醉標泰粵小廚

营业中

休息中

醉標泰粵小廚 Drunk Piu Restaurant @drunkpiu.restaurant 📍：新蒲崗錦榮街5-7號東誠大廈地下B&C舖🚗：黃大仙地鐵站D1出口 步行10分鐘📞：+852 2833-2188💲：~HKD110/head for dinnerFood quality✔️：燒新鮮白膳👌🏼：白湯酸菜魚、燒茄子、龍眼冰、椰汁冰、碳燒豬頸肉串總結：👍🏼一間又有大排檔 又有小廚 又有啲茶餐廳feel嘅街坊店 價錢真係好平 比起市區嘅食肆平咗一半左右 嘢食質素相對唔係話好高 但份量夠哂數 所以係走抵食路線🤣 👍🏼性價比好高 2個女仔食飽叫以上嘅嘢都只要110蚊 如果多啲人去除咗就應該可以一百蚊樓下 超抵 👍🏼叫嘅所有嘢都對得住嗰價錢 而老闆娘係咁講話星期一至四八點前離席有八折 八點後有九折 星期三全日八折 外賣自取都有八折 而滿300蚊全港免運費 聽到都覺得抵🤣👍🏼老闆娘都好熱情 員工都有主動拎碗熱水比我哋洗碗 加分 咁啱見到另一枱較年長客人因為用qr code落單發哂老脾 問候人老母 老闆娘都即刻好聲好氣上嚟呵番佢😆👍🏼食物質素就出乎意料 串燒>酸菜魚 因為食過幾間主

阿女喺附近學跳舞，諗住食完先上堂，OpenRice 見到呢間有酸菜魚，重點我見到佢有八折😂我哋6:00去到，冇咩人，但我哋一坐低叫嘢食之後就多人啦，我仲見到好多foodpanda外賣，我哋叫咗酸菜魚，辣酒煮花螺，豉椒炒蟶子，蒜蓉燒生蠔🦪串燒白鱔，燒羊架😋，一杯酸梅湯同椰汁冰。先講酸菜魚，佢哋係用鱸魚㗎，零魚骨而且肉質嫩滑，酸辣嘅配合啱啱好，老闆話如果配飯同薯粉仲正，個湯底真係冇得輸，辣酒煮花螺，辣味唔算太重，但係就好入味。豉椒炒蟶子，呢個好夠鑊氣，豉椒味好香，食完一隻又一隻停唔到口😆蒜蓉燒生蠔，老闆話佢哋係用日本🇯🇵蠔，夠晒大隻肥美，蒜蓉辣椒真係絕配。串燒白鱔阿女話呢個100分😂燒羊架，孜然粉同羊真係好夾，而且熟嘅程度啱啱好唔會太鞋口。整體黎講全部都唔差👍🏻而且呢個價錢真係好抵食，星期一至四八點前埋單仲有八折，八時後係九折。下次應該同朋友嚟，可以再食多啲😂順帶一提佢哋係用QR code下單，方便快捷👍🏻而且上菜嘅時間仲非常之快👍🏻

以前喺呢區附近返工，都知道黃大仙新蒲崗其實有好多小店舖，未必好出名但係都會食物質素唔錯。星期五夜晚放工之後，我哋去依一區回味下食下野。呢一條街仔其實都有唔同嘅小店，記得以前同一個位置係一間都幾好食嘅店，以前係賣豬扒飯及牛腩麵店。（呢個組合都好奇怪，哈哈)今日嚟到，依間新開冇幾耐嘅店係又有泰國野又有粵菜，仲有意想不到嘅串燒同埋酸菜魚。做咁多種唔同嘅食物，但店舖細細，廚房亦都唔夠好大，呢間店真係好神奇！餐牌裏邊有唔同嘅餸菜，結果我哋散嗌左飲品同埋四款嘅嘢食。當熱天氣飲凍野真係最正，呢杯椰汁冰感覺好清潤。而龍眼冰我更加喜愛，甜度適中。仲有一粒粒嘅龍眼喺裏面，好清甜。好期待嘅酸菜魚等左一段時間終於上枱啦！呢個係老闆娘大力推介，佢指每日鱸魚嘅入貨量喺10條以下咋，要慢慢拆骨起肉，係心機菜嚟嘅。仲有，你發現餐牌係唔會有見到酸菜魚嘅，哈哈！係要老闆娘或者店員介紹話有，你先有機會叫到😊之前都有同朋友喺大陸食過酸菜魚，佢同大陸果種酸菜魚感覺差唔多，但係冇咁肥膩。酸菜魚湯底有唔同嘅選擇，我哋揀咗白湯。白湯係主要雞及魚一齊煲嘅湯，唔太食得辣嘅我地點白湯。而另外都有紅湯，應該會辣好多同埋濃味啲。魚肉質非常之滑