唐宮小聚 (荃新天地)

营业中

休息中

對上一次去唐宮小聚中環店，差不多都有兩年多，當時已覺得餐廳裝潢精緻，食物賣相靚，質素又唔錯，已經留下好印象，今日同朋友喺屯赤睇完日落，跟住出荃灣晚飯，打開 OpenRice 又見到「唐宮小聚」荃灣店，所以想也不用多想就開車前往🚗呢度嘅白玉王鴿基乎每台客都會叫，乳鴿即叫即炸，皮脆肉嫩又多汁，兼且做緊特價$39一隻非常抵食🤫黑松露雞可以算係一個幾好食嘅前菜，一般呢類冷盤都係用鹽焗、砂姜或者麻醬黎撈，但今次食到用黑松露醬油黎做，都算幾特別幾好味😋醉沙白蚌又係另一個幾特別嘅前菜，沙白應該係用花雕高湯浸熟，所以每一隻沙巴肉食落口嘅時候，都會滲出好香濃嘅花雕酒味，沙白本身又好清甜，非常驚喜👍黃金冰茄其實就係用鹹蛋黃做嘅茄子，同一般嘅黃金蝦嘅做法一樣，先用粉漿炸好茄子，然後用牛油炒香鹹蛋黃後，撈埋剛才炸好嘅茄子落去就得，味道係可以嘅，不過我個人覺得茄子食落去太多油，可能因為茄子本身較為吸油吧😂食飯當日啱啱係餐廳嘅會員感謝祭期間，所以可以用特價$128(原價$198)食大閘蟹炒年糕，有咁好優惠即時點一個黎試，呢個主菜真係抵食到不得了，一盤炒年糕上邊有兩隻目測大約4至4兩半嘅大閘蟹，每一件年糕都俾好香嘅

特色中餐廳，平日唔駛等位～環境絕不失禮～鳳尾金卷～新鮮炸起，大大隻蝦，脆卜卜黑金流沙～高貴嘅外表飽夠軟，入邊好流心。我最欣賞的手抓餅，配起肉鬆，簡直無敵！！乳鴿仔～細細隻，每人半隻，分量剛好，熱辣辣，好好食。荷葉飯～由於其他點心太有特色嘅關係，顯得荷葉飯平平無奇。影相打卡必備的小豬布丁，打佢pat pat會震騰騰，超級可愛山竹的外表，入邊係蟹肉配龍蝦汁。黑白色嘅黑椒洋蔥雞煎包，外脆內軟炒蝦腸粉～太平凡了，正常貨仔美食不能盡錄～ 環境、座位舒適，適合三五知己慢慢歎

裝修新派有格調，好多位，地方好大，坐得舒服，每個菜式份量唔多，但好處係可以試多啲唔同嘅菜式。點菜方式係似酒樓咁用點心紙落單。•🥢白玉王鴿 $39上菜時熱辣辣，要攤一陣先食到。每張枱已放有獨立包裝膠手套，唔怕整污糟對手👐🏻乳鴿皮薄得嚟係接近無肥膏，但肉質juicy嫩滑，重點係唔會覺得油膩，必食！🥢椰皇燉雞 $69椰皇湯好飲好夠濃，好重椰子味，不過雞肉偏嚡。🥢冰鎮咕嚕 $99表面微凍，但內裡微暖，外皮好薄好脆，肉質爽嫩，甜酸汁出色。🥢西蘭花苗 $79西蘭花好翠綠，非常爽甜，炒得好夠味🥦🥢松露紅菇 $49 (三件)造型係一粒菇，好特別，麵包鬆軟，內裡有松露同菇碎，味道好夾好濃🤤🥢焗鮑魚酥 $29 (一件)鮑魚彈牙入味，撻皮係曲奇皮，中間有少少黑松露醬🥢蒜蓉辣椒蝦 $109個醬好惹味，小辣，可惜蝦入唔到味。

8 點鐘見到有位，就試吓呢間唐宮小聚，裝修都好靚，環境唔錯，兩個人嘅坐位都算寬敞👍🏻 點心類就叫咗：黑金流沙($49)，即係流沙包，但係黑色加埋金沙閃閃✨都幾靚，睇得都食得嘅，入面都有流沙，算係唔錯 焗鮑魚酥($29@) : 酥皮好食，而且落咗少少黑松露什菇，好香味！ 鮑魚仔 size 啱啱好，容易入口！紅油抄手($59)：就麻麻地，辣度係夠嘅，但真係油太多，食落成口油，麻麻地小菜就叫咗：肥牛叉燒 ($149)，有 surprise!!! 好味道！ 外皮有少少脆口，香又唔會太多肥肉 👍🏻 不過大約得7件，價錢就算貴了.... 白玉王鴿($36)：即係燒乳鴿，係唐宮小聚必食，幾乎抬抬都有😂 乳鴿算係入味，香口，不過不失。有機黑豆漿($19)同埋有茶介錢，每位$9 整體來講都唔錯，除咗紅油抄手之外，其他食物都算係好食嘅👍🏻

呢間新穎粵菜點心中菜館號稱用健康嘅米糠油烹調，標榜無味精添加嘅健康美食。裝潢上偏向新派，食客可以透過大型嘅開放式廚房，見住師傳製作佳餚👨🏻‍🍳💗白玉王鴿($38/1隻)選用幼年乳鴿🦆先浸滷水後再上皮風乾，風乾後炸至外皮金黃、薄脆酥香。無論脾位至胸部，食落都超級嫰滑juicy🍗脂香唔會過多，滷水鹹度適中，完全入哂味，又唔會蓋過肉香，不過鴿肉唔夠豐滿。💗脆蝦多士($79/3件)多士炸得香脆可口，乾身冇油味。最值得欣賞係放咗原隻開邊蝦🦐而唔係蝦膠，食落更加爽口彈牙，肉質都尚算新鮮，好足本咁配埋少量黑松露醬，更添香味🥪💗非常山竹($49)口感有d似鹹水角，紫薯糯米皮炸至香脆煙韌，上面加枝朱古力百力枝，內裡包住龍蝦汁同蟹肉🦞餡料十足，湯汁夠哂juicy，但食落冇預其中咁濃郁鮮甜，味道好淡😢💗蟹粉麻球($89/3件)外型有d似迷你煎堆，沾上黑白芝麻粒炸至金黃香脆，但可惜糯米粉團唔夠煙韌而且比較厚🧆內裡有份量十足嘅金黃蟹粉同蟹肉絲，食落帶少許薑味冇腥味，但蟹黃味唔夠香濃鮮甜🦀💗冰鎮咕嚕($99)冰鎮令外皮特別脆，裡面嘅豬肉就軟嫩彈牙，油脂分布平均好似豬頸肉嘅口感，食落唔覺有好多肥肉同無骨🐷第一啖咬落

今天要做乖乖女，陪母親大人覆診後，到附近的唐宮小聚午膳。餐廳格調簡潔，半開放式廚房，讓客人看到廚師用心炮製每道佳餚。母親大人看見了餐牌上的乳鴿，忽然變了小孩子，嚷著要吃乳鴿。味香、皮脆、肉嫩，母親大人吃到舔舔脷。小拼盤- 砂礓豬手、涼拌萵筍，青芥木耳，精緻。皮蛋豆腐，地方小吃，造型很美炒蝦腸粉，想不到敬蝦肉這麼鮮嫩。妈妈还要吃鳯尾金卷，脆卜卜⋯⋯我的精选，冰镇咕噜，甜甜酸酸啊，新鲜生果伴菜，非常开胃。還有這個特別別的流心燒賣，原來裏面包着一隻鵪鶉蛋。母亲极赞乳鸽，她说要带哥哥来吃。

Dinner Gathering，友人推介唐宮小聚，因為友人之前已經食過，覺得唔錯。這晚雖然訂左枱但都要等，但都係值得既，因為我覺得這裡環境不錯，食物無論賣相同味道都不錯。我們4人坐下後就立即選菜，除左友人推介的食物，都要花少少時間去揀選，因為菜單內太多選擇了。結果我們揀吓揀吓，揀左10款。先上枱既係冷盤~黑松露雞同沙薑豬手，黑松露雞係手撕雞，好滑好香。沙薑豬手好爽脆。跟住其他的食物都陸續上枱。☺️荷花蒸飯~外表一般，飯裏有冬菇粒同乾瑤柱絲，略咸。火熖菠蘿~最特別，上枱時會被安排菠蘿被火燒，內裏藏着紅咖哩炆牛肋條，味道偏辣，但辣中又帶甜，牛肋條炆得都幾淋，好味。白玉王鴿~該店招牌菜，皮脆肉滑，啖啖肉，都不錯，不過都係略咸。猛虎咬豬~趣怪的名字，原來用甜的白包皮夾住底部微辣的一塊扣肉，名字吸引之餘又幾好味喎。 😚鮮蝦蒸餃~除左皮上有幾條金色條裝飾外，內裏同其他蝦餃差不多。鳳尾金蝦~整條春卷都釀滿蝦肉，外面超脆，可惜只得3條，我們4人開心share喇❤❤非常山竹~染上紫色的咸水角皮裹住龍蝦汁+蟹肉，上面加枝百力枝，扮到好似山竹，下面仲有涼瓜墊底，外觀靚之餘仲好好味。小蠔煎餅~比較普通，不過

今日(26-10-2019 Sat)同女友人WK去銀行整嘢,整完會合老公去大自然素食食晏,但WK話又貴又唔抵,去莆田食好過,咁就莆田啦,不過經過唐宮小聚時,WK話未食過想試,已經食過兩次嘅我(嗰兩個食評: https://www.openrice.com/zh/hongkong/review/%E6%99%82%E9%96%93%E5%95%B1%E5%95%B1%E5%A5%BD-e3338476, https://www.openrice.com/zh/hongkong/review/%E5%A4%A7%E5%B0%8F%E8%81%9A%E9%83%BD%E5%94%94%E9%81%A9%E5%90%88-e3343601),咁就吓佢啦.我哋揀咗:3. $69.00嘅黑松露雞呢個係冷盤,其實係手撕雞加黑松露,食落,黑松露味道係啱啱好,但同雞肉係唔夾.怪雞.味道:1分1. $33.00嘅白玉王鴿由於我唔餓,所以叫一隻俾老公同WK share,WK食嗰邊嘅肉仍有啲紅,唔知係咪唔夠熟,而味道佢都話好普通.老公嗰邊嘅就熟透,而我睇見都juicy.4. $49.00嘅可愛企鵝其實係蝦餃,

唐宮小聚在香港有數間分店，很久之前已經在 OpenRice 尋找過中環那一間分店，奈何平時真的很少去中環，所以也沒有特意去那間分店。這天母親突然提出到荃灣 CityWalk 那間分店吃吃它的晚餐，我當然立即說好。一進去便看到了不少造型點心，在門口的點心其實是模型，但餐廳又花了不少心思去弄這些模型，用作打卡很不錯！可愛度和像真度都十足。看到有兩個「人」在打乒乓球，既生動又有趣😂然後牆身又有很多個乒乓球拍，不知道老闆是不是很喜歡打乒乓球？想起自己也很久沒有打了，人大了便很少接觸球類活動。據我所知，這間餐廳的檔次雖然稱不上是很高，但裏面的環境竟然非常像高級餐廳，淺淺的金色不會令環境變得太奢華，配上天藍色更是天作之合。黑金流沙包的外型十分適合給客人打卡，現今市面有很多酒樓和點心店都仿效唐宮小聚的黑金流沙，也弄出竹炭包來，而外型當然比不上「正印」。黑色的表面其實沒味道，不過加上金色筆劃上的線顯得奢華，裡面的奶黃確是流心的狀態，十分正呢！裡面亦有一粒粒的奶黃碎，足料。這裡就連雲吞都弄得十分特別，外型就像被包著的包子，表面被炸至金黃色，很是吸引，外皮非常脆卜卜，炸得非常好啊只是裡面的蝦不夠多，份量較

個人好鍾意食乳鴿，今次試一試呢間以乳鴿做主打嘅餐廳。 乳鴿嘅味道好入味而且熱騰騰， 價錢又抵食， 值得推介。 另外個擔擔麵，唔好睇小越食越辣，yummy! 麻辣鴨舌同冷盤都係不錯嘅選擇， 呢間餐廳有特色同埋價錢相宜而且又好好味， 值得一班人去一齊gathering!

逢週五都出外午餐，中西意法日都不外乎每次order 都差不多。今天專程去唐宮小聚試下新派菜式。果然有驚喜，我地3人行 連埋甜品order 左9款食物。(是否很大食) 1)乳鴿味道濃郁很香口，2)鮭魚煄蛋不過不失，3)可爱企鵝外觀可愛味道一般，是墨汁紅菜頭蝦餃， 4)麻辣燒賣本人很喜歡吃辣，但呢個麻辣燒賣我覺得麻麻地，5)肉鬆抓餅好好味抓餅很熱又脆卜卜，6)腐乳蟶子味道特别， 估唔到用腐乳嚟炒蟶子都好好味 😋😋😋，7) 星洲骨茶不過不失，用 茶壺嚟裝夠别緻，8) 冰鎮咕嚕外冷內暖，9)到最後order 咗甜品併盤, 我哋揀咗得意小豬，冰皮壽桃 同埋百果布丁。😋😋😋小🐖非常可愛，真係好得意。 Happy ending lunch

小妹和友人很久沒見，友人向來喜歡吃中式食物，便相約她來這間店。這間店一向有名，我亦想見識一下最近廣告大熱的「得意小豬」甜品。首先，要稱讚一下服務。友人帶了BB同行(隨身亦有大包細包的用品，要照顧BB，顯得非常狼狽)，我原本以為侍應只會安排2人位，心想一定會坐得很擠迫......怎料侍應很貼心地安排了卡位，讓BB和友人亦能坐得舒舒服服，真的太好。環境設計得很美觀，連餐牌也是，單是看圖也覺得吸引。由於我的目標是「得意小豬」甜品($39)，所以先點了。友人見到甜品有套餐優惠價，$59可在「小聚盆栽」、「得意小豬」、「冰皮壽桃」和「黑糖冰粉」之間選3樣，我們便索性點了頭三樣甜品了！我們又見到「點來聚聚」($69)顏色好靚好吸引，又叫了！另加了店的皇牌「白玉王鴿」($33)和「黑金流沙」($49)。不久甜品已經上場了！是我期待的「得意小豬」，造型果然栩栩如生！這其實是椰汁糕，小豬下還有椰汁襯底，味道不太甜，岩晒友人口味。糕身偏硬身，不過郁下佢都會彈下彈下，相當得意！有點捨不得吃下去啊！接著是「冰皮壽桃」，細細粒，造型非常可愛！我又忍不住打卡了！這是我喜歡的榴槤味道，可惜裡面全部都是cream，如

紅日晚上， 同家人出去開心食飯。 知道呢間一向要排隊，所以出發前1個鐘已經手機攞定飛， 但到左等一張中枱都要約30-45分鐘。🥴環境同燈光舒適， 茶都好飲好香。 員工雖忙，亦有求必應。 餐具好得意，有螞蟻同烏蠅圖案， 令一家人一坐低就有討論話題， 氣氛相當融洽。 🥰食物味道不錯， 只係每碟分量略少， 好似酒樓咁， 多數每碟得兩至三件。若一大班人黎食恐怕點單要兩碟起跳先夠食。😅值得一提係皇牌既乳鴿，香脆而不膩，同時提供手套同濕紙巾，十分細心。另外， 肉鬆手抓亦深得全家歡心，鬆軟既外皮， 加上咸咸甜甜既肉鬆，易入口又飽肚。非常山竹入面係蟹粉蟹肉， 雖然我咕喜歡佢帶甜， 但外型精美， 打卡一流。6人食到飽， $1000落樓， 價錢略貴， 但一家老幼聚頭係一個好既選擇。💗👍🏻