泰簡單

营业中

休息中

泰簡單原來開業21年，上年係銅鑼灣總統戲院頂樓全新面貌開番，outdoor仲有個cocktail bar同草屋🛖泰式風情出晒嚟💐廚師同侍應都係泰國人，好正宗✨環境：8/10有分室內外用餐區，室內環境優雅，啱哂想靜靜地咁傾下計，室外環境相對較chill，啱啱成班朋友開心聚下👍🏿食物：8/101️⃣冬陰功湯 （細）$92有唔同size比大家選擇，咁大家就唔洗驚飲唔哂浪費，冬陰功湯用料充足，相當惹味，酸酸辣辣作為一個前菜相當開胃，準備一陣狂食🤣2️⃣烤豬頸肉沙律 $108豬頸肉雖然係烤製，但依然相juicy🤤而且調味都相當出色，配合生菜就更加清新，個人認為配合飯一流🙈🙈3️⃣咸魚炒芥蘭 $98芥蘭煮得爽口而唔會太硬身，配合咸魚快炒令到芥蘭更有鑊氣同入味，令到整體味道有所提升😉4️⃣皇帝蝦蛋網炒貴刁 $138賣相精美相當吸睛📸皇帝蝦相當新鮮，蝦肉爽口入味，而貴刁都炒得相當出色，麵身掛汁之餘又唔會黐埋一舊舊，推介推介‼️5️⃣漫天飛花 $48，鮮椰青 $55食泰國野都一定會叫特飲🤣漫天飛花係火龍果溝橙汁酸酸甜甜容易入口，鮮椰青就冇得輸，食完辣野解辣一流🤪💰性價比：8/10 人均300左右

一有時間，就會同朋友周圍搵野食。今次去到銅鑼灣“泰簡單“食晚飯。上到去勁多人。差不多全廳滿座。圖片都很吸引首先叫冬陰公湯飲下啦！酸酸地醒胃又夠辣。可惜份量真的每人一碗，想飲多啲都唔得。之後叫左一個外形獨特嘅皇帝蝦蛋網炒貴刁。由我朋友進行“破網儀式“再擠埋青檸汁落去增加酸度口感。即時覺得冇甘熱氣。啲蝦如果多啲份量會更好。之後叫左豬仔骨（這個一般。）同出面味道差不多。最後食埋咖哩包。外脆肉軟。咖哩味道在口腔徘徊。份量夠大。整體不錯，值得一試。

胃食肥熊今次去食左一間環境優雅既泰餐廳，想坐得舒服同朋友傾下計，呢間泰餐廳係不錯既選擇。食物方面，今次食左三道菜式，包括：鮮炸蝦餅、芝士蟹肉焗法飽、皇帝蝦蛋網炒貴刁三款食物質素總算中規中矩，未算有太大驚喜，反而環境較舒服。

OT左好幾個星期，朕既奏摺終於批好晒。。今個星期終於可以happy friday!!!因為今日約埋3個男人一齊食飯總共6個人~就近近地簡銅鑼灣又可以叫多d野食既泰國野~~其實泰簡單朕已經食過好幾次，真係幾唔錯～而家就介紹下今次食左ｄ咩～食得泰國野，叫勁多小食是常識吧！！就係貪佢新鮮又煎又炸，夠熱氣 lol炭燒豬頸肉 $xxx (完全唔記得左幾$$ lol)點埋佢個泰或酸酸甜甜醬，正係增大你胃口既開始炸蝦餅 $64都冇咩可以挑剔～正！６個人食份量岩岩好～沙爹串燒6串 (豬牛雞各2) $97肉質都算滑～唔會燒得太過＂鞋＂，唔會好似食緊擦子膠～青木瓜絲沙律 $64木瓜沙律係食泰國野必叫，但依個沙律真係未免太太太太太辣了吧。。。可能係我咁岩食到粒辣椒。。我直頭半邊日辣到痺左。。飲左３杯水。。。抖左15分鐘先可以再食野。。冬蔭公湯 (中) $145朕，係唔食辣的～所以冬蔭公湯永遠都唔係朕杯茶，但同枱既女人男人都話幾鮮～海鮮同料都足～叫一個中就岩岩夠6個人~馬拉盞炒通菜 $76咖哩豬仔脾 $92其實當你見到佢個menu，佢既咖哩係有好多好多唔同肉俾你簡～海鮮蝦蟹當然會貴d~ 咖哩蝦得3隻都要$2x

因為要係銅鑼灣參加朋友生日party，所以搵左間泰國野一大班人一齊食本來無咩特別期望，但每次食泰國野都會叫炒金邊粉食。今次亦唔例外，叫左個炒貴刁。上枱先知原來咁靚，後尾睇返其他食評，原來佢係招牌菜之一仲叫左菠蘿炒飯、雜錦串燒、小食拼盤、柚子沙律等等。除左侍應服務麻麻之外。總括黎講，樣樣食品質素平均，不錯不錯，可以再到訪

與友人於總統戲院睇完戲, 去樓下食埋晚飯實在是方便的行程。7點到場, 幾乎滿座, 只剩室外座位, 當日好彩有訂座先可以立刻入座。餐廳充滿泰國風情, 每枱擺上小燭做點綴, 室外座位其實都吸引, 如果天氣涼爽, 可算是不錯選擇。我地一行三人, 點了幾道值得一讚係該店的服務, 收碟快, 上碟都快, 態度都好。

晚上與朋友們飯局,友人介紹這間泰簡單餐廳,她之前已book桌預留位置,所以一行4人出發去食美食。yeah!去到order左4款食品,雖然貴左d,但一見到實物及味道,已滿意。1.皇帝蝦蛋網炒貴刁酸酸香口的貴刁,份量足,味道夠。蝦夠大隻。2.辣炒勝子醉酸辣辣好開胃。勝子也夠彈牙,不過如份量多番d就更滿足。3.冬陰公我幾鍾意,同樣酸酸辣辣,香味足。有分大中細3個size。我地4人,侍應建議飲中size。每人只能分到一碗。我其實想飲多d~哈哈哈。4.金枕頭姐係咖哩蜆肉麵包。幾好食,甜甜地,不是太辣。好食。5.蜜味燒骨這款我覺得份量唔值這價錢。味道普通沒特別。餐廳環境有氣氛,有露天位置。不過怕冷人士就坐室內會好d。 而我當時也未見到有冇人食煙,所以到時book桌前最好問一問。下次會再食。^^

這趟再去該餐廳發覺價錢不但貴咗，食物質素差咗！只有蝦餅可以keep住好味，其他不太好味，例如皇帝蝦蛋網炒貴刁，味道太甜，有點奇怪；柚子沙律，不好食，柚子有點苦澀，等等。這個價錢卻給這種質素，我諗下次不再光顧了！

女友想食泰國菜，而且又得一個鐘頭食 lunch，所以揀咗銅鑼灣的"泰簡單"作這次的為食之旅～十二點上到去冇咩人，環境唔錯，有露天位同室內～我們被安排坐室內，我們點了皇帝蝦蛋網炒貴刁和串燒 首先來的是皇帝蝦蛋網炒貴刁，光是賣相已經值回票價，鳥巢般的外型，包裹著平凡的材料(蛋、芽菜、雞肉和貴刁)～我和女友已經急不及待將它解剖開，食之前還要加上少少花生碎、辣椒碎和砂糖....貴刁炒得乾身、不太油，再配上甜甜酸酸的醬汁炒埋一齊....好味～ 除咗貴刁好味之外，串燒又係另一傑作，我欣嘗它甜甜的沙爹醬，帶有少少的辣味～而且牛肉和雞肉很嫩滑....唔錯..唔錯～短短一個鐘頭內，食到咁好味的食物，好幸福呀！！有機會的話，一定要再來....夜晚來應該會較浪漫～

一早約左班同事要食飯, 我本身plan住食0個間無左, 我就上openrice揀謝斐道...最top的就係呢間「泰簡單」...見到入面0的相...嘩!! 真係流哂口水, 好!! 就試下啦!!但係我打電話已經book唔到檯, 要walk-in...我0地就一夠鐘即走喇!! 唔夠6:30就到左, 不過只可以食到8:00...唔緊要啦!! 照食!!呢度有室內同室外兩PART...咁熱天...都係早0的0黎坐室內好0的~~室外就等冬天啦!!好, 等齊哂人, 我就拍板落order喇!! 所有都係由openrice見到人0地推介的食物啊!!1) 柚子沙律: 好清新啊!! 0的柚子出奇地一0的都唔苦呢!!2) 炭燒豬頸肉: 好味, 好香啊!! 個汁又正~~3) 焗釀雞亦: 呢個都好正, 不過我覺得入面0的味唔夠濃~~4) 皇帝蝦蛋網炒貴刁: 呢個淨係叫0黎影相都抵喇!! 好靚啊!! 仲要係今日的最最最好味呢!!5) 串燒豬同雞: 串燒就ok啦, 又唔算話勁好味, 不過個汁都好正~~6) 金枕頭: 哈哈, 呢個真係特別到暈啊!! 一開頭見到個名, 仲以為同榴槤有關, 點知完全唔關事0家!! 係一個大麵

同好朋友慶祝生日兼farewell, 揀左呢間餐廳去到佢分室內同室外整體黎講環境OK室外氣氛似乎更好, 不過實在太熱, 所以都係坐入面算金枕頭: 呢個真係 good, 個面包整得夠脆, 配上佢個咖喱汁, 唔錯~!!皇帝蝦蛋網炒貴刁: 呢個都 ok, 個味幾特別, 酸酸甜甜金瓜海鮮盅: 呢個唔太ok, 因為感覺係一大堆海鮮整左落個南瓜度, 而且質感會太"溶", 食茖去口感同味道都唔太好整體黎講，推介金枕頭

係CWB行完街搵飯食，一心唸住咁夜去翠華攪掂，點知抬頭一望，見到「Thai Simple」個牌，如果唔使等位就試一試!!哩間餐廳最值得讚係個menu, d相影得超靘，樣樣都好似非常好好味咁。另外有outdoor好似好有feel....1) 冬蔭公 - 哩個冬蔭公好後悔無影相，因為味道VERY GOOD!......最適合喜歡濃味既我，湯質地較厚身，俾90分2) 柚子沙律 - 哩個菜唔難做，不過我食到有椰絲既關係，帶點苦澀味，不算太好3) XO醬炒肉瓜，不過我自己唔鍾意濃味既菜，而且XO醬同菜類食品不算太配4) 皇帝蝦蛋網炒貴刁 - 賣相有心思，哩度個炒貴刁較甜，口感煙煙韌韌，其中有朋友極讚，不過我都好喜歡！5) 咖哩豬軟骨 - 咖哩味帶甜，不過送上的唔係豬軟骨，是類似Ribs，個人不喜歡這個咖哩味