影片
更多
2023-07-02
261 浏览
堅尼地城嘅橫街窄巷都好多嘢食，星期日晚去到厚和街一間居酒屋。餐廳內非常多裝飾小巧又可愛，感覺非常治癒。一坐低見到餐廳內有自家製梅酒🥃($98/杯)立刻想試！餐廳用whiskey base浸咗梅酒一年三個月，一飲入口梅味爆發！酸酸甜甜非常好入口，不過都唔好飲得太快呀會醉架😝墨汁燒腸 $35————————————超級彈牙嘅燒腸！粒粒墨魚，超滿足！自家製免治雞肉棒 $45————————————撈埋蛋黃同埋醬油食，口感超順滑，入面有粒粒洋蔥，令雞肉棒更加香口。牛舌 $70————————————係厚切燒牛舌！面層灑上鹽，非常入味，口感脆彈、有嚼勁，唔會過韌，韌度剛剛好！真係好出色嘅燒牛舌。白鱔 $70————————————白鱔皮灑上鹽，燒得剛好，魚皮燒得脆口，有一點點嘅煙韌，鱔嘅肉汁好香，冇帶腥嘅感覺。雞掌心 $45————————————雞掌心嘅皮非常厚，平時去酒樓叫依個點心或者煲湯，都有好多做法，但燒雞掌心真係第一次食！個皮燒得超級香脆，但啲筋仍然保持非常煙韌，非常有咬口！口感層次非常豐富，過癮！雞胸軟骨 $35————————————除咗非常爽脆嘅軟骨部分，仲燒埋軟骨連住嘅肉，又係
餐廳內非常多裝飾小巧又可愛，感覺非常治癒。
一坐低見到餐廳內有自家製梅酒🥃($98/杯)立刻想試！餐廳用whiskey base浸咗梅酒一年三個月，一飲入口梅味爆發！酸酸甜甜非常好入口，不過都唔好飲得太快呀會醉架😝
墨汁燒腸 $35
————————————
超級彈牙嘅燒腸！粒粒墨魚，超滿足！
自家製免治雞肉棒 $45
————————————
撈埋蛋黃同埋醬油食，口感超順滑，入面有粒粒洋蔥，令雞肉棒更加香口。
牛舌 $70
————————————
係厚切燒牛舌！面層灑上鹽，非常入味，口感脆彈、有嚼勁，唔會過韌，韌度剛剛好！真係好出色嘅燒牛舌。
白鱔 $70
————————————
白鱔皮灑上鹽，燒得剛好，魚皮燒得脆口，有一點點嘅煙韌，鱔嘅肉汁好香，冇帶腥嘅感覺。
雞掌心 $45
————————————
雞掌心嘅皮非常厚，平時去酒樓叫依個點心或者煲湯，都有好多做法，但燒雞掌心真係第一次食！個皮燒得超級香脆，但啲筋仍然保持非常煙韌，非常有咬口！口感層次非常豐富，過癮！
雞胸軟骨 $35
————————————
除咗非常爽脆嘅軟骨部分，仲燒埋軟骨連住嘅肉，又係好有咬口，非常香口。
清酒煮蜆 $88
————————————
清酒嘅清甜加上昆布煮出嚟嘅湯，襯托出蜆肉嘅新鮮，加埋菇等等嘅材料，同蜆肉都非常夾。
牛油果蟹肉沙律 $90
————————————
軟熟嘅切粒牛油果🥑配上沙律菜，健康又開胃，加上一絲絲蟹肉，更加豐富。
蒜片牛舌 $90
————————————
充滿洋蔥、蒜同醬汁嘅香味，比起燒牛舌淋身一啲，蒜片脆脆又濃蒜味，好過癮。
牛肋肉 $50
————————————
帶筋膜又多油脂嘅牛肋肉，燒過之後逼晒啲肉汁出嚟，好Juicy。
鱈魚乾 $30
————————————
超級香脆嘅佐酒小食，配上沙律醬真係不得了！
张贴
