肥姐小食店

营业中

休息中

嚟開旺角梗去肥姐度🤣冇食過肥姐冰鎮滷味..可以話係人生一大憾事🤫好幸運係𝚅𝚒𝚎𝚗𝚗中意食嘅野=肥肥中意💘 所以從來食好西嘅鐵腳都係肥肥🤫🍢肥姐好食在係個「醬」‼️㊙️黃芥茉醬、甜醬、甜豉油‼️如果個醬唔係咁特別,會失色不少‼️夠晒嗆‼️夠晒辣‼️ 唔中意甜醬嘅𝚅𝚒𝚎𝚗𝚗都覺得不能沒有「它」🤫🍢皇牌套餐ʜᴋᴅ$38 （墨魚火雞腎生腸）墨魚🦑夠爽口彈牙啊～冇鹼水味‼️新鮮‼️火雞腎🦃️ 係𝚅𝚒𝚎𝚗𝚗最愛~夠脆‼️夠爽口‼️唔係食香口膠‼️生腸 = 🐷豬嘅輸卵管～食 #港式滷味🍢必叫‼️🍢無論係尖沙咀定旺角,一定會幫襯肥姐同佢個仔！雖然食過好多間,但因為個「醬」無限♾️返啅🧡💛 所有外國朋友嚟香港🇭🇰𝚅𝚒𝚎𝚗𝚗必定帶佢哋嚟食🤣 老外係好抗拒食內臟都覺得𝗻𝗲𝗶 𝗵𝗼 𝗺𝗲𝗶💗𝗣.𝗦. 食咗咁多年..從來唔知幾錢嘅..但今日聽到後面個小妹妹🧍‍♀️(目測8歲）同爸爸對話就知啦👂咁細個都咁識食👍🏽如果大家中意俾個like支持下🤟🏽 𝗖𝗶𝗮𝗼~🍢肥姐小食店 (旺角)🍢旺角登打士街55號地下4A號舖

好耐都唔出一次旺角，嚟到就當然一定會食吓街邊小食啦！😝見到有條小小嘅人龍排緊肥姐，我即刻都去排😆排吓排吓都好快，唔洗5分鐘就排到。咁遠嚟到就叫佢地嗰皇牌套餐啦(大墨魚+細生腸+火雞腎)！❤️ 皇牌套餐 $32食第一啖就知點解開咗咁多年都仲要排隊😂佢地啲醬汁好好味，望落只係普通嘅豉油，黃芥辣，甜醬，但加埋一齊真係無得輸！🤤大墨魚筒生腸都好爽口彈牙，但火雞腎我就食到有少少雪味。好食度：⭐️⭐️⭐️⭐️(4/5)餐廳推薦度：⭐️⭐️⭐️✨(3.5/5)香港有特色嘅街邊小食已經少之又少，呢間算係數一數二咁好食，食物好食之如價錢又親民！

因为去到旺角已经快晚饭时间，某平时下午甘多人，所以唔使等好耐，大概五分钟左右。皇牌套餐好抵食。果然无论系咩野食，酱汁都系灵魂。每次睇tvb都好想食哩滴街头小食，大肠，鸡肾同墨鱼哩d。推荐推荐推荐。

提到「肥姐」小食，除了滷味之外，腦海中還會閃站需要排隊的念頭。雖然常常都要排隊，但其實也不用等很久，每次在15分鐘內就會買得到。買的時候已經要想好要買什麼，因為店員會直接問客人要什麼，配什麼醬料。如果沒想好就會讓下一位客人先買呢，不過已經習慣了這個模式，所以沒有太大影響。皇牌套餐（墨魚，細生腸，火雞腎）$29每串滷味都會配上秘製滷汁，甜醬及芥末醬。芥末醬雖然有點嗆鼻，但也因此會有吃得很刺激的感覺，不錯。細生腸生腸爽滑，沒有異味。而且很入味，友人大讚好吃。墨魚不吃內臟的人可單點墨魚，墨魚爽口有嚼勁，好吃。火雞腎火雞腎爽脆，因為有點厚度的關係，讓人感到更滿足。醬料的味道跟雞腎比例剛好，兩者相的益彰，別有一番風味。整體滷味的差別只在於口感及食材的原味，所以還是要根據自己平常的愛好下單會比較好。

今次過黎特登黎食 6點幾左右排隊時 前面有十幾個人左右， 都係等左3-4分鐘左右 佢地啲服務好快啊 （唔該俾份皇牌套餐）眨下眼就遞左黎面前喇 加埋芥末先係一流啊 滴墨魚好好食 下次試下其他單點 推薦一定要黎試下

新年買新鞋，小人亂買東西系列之廉價波鞋，當然要到波鞋街走一轉。買了心水平價波鞋，很自然的到肥姐處朝一朝聖。可能因為太多人買的緣故，小食店都推出唯一的一款套餐 - 名為「皇牌套餐」，如此一來顧客不用想來想去要甚麼；二來亦無須那些店員落力地催趕客人光速地落柯打給錢取食物走人。小人順勢亦來一客皇牌套餐，齊醬。一個套餐三串小食：包括了鴨腎、生腸以及墨魚。鴨腎滷得非常入味，有醬或是無醬都極其可口。生腸和墨魚皆是爽的，要沾有豉油甜醬辣醬才更有味，所以這兩串是吃醬為主的。肥姐小食，確屬不凡；可是要慢條斯理地選擇是不可能發生的事。

無論係咩時候去肥姐小食店，都係排長龍，超受歡迎🤗皇牌套餐($26)一共有3串：墨魚🐙，大生腸和火雞腎☺️(Octopus, Large Pig Offal, Turkey Kidney)全部嘅口感十分爽口彈牙☺️，而且保持冰凍嘅口感，就算天氣凍都好食，而且生腸清洗得挺乾淨😚，沒有異味，安心食用，食過咁多次都無肚痛☺️每串都淋上秘製豉油，甜醬和黃芥末醬，芥末醬十分攻鼻😝，但食落好夾，十分惹味😚味道不錯🤤超好食

約咗朋友食飯但仲有成粒鐘空檔，最好借口就係掃吓街食啲三高食物😈有人話肥姐好，又有人話肥仔正啲，其實不用分那麼細啦😂反正經開邊區就食邊間<皇牌套餐> 🍢$26🐙墨魚+細生腸+火雞腎🐔冰鎮得夠凍❄️爽脆彈牙是對這店基本的要求了，今次滷得有點失色不夠入味😔但勝在甜醬+芥末醬是精結所在，加番不少分數

同朋友行旺角路經一如既往好多人排隊嘅肥姐小食～突然想去朝下聖睇吓有幾好味😹 佢地手腳好快 排一陣就到我我地叫左個 皇牌套餐 有三串野～ 細生腸係我小時候嘅至愛～真係好爽 不過我個人覺得佢個汁唔太夾下次都係走汁比較好😂墨魚可能我本身唔太like 覺得麻麻 不過都係個爽字雞腎真係有點兒生生地咁所以我同友人都滯銷左佢😂對我黎講 食一次就夠嚕～

Afternoon C/L + 隻身在MK + 同K小姐約定嘅會面時間尚有半個鍾 = 一個在旺角悠走嘅好理由今日員工相當有效率, 1步/5sec的人龍消化速度恰好提供足夠時間去決定好要邊種小食人在Comp Leave, 稍為放縱地在晚餐前來個一人前肥姐盛宴 (大墨魚+小生腸+火雞腎皇牌套餐) 亦不為過吧?相信各位對彈牙嘅大墨魚、同芥辣絕配嘅小生腸同入口尚有餘溫嘅火雞腎相當熟悉尤其鍾意大墨魚 - 鬚頭嘅爽脆口感, 同(個別)過鹹潮州滷水墨魚截然不同  痛快哉食飽飽之時, 亦正好到進行是日Main Quest嘅時間 - 接受K小姐嘅紅色炸彈!!!滿滿的中古世紀風情封蠟章, 同一對準新人相當合襯船到橋頭自然直啦~ K小姐加油 + 預祝兩位百年好合(・∀・)

原來落尖沙咀食肥仔, 點知東主有喜3天, 之後經開旺角咪搵肥媽.皇牌套餐 ($23) :唔使諗唔使煩, 快靚正. 佢準備好哂, 一叫問要唔要辣, 好快就送到我手.我要左少辣, 所以芥醬少d. 套餐有墨魚, 生腸, 火雞腎.  墨魚好咬又彈, 生腸爽脆, 火雞腎有肉惑得黎爽爽地.不過火雞腎仲暖, 如果再凍d 應該更爽.芥醬岩岩好, 夾雜著刺激一下.

落旺角行街，點都要花時間排下熱店啦！呢條食街店鋪每過一段時間就會轉手，唯獨是肥姐小食店係由開舖到收舖都要排隊，當日仲要落微微雨都依然有人排隊人龍係Keep 住有的，不過姐姐做野爽手，揀野收錢包好，一分鐘內完成！我就揀左皇牌套餐（$23），其實套餐無平到，只是啱晒有選擇困難症的朋友（即係我）！呢個套餐係包括左細生腸，墨魚同火雞腎三種鹵味，生腸爽脆又入口夠冰凍，墨魚係厚身充滿嚼頭，火雞腎就暖暖地都幾好味！因為朋友唔食芥辣，所以飛左，其實加左會更加好食，有少少攻鼻的感覺！唔好睇佢用紙包，食完都仲係滴水不漏！勁！抵你咁長龍嘅！ 

次次同男朋友黎親旺角，口㾗之選必定揀肥姐，有次仲買左4個皇牌套餐，外賣盒拎走反屯門做宵夜，可謂山又長水又遠都心甘情願。最鐘意食肥姐既皇牌套餐，有大生腸，火雞腎同大墨魚。全部都鹵得非常入味，而且好爽口又夠凍，加上肥姐秘製醬汁，基本上唔洗芥辣甜醬都已經食到耳仔郁郁。

前陣子同朋友甘岩去旺角行街，一邊行一邊捻究竟食咩好😅'之後我地費事煩，就決定食街邊小食之後再食甜品。之前一直覺得掃街（街邊小食）好唔健康同唔衛生，因為都係一d 煎炸或者高鹽分既食物，不過偶爾放縱自己一下都OK既，而且平時都係有食煎炸野，加上今次朋友推薦，要一嘗！😍😍去到鋪頭，發現都好多人排隊！ 不過唔係太肚餓，所以都照排隊。我地叫左份皇牌套餐：大墨魚、小生腸、火雞腎 再加個 大生腸味道一流👍👍醬汁配搭得剛剛好！唔會太鹹太淡，我最中意既就係雞腎😆😆不過就略嫌食物有d 冰冷，熱d 食會更好食！❤總體來說，食物環境都不錯！！👍

行行下旺角真係好餓好餓，所以就同my boy 去左排肥姐先諗住再行街~ 人龍依然係長，前面有成30個人....比著平時真係唔鬼排，但係我今日真係突然間好想食，同埋肥姐都快嘅，所以還是在等~我地叫左個皇牌，其實我平時真係唔會買，又係o個句真係好餓好餓~ 佢地嘅甜醬同芥辣都係自家製，所以店長好推介我地一定要2種一齊落先食到o個種鮮~! 所以照落(即使我平時真係唔食甜醬，但都覺得係咁樣落先好食，都係o個句只此一家)火雞腎其實係無乜特別，無腎味，普普通通~ 我好鍾意呢度嘅豬腸，真係好好食，好爽同埋夠凍，係真係要過冷河過都夠，先有o個種口感! 好彩唔係撞正休魚期，唔係就可能隨時無得食~! 大墨魚唔"un" 係呢度嘅最大賣點!!! 無"up"味一定係新鮮! 每一次都一定點呢個!