好好運快餐店 (已結業)

荔枝角 #沙嗲牛肉麵 名店「#好好運快餐店 」，果然名不虛傳，超濃沙嗲汁，重花生味，帶少少甜，微辣。牛肉肉質一啲都唔柴口，處理得好好。紅腸厚切，口感勁正😍沙嗲牛肉最襯都係公仔麵，公仔麵灣曲的麵身，好掛汁。#百搭早餐 （任選三餸）$41正常茶餐廳格局，座位唔算迫，而且仲保留隔板保持衛生及私隱度。價格與附近茶餐廳相約，屬正常水平。

今日放假諗住可以行下街 點知遇著大雨🤡第一站已經成對鞋濕晒啦😂好笑嘅係 去緊呢間餐廳係叫好好運🤣呢間號稱最強沙嗲牛肉麵😳👍因為之前舊鋪租約期滿而要結業好彩佢依家重開可以去朝聖一下🤤百搭早餐☀️ ($37)有得揀3款餸 都幾抵食😳👍正常都係雙拼 咁我就梗係鐵膽沙嗲牛肉另外再加腸仔炒蛋🍳 竟然仲可以揀米線😍 湯底夠濃沙嗲味🤤 唔會一掉落個湯就稀哂牛肉份量夠多 仲要舊舊都一大塊 唔會好似一般茶記俾牛肉碎你🥲仲有洋蔥🧅 有冇咁用心呀☺️炒蛋出色 夠滑👍 米線搭配芽菜同樣好味索哂D沙嗲汁 好夾呀😍奶醬多🍞 (+$8)奶醬多夠脆 加8蚊絕對唔會失望👍醬夠多 唔會揸流攤 配埋杯凍齋啡走甜呢個早餐簡直係雨天後出現彩虹🌈 😂😂