痴心小麵 (已結業)

去黃金睇完遊戲機, 搵個地方食晚餐, 行過痴心小麵, 見到門口幾光猛, 感覺上幾企理, Set Dinner仲好抵食喺餐牌上見到痴心小食同傷心酸辣粉原來是姊妹店關係。嫩嫩的豆花小麵 - 套餐 $62豆腐份量超多, 將豆腐加入微辣的重慶熱湯內, 突顯豆腐的豆香味, 配料還有花生碎、滷過的肉碎, 麵條雖然唔係我愛吃的粗麵條, 但口感不錯, 軟硬度適中痴心紅蔥頭手撕雞 - 皇牌小食同樣份量十足, 見到咁大碟手撕雞只能講 - 真係太抵食, 紅蔥頭同手撕雞呢個配搭少見, 但味道幾好喎! 初初只係得醬汁的咸味, 慢慢就會有紅蔥頭的刺激感茶樹菇燉湯套餐有得揀汽水/燉湯, 識揀當然係揀燉足6小時的燉湯, 燉湯原汁原味 - 茶樹菇、瘦肉、薑片星級甜品 估唔到仲有埋甜品咁抵食, 簡單一個牛奶布甸為晚餐畫上句號痴心湯麵朋友三心兩意樣樣都想食, 於是我幫佢揀埋, 痴心湯麵有齊眼鏡牛肉(牛𦟌)、鹿兒島豬軟骨、肥腸 & 痴心雲吞。

週三晚近近地去左深水埗食晚飯，早排打邊爐較多，今日就食麵。痴心小麵就喺黃金附近，晚飯時間去到，人流頗旺，都等左一陣先有位。喺門口餐牌得知，原來佢地同旁邊嘅傷心酸辣粉都有關係呢，咁傷心酸辣粉我都有食開，都放心。餐廳位置唔算闊落，座位間較密密麻麻，始終咁旺嘅地段，想多做生意都理解。餐牌主打新派麵食，湯麵、拌麵、涼麵，另有多款小食，唔鐘意食麵嘅有7款飯類可以揀，仲有燉湯，以小店而言，選擇足夠。晚市供應套餐，指定麵食+小食+飲品+甜品，定價 $52/55/62，視乎款式，價格相宜，畢竟係深水埗區。仲提供wifi，對於我地唔係任用上網嘅高用量客人，非常重要。餐桌位置唔係太多，點兩個麵，一至兩款小菜，僅僅放得落。如果打算食晚飯，都唔建議身上太多隨行物品，可能冇乜地方擺放。誘人的麻醬麵+痴心紅蔥頭手撕雞+烏龍茶+甜品 $62誘人的麻醬麵麻醬麵同想像中有少許出入，麻醬味道較淡，裡面加有肉碎、花生碎。麵條質地唔會太腍身，有少少似陽春麵…可能個人比較喜歡重口味野，就覺得麻醬可以再香口啲！紅蔥頭手撕雞加配嘅小食，我地揀左紅蔥頭手撕雞，撕得幾碎，加左紅蔥頭又幾特別喎，平時食唔到呢隻味道。雞肉就唔算好滑，但夠嫩