Taylor Shellfish Farms (高街)

营业中

休息中

平常食生蠔多數都喺晌食自助餐嘅時候，甚少去啲餐廳或者蠔吧度食，唔喺唔鍾意，只喺身邊少朋友喜歡單單食蠔。但今晚就同個老友，嚟到高街嘅「Taylor Shellfish Farms」嘆下生蠔之餘，並且講講旅行心得。 餐廳離西營盤站大概5分鐘步程，沿途都好多餐廳，加上周邊嘅舊樓多，有啲似去咗外國嘅小社區咁。而餐廳環境唔喺好大，裝修以碼頭做背景 ，非常有心思，加上柔和嘅燈光、輕音樂，三五知己喺到聚一聚，非常有氣氛。 鋪面嘅櫥窗玻璃已經印咗大大隻字「Oysters」，經過嘅人都知道佢主打喺生蠔，而入門口嘅左邊 就放咗好多唔同國家嘅生蠔，品種非常之多，仲見到有兩位開蠔師負責處理。 再睇一睇餐牌，就睇到蠔嘅品種實在非常之多，此外，仲提供好多其他唔同種類嘅海鮮菜，例如青口、馬拉蜆、翡翠螺、麵包蟹、小龍蝦、波士頓龍蝦……等等。其次仲供應湯品、沙律、小食、炸魚薯條、意大利麵、意大利飯、扒類、甜品。 飲品方面，同樣選擇多多，有紅白餐酒、氣泡酒 、生啤、手工啤、特飲、果汁、啡茶……一應俱全。另外更有一張餐酒跟海鮮食物配搭嘅餐牌，如果好酒嘅朋友，不妨晌度揀支心水嘅餐酒配搭你所點嘅食物。此外，為喜歡飲酒及愛食生蠔

頭盤緊係食蠔先啦！我地今次試左4款蠔，隻隻都好新鮮，不過我自己就鐘意食清甜同飽滿既蠔，所以特別鐘意美國君御生蠔同愛爾斯oysri 生蠔😚跟住飲左個龍蝦湯，跟湯既蒜蓉包仲出色！擺上枱個陣已經聞到勁香蒜蓉味！跟住就到前菜法國焗蝸牛，呢個就正常啦！之後就到主菜，揀左蒜蓉牛油汁焗波士頓龍蝦配薯條，侍應呀mark 話係方圓最好食既就係佢地整既，果然係好食！最後讚下兩位侍應哥哥，服務態度好好，仲介紹左岩我地食既生蠔～ps, 跟openrice book 枱仲送紅/白酒！仲要係好飲～

先生帶我第一次來餐廳，慶祝情人節，餐廳環境簡單舒服，入座後職員介紹情人節套餐，但我們決定散叫，職員即時細心介紹多款生蠔比我們試食，餐廳有20多款生蠔可以選擇，生蠔送來檯時，職員更講解從那款開始食，我們試食了4款，質素不錯。而熱食選擇了海鮮鍋，裡面有龍蝦，帶子，蝦，青口，蜆，翡翠螺等等，湯底是龍蝦濃湯，附上熱辣辣蒜蓉包點湯用，味道實在非常的好，當我們食完海鮮後，職員細心安排將湯底再加熱，變為2碗濃湯，真心覺得正！實在值得再encour

今次已經係第二次嚟，上一次來係剛剛開張嘅時候。高質服務咁多年來一直都冇變到。Menu有10幾種生蠔選擇，價錢非常公道，OpenRice訂座更加有88折， 十分抵！而且侍應非常熟悉每一種嘅特點，推介嘅都好合我嘅口味，上枱嘅時候總會介紹由邊一隻食起。兩個人食咗八隻生蠔，都係揀爽口同清甜嘅居多。生蠔極度鮮甜同肥美，大滿足。熱食揀咗炸魷魚圈同埋蜆肉雜菌意大利飯。作為一間主打海鮮嘅餐廳，佢哋嘅side menu真係意外地高質。魷魚圈份量非常足，炸粉好薄，魷魚炸到啱啱好，香口得來仲好Juicy。意大利飯仲有一粒粒嘅咬感，絕對唔會煮到好爛。絕對係誠意之作，有驚喜。兩個人嗌三樣嘢已經夠晒飽。連埋嘢飲同甜品，埋單都係$7xx，冇得頂。

店員服務友善親切， 安排入座感覺好好有多款生蠔選擇，第1 轉食愛爾蘭，法國marennes oleeron, 同法國lambert, 鮮甜，海水味濃，肉質爽脆，好好味墨魚汁墨魚腸意粉 - 好味又好玩 意粉煮得好彈牙，食完又可以一齊影張靚相， 黑色天然唇膏實在太靚喇芝士煙肉蒜蓉包 - 香脆可口墨西哥脆片 - 香脆好味 再食多轉生蠔， 店員Mark好細心推介咗三款，nagasaki, french pinky, 法國金箔皇御蠔。 nagasaki一年只係出產一次， 好鮮甜，肉質好好。 french pinky都好鮮甜，口感好好. 法國金箔皇御蠔超好味道 濃濃海水味，超鮮甜，口感好滑芒果汁係用鮮芒果製作而成， 濃到冇辦法用飲筒飲到，好正Mark 友善又風趣幽默， 對生蠔非常熟悉，只要話佢知想要咩口味，佢都可以一一介紹多謝他今天的好介紹

上星期男友生日，佢之前講過想再翻黎呢間食蠔，於是我就揀咗呢到同佢慶生。我地叫咗個蠔set，有美國太平洋、美國熊本、愛爾蘭卡靈福德、法國黑珍珠、法國吉拉多同法國金箔皇御，每款各兩隻，包一支酒或4杯飲品。店員Mark好細心咁介紹個食蠔嘅次序俾我地，由淡到咸。個蠔夠鮮甜，口感都好好，蠔肉豐滿。成個次序嘅味道係有明顯嘅分別。佢地個cocktail sauce都調得幾好味。食完之後，呀Mark再介紹我地食一個Seafood Stew。最初諗住廢事揀，入面樣樣海鮮都有，點知都幾有驚喜喎。佢地先煎香啲海鮮，之後再用龍蝦汁去煮個鍋，煮嘅時候成間餐廳都好香，真係幾期待架。Seafood Stew入面有龍蝦、螺、馬拉蜆、帶子、蝦、魷魚、青口。我覺得啲海鮮係食得出嘅新鮮，尤其係螺、蝦同帶子。個龍蝦汁都好好味，男友話如果有碗白飯撈仲正😂