合時小廚私房菜

营业中

休息中

想食咗合時小廚好耐 終於集齊人一訪佢哋喺天后新開嘅私房菜 提早兩個月已經訂位 到訪前兩日喺電話預訂想食嘅菜式 特別叫定咗杏汁白肺湯 芝士焗豬扒飯 同埋最出名嘅蝦多士第一道上菜嘅係杏汁白肺湯 份量好大 建議如果細食嘅女仔兩個人share一份會比較好 我哋每人叫咗一盅基本上飲咗一半已經飽左50% 杏汁白肺湯嘅口感好濃郁 飲得出用料好足夠 豬肺都洗得好乾淨 每一件都係白雪雪第二道上菜嘅係最出名嘅蝦多士 蝦同多士嘅比例係9:1 滿滿紮實彈牙嘅蝦滑 多士嘅脆只係作點綴之用 份量好大 基本上一件已經夠晒！第三度最推介嘅係豬扒飯 豬扒大大塊 好鬆化 完全唔會難咬 豬扒嘅量仲多過飯 上枱嘅時候一整盆喺你面前分 芝士嘅量好充足 基本上都係食唔晒 我哋打包咗一大半整體嚟講 其他嘅餸菜個人覺得還好 可以睇自己口味選擇 杏汁白肺湯 蝦多士 豬扒飯真係必叫 茶皇雞同千層咕嚕肉就睇自己口味啦 個人覺得一般般啦 同埋要留意嘅係佢哋份量偏大 如果幾個女仔建議叫少啲 唔夠再加單

朋友難得返黎香港做節，專登揀咗一間米芝蓮私房菜聚舊，果然無失望！6個人點咗8道菜，每道都非常出色：菜膽杏汁白肺湯 ($510/6位用) - 真材實料，杏仁味加上豬肺，飲完成個人都暖笠笠，非常滋補。😋百花炸釀蝦多士 ($204/3塊)  - 蝦多士超大份，而且用料新鮮，外皮酥脆，內餡鮮味十足。🍤椒鹽鮮鮑魚 ($828/6件)  - 非常入味，彈牙爽口，係必點菜式之一。🤤薑蔥焗肉蟹煎腸粉 ($600)  - 鋪底嘅腸粉完美咁吸收咗肉蟹嘅精華，每一啖都充滿鮮味。🦀️合時小炒皇 ($180) - 鑊氣十足，食材新鮮，味道豐富，令人食指大動。🔥菠蘿干層咕嚕肉 ($180) - 捲五花肉片炸到外脆內軟，酸酸甜甜嘅口感非常開胃。🍍煙燻茶皇鮮雞 ($318) - 味道出色，肉質嫩滑，加上少許茶味煙燻，非常特別。🐔焗少爺豬扒飯 ($510/6位用)  - 份量十足，流心焦焦邊荷包蛋好邪惡🍳蛋白杏仁茶糖水味道一般，偏甜。總體嚟講，合時小廚私房菜嘅菜式都非常出色，人均消費約$600多，尚算合理。建議提前預訂，並提前寫好菜單。不過服務方面有改善空間，上菜速度過快，而且會一次性上幾道菜，與私房菜嘅慢節奏體驗唔太夾

ʀᴇsᴛᴀᴜʀᴀɴᴛ ʀᴇᴠɪᴇᴡ合時小廚私房菜合時小廚的分店地點位於天后木星街巷尾附近有兩個停車場🅿️餐廳訂枱時表示有分上下場下場的入座時間為2015當日亦有準時交檯杏汁菜膽燉白肺湯🐷$80/盅燉湯上檯時溫度超熱，湯頭色水呈奶白色，真材實料，每碗都有豬肺、菜膽、瘦肉、瑤柱絲等，湯底香濃，飲落時每啖都充滿打碎的南北杏粒，推薦👍🏻百花炸釀蝦多士🦐$63/件試過不同主打蝦多士的餐廳暫時都不及合時，鮮打的蝦肉，肉質爽彈美味，麵包底酥脆，配上泰式辣醬非常惹味，推薦👍🏻薑蔥焗中蝦煎腸粉🦐$438/時價薑蔥焗中蝦並用腸粉鋪底煎腸粉吸收了焗中蝦精華👍🏻可惜中蝦蝦肉唔夠爽，有點扣分雞油花雕蒸馬友🐟$468建議上檯時立即食用，蒸魚時間剛好，魚肉嫩滑非常易入口，花雕及雞油味道蓋過了馬友魚的魚腥，但味道有點偏鹹煙燻茶皇鮮雞🐥$300/半隻食落雞皮有滿滿的燻味茶香味，雞件入口有偏甜的豉油味，亦有跟上雞心、雞腎，雞肉嫩滑，好食但價錢定位有點貴菠蘿千層咕嚕肉🐷$180將五花腩片捲成一舊炸，並非十分驚艷，還是比較喜歡普遍用排骨的咕嚕肉合時小炒皇🔱$180小炒皇火喉十足，夠乾身，淨食比較咸，但推薦👍🏻生炒糯米飯🍚$18

唔係誇張 真係打咗好耐電話終於有人拎起電話 夾咗好多個日子終於book到喇！我一早訂定以下嘅菜 驚去到賣哂 無得食signature dish就掃興啦 🎃百花炸釀蝦多士厚厚彈牙嘅蝦膠 仲要夾多隻蝦喺入面多士炸得爽口脆脆口感大滿足🎃薑蔥焗中蝦煎腸粉蝦彈牙入味不在話下個煎腸粉非常之出色有驚喜條條腸粉都煎得香口 吸哂薑蔥蝦嘅精華🎃花雕雞油蒸馬友魚is my favorite 所以呢味一定要order!! 馬友新鮮嫩滑 配上雞油花雕 原來可以咁夾個汁絶對可以撈幾碗飯🎃菠蘿懷舊咕嚕肉舊舊都好大件 外脆內軟唔會係死酸 🎃極品茶皇雞送到上枱已經聞到陣陣茶香味咬落雞肉鮮嫩 舊舊都漲卜卜 仲有雞肝伴碟 超讚其實想叫埋少爺焗豬扒飯 但真係太飽留番下次