少許魚露酸甜汁吃就剛好。蝦餅則相對香口惹味，吃完一件已有一定的飽腹感，若外表再香脆點會更美味。我們各自點了碗麵食。到這裡就是想滿足口腹吃生牛肉湯河 （$45）。上菜時牛肉片仍呈現淡紅色，數量稱不上多，但能做到新鮮嫩滑，牛肉味可以更濃郁。湯底牛肉味天然，濃淡適中。河粉夠軟滑有彈性，不會過生成了一團或是糊掉。我未有試朋友的生牛肉牛丸咖喱湯檬粉 （$51），但她覺得不錯，比前菜更對胃口。這餐之中最喜歡就是生牛肉湯河，其他都算是水平之作。來荃灣除了吃街邊小食，想吃簡單點可以考慮這裡。

荃灣多野食就全地球人都知，有時諗食乜嘢都幾頭痛，今晚難得收早少少，約左朋友食宵夜聚一聚，朋友話最緊要就腳，於是揀咗荃灣地鐵站附近嘅呢一間越南餐廳，喺地鐵站行過去唔使5分鐘，極之方便平時經過見佢成日要排隊，好野就梗會多人聚集啦，今晚九點左右，好彩比我地搵到位，仲坐到個卡座坐低即刻order啲好野食下先佢哋有幾款二人套餐，我地覺得好啱心水，於是就揀咗其中一個越式生牛肉河粉，牛肉嫰滑，肉汁豐富，湯底鹹淡適中，河粉爽滑回味無窮最緊要係呢間餐廳保證不用任何味精跟住再嚟呢一個香茅牛肉米紙卷，透明的越南米紙，包上蔬菜香茅牛肉，點一些醬汁，滿滿的一口，很滿足的感覺還有這個我最喜歡，重點推介的牛油雞翼，終於上場了，蒜蓉加上牛油的香味，廚師精心炮製，香脆可口，肉質鮮嫩，我敢寫包單，你一定會愛上而朋友就最喜歡這個法式蒜蓉多士，香脆可口，外脆內軟，越簡單的食物，其實就越考廚師功夫飲品方面，也有很多選擇，我哋就揀咗椰青、咸🍋七除咗食物質素令人滿意之外，佢哋嘅服務水準都唔錯，相信就係佢哋成功嘅原因

附近有一間食開嘅越南餐廳，係好好味。平時見哩間都多人排，所以就諗住試吓，點知中伏了。第一碗係生牛肉湯河，聲稱係無味精，但一飲啖湯就知道呃人。個湯勁咸，好多味精，而且完全無牛河平時嘅鮮甜味，食完要狂飲水。湯係一碗麵嘅靈魂，所以哩碗真係好差。另一款係咖喱牛腩煲配法包。個咖喱又係令人失望，係港式咖喱嘅味道，而且咖喱香味欠奉，又係得個咸字。牛腩炆得唔夠淋。蒜蓉包好彩係正常。最後一道係豬頸肉木瓜沙律，全晚最正常嘅一碟。豬頸肉燒得幾好，好香脆，調味啱啱好。木瓜味道就普通，始終唔係當造季節，唔可以要求太多。哩間一定無下次。