初見

营业中

休息中

老婆掛住日本，同佢黎荃灣平平地止下心癮。排隊都抵嘅，無加一百零蚊有石燒牛食喎！賣相好得，用香草包邊視覺效果超靚。牛肉肥瘦均勻，用附送嘅牛油喺石上面搽一層油，再放上幾塊吉列牛燒得香脆。點海鹽、燒汁醬都好味，拌飯同溏心蛋，滿足！安格斯牛肉鍋湯底濃而不咸，料足，有魚蛋片、豆腐、鮮菇、菜、蒟蒻等等。安格斯牛嘅質素不俗，烚兩烚佢保持軟嫩。入到舖真係另一片光景，好有feel，仲有部電視播住日本街頭閒逛嘅影片，有心營造氣氛。

情人節食二人餐，價錢實惠得黎味道上盛，極級享受何奇難得！餐牌：1.小食拼盤一口芝士：芝士味非常香濃，炸粉唔會太厚明太子雞翼：香辣惹味，可惜我麻麻地辣。幸可以點糖漿吃，也好食。炸豬軟骨餃子：豬軟骨細細粒夾雜豬肉，口感極爽金粟紫薯餅：炸得適中，甜而不膩，極好食。2.特選三色刺身三種刺身都幾新鮮！雖然幾厚切，但出奇地一點也不膩。配檸檬汁好清新開胃3.龍蝦忌廉湯都足料，有蝦肉。然後比較鹹，變左唔多食到鮮味。4.初見石燒香草吉列牛、板燒安格斯雪花牛肉真係不得了，賣相已經超級正！香草吉列牛切得好薄，所以質感一d都唔韌。包上綠色外層嘅吉列香草簡直係爽脆！放石板上燒好快就熟。不過吉列牛的牛味比較普通。然後到食安格斯牛，極度驚喜！牛味超級香濃，正到爆！！雪花紋都唔錯，一點也不韌。配上少量鹽一起食味道更昇華。係近年食過味道最出眾嘅牛肉，估唔到係呢間小店食到。板燒更特地提供少量肥膏先出油，燒肉時唔會咁黏底，感覺更高檔。可惜嘅係配菜金菇好難燒，一係燒唔熟一係燒干，唔多適合燒。個餐仲有一杯飲品同布甸，真係抵食。$400兩個人唔使加一，真係勝價比冇得輸。服務之佳亦令人驚訝。明顯見職員係按我地食野嘅速度上菜，唔係一

我地都係荃灣之友…所以朋友生日飯都係離唔開荃灣區嘅！呢間日本料理正正係福來村對面，我地平時都好少係福來村附近搵野食。但我第1次聽呢間店個名…“初見”，覺得個店名好浪漫吖！我就被呢間店嘅名吸引左啦，仲話好想黎試試添！餐廳內環境整潔，但地方唔太大，得十張枱左右，坐得都幾緊貼。餐牌上嘅食物圖片都好吸引，見到樣樣都好似好好味咁。我地order左……蟹子沙律，各式各樣刺身，石燒香草吉列牛，初見邪惡炸薯條，小火鍋，一口芝士，粒粒蟹子炸軟殼蟹反卷，蟹肉什菌扁意粉。真係聞名不如見面，樣樣都真係好味吖！未試過嘅荃灣之友，不防來試試。

荃灣區嘅文青日本餐廳，裝修方面真係幾文青，店面雖然小，但坐落都舒服。本來想試鍋物，但一入去就聞到好香嘅燒烤味，即刻轉軚叫咗個招牌石燒香草吉列牛😂 雖然個牛睇落好綠，但其實無乜香草味。牛肉味濃，肉質鮮嫩，不過中間有幾舊有筋，就比較硬咬。石燒牛配埋白飯，比較可惜嘅係個飯唔係日式珍珠米，係普通白飯，同埋偏乾硬。我哋加咗$35換個餐，有幾片刺身，有湯同熱茶。好抵食，刺身都幾大片，又新鮮。是日花茶係菊花茶，係好飲嘅菊花茶，個樣又靚，適合影相打卡。整體來講好滿意，價格實惠又好食，值得一讚係餐廳樓底好高，雖然成間鋪啲人都係度燒牛，但唔會好焗，只係聞到好香嘅燒烤味，令人食指大動

週日同男朋友去荃灣行下見呢間有set lunch 又幾多選擇幾吸引咁 就去試下喇去到三點左右 都幾乎滿晒咁濟環境唔似一般嘅日本餐廳 比較似文青cafe多啲坐喺呢幅草牆下食野 樓底又夠高 幾舒服幾放鬆餐牌：種類都幾多 價錢亦都合理✨石燒香草吉列牛肉 $118呢個都係呢到嘅招牌之一好多香草 不過食唔到香草味但就令到平時吉列嗰種油膩感無咗燒好嘅牛肉可以點鹽式者特製醬汁筆者就偏好醬汁多啲 因為真係好夾🤤🤤🤤個溏心蛋就略嫌熟咗啲 唔夠溏心✨日式咖哩吉列豬扒飯 $68豬扒炸得好乾身 炸粉亦都唔厚個咖哩好濃 日式得嚟又有小小辣味✨初見邪惡薯條 $40 （跟餐-$5）邪惡即係鹹蛋黃 闊薯條好味不過可能筆者太重口 覺得可以再邪惡啲😆整體嚟講 環境舒服 野食質素不俗 仲要唔駛加一 性價比嚟講幾高大家去開荃灣嘅話 不妨去試下😉

人生若只如初見，等閒卻便故人心。餐廳面積不大，但樓底高，充滿著森林風的空間感，配上木造傢私和一幅草藤綠葉的牆作裝飾，非常有心思，給人一種舒適的感覺。石燒香草吉列牛 - $118石燒香草吉列牛賣相搶眼(以香草包住吉列牛)，而且不會太大塊，可以一口一舊；還配上溏心蛋。溏心蛋呈現半熟流心的狀態，一口咬落去蛋黃味香濃，而蛋白還帶點滷水味，十分軟熟嫩滑。石燒吉列牛大約10秒便可轉一轉，等一會便可進食。吉列牛厚度剛剛好，可以一口一件，依落有口感，牛味超重。加點岩鹽或醬汁更能加添美味。

好耐冇黎荃灣搵食，今日想食日本野，友人知道有一間午市套餐好抵食，而且地方舒服，就黎食個Lunch。餐廳內外門面裝修已經好日系既感覺，從門口望估唔到內裡設計頗有特色，樓底好高，空間感十足，用色以木色為主，好和諧溫馨既感覺，座位亦唔算逼澀，果然地方舒服。食物選擇午市套餐選擇不少，有分五個類別，分別係壽司/刺身/丼、拉麵/烏冬、意粉/意大利飯、洋風/漢堡及鍋物類，價錢由$50-98不等，仲包飲品，價錢十分相宜！石燒香草吉列牛 $118吉列牛已經普遍，但香草吉列牛真係第一次見，特登前來試試！份量不少，有十七片咁多，仲配有溏心蛋。附有牛肉脂肪粒，先係石板上抹牛肉脂肪粒等燒香草吉列牛時冇咁易癡底，香草吉列牛都薄切，唔怕燒唔熟入面，試過燒得冇咁熟生啲，又試過燒全熟至兩邊微焦，個人口味中意後者多啲，面頭少少焦香，內裡肉質腍而帶咬口，比較可惜既係肉味不夠濃，以及香草味較薄弱。至於所配既溏心蛋，十分入味，熟度岩岩好，高分之作。午市套餐—日式豚肉叉燒牛角包配炸薯條 $58$58仲包飲品，豚肉有四大片，鬆軟口感，淋上左日式燒汁，仲有蒽花及沙律菜，口感豐富，牛角包好重牛油香味，食落仲甜甜地，同日式豚肉叉燒好夾，