越南牛肉粉專門店

营业中

休息中

仲記得以前呢度啲牛肉湯粉非常美味，於是今日再嚟幫襯，點知發現今時今日除了個牛肉湯河之外，其他食品變得十分麻麻地😔😔今日叫咗個生牛肉湯河、豬肉片撈蒙、三拼飯（雞翼、雞扒、豬頸肉）小食配左兩份炸春卷及粉卷再加珍多冰、可樂、鹹檸七盛為$232生牛肉湯河個湯底都仲keep到，不過唔明白點解啲生牛肉要攬埋一舊咁樣出，即刻令到成件事情減分🙅🏻‍♂️🙅🏻‍♂️今日叫嘅食物大部份都是炸物，包括其他肉類及春卷。我成日都話如果炸嘢都可以出問題，咁問題就非常大了。春卷唔夠脆，雞扒乾爭爭😔😔蒸份卷完全錯晒，直情係個味道都出事😢😢

記得之前係附近番工食過， 而近日就去荔枝角既關係，再一次光臨。感覺裝修過，裏面都靚左好多，價錢就唔記得咗啦基本上係要一份套餐包小食，定唔包小食。叫左一份香茅豬撈檬跟春卷,凍意米水；一份生牛肉湯河跟凍檸茶。生牛肉河份量唔多，味道一般；香茅豬扒比想像中大件，都幾多檬下；春卷好油，好麻麻。待應服務都可以既！食後感： 唔會突登番轉頭再食

話說好朋友結婚，相約左幾位姐妹去到香工揀姐妹裙，揀完肚仔餓，就諗到黎呢度食晏。我叫左個生牛肉湯河。湯底有陣牛骨味，牛肉都好滑，加埋生嘅芽菜，洋蔥，金不換同辣椒係好正，河粉亦都夠滑，不過就細碗左少少，可能係我太大食啦。因為我叫嘅係套餐，所以除左面之外仲有一個小食同一杯飲品，小食我叫左越南春捲。不過就好一般了，有一件嘅背面炸成黑色，入面嘅料亦都只係一堆溶溶地嘅粉絲，個皮有點硬...有點後悔叫左呢個呢.....

又是在返教會崇拜後和水爺尋找荔枝角美食，已幫襯這間越南牛肉粉專門店許多次，每次水太太必點生牛肉湯河﹗水太太好喜歡生牛肉湯河，曾試多間越南餐廳，這越南牛肉粉專門店的生牛肉湯河算很好味的﹗（水太太暫時認為嚐越的生牛肉湯河最好味﹗）水太太喜歡的生牛肉湯河湯底要夠濃味，這合格，但若有更多胡椒粉則更美味﹗牛肉要夠薄嫩（水太太曾試過厚身的牛肉，又「孩」又不能三兩下弄熟），這都合格﹗河粉要夠滑，這都合格﹗而且，這間餐廳的芽菜是另上的，保持越南傳統風味（雖然香港人可能覺得不太衛生，但在越南的餐廳都是這樣的，待吃的時候加入湯裡）。前幾年，水太太曾到越南旅遊十二天，吃過不少越南地道的生牛肉河粉，總覺得他們的牛肉是較厚的，湯底較多味精的，其實水太太覺得香港的比越南更好食呢，可能更合切香港人口味吧。我們還點了水晶香茅豬肉卷，豬肉有點脆脆的，香草味亦好清新，好味﹗