田籽茶事 (快富街) (已結業)

一個不留神，又有多間茶店開幕，一早瞓醒，朋友發來訊息，旺角有新店，昨日第一日試業，幾有興趣。加上男友要回公司，小店正喺不遠處，啱哂。以位置而言，唔算屬於大街大巷，勝在上手係模型店，相信都有啲人認知。黎到時店員正製作客人嘅外賣，有板有眼，幾放心。整店裝潢簡單，以黑白格仔格仔配淺木色櫃面，利用店側嘅牆身，畫左一幅幾可愛嘅壁畫，櫻花樹下飲茶？我比較膚淺，純粹覺得影相幾靚餐牌供應接近三十款飲品，有奶茶、特調茶、冷泡茶、厚鮮奶、純茶等，定價$15-24，珍珠有多款口味，分別有黑糖、白玉、芒果、桂花、黃金珍珠。奶茶、鮮奶、純茶可自選糖度，凍飲不設走冰。比較特別係呢度嘅冷泡茶、特調茶名字玩味十足，睇完會心微笑，例如「閨蜜比較美蜂蜜青檸」、「前男友酸溜溜益力多綠茶」、「田籽油切不怕胖茶」、「香港好難混蜜檸檬烏龍」等，頗有台式感覺第一次黎，當然係試下大熱嘅鮮奶類，供應黑糖、冬瓜、抹茶、芋頭、朱古力幾款，價錢唔貴。田籽波霸厚鮮奶 $24製作算透明，黑糖連珍珠半杯、冰半杯再加澳洲鮮奶。黑糖紋路明顯，比較稀身，所以向下流得頗快。未搞勻先飲一口，黑糖濃郁偏甜，鮮奶具奶香而厚滑混合後奶味覆蓋黑糖亦係預料中事，甜度