茶餐廳2.0 (已結業)

這晚想不到去吃什麼，打算去茶餐廳，發現有茶餐廳在愉景新城，很出奇的感覺，就去試試在愉景新城內的茶餐廳Set Dinner點了一Set試試茶餐廳有珍珠奶茶還有多款甜品呢。飲個中湯暖暖身子Afternoon tea的儀式感和牛的份量很豐富！100g已經有很多片。放在鐵板上燒得很香的日本A4和牛平時去茶餐廳都很喜歡點星洲炒米，有落咖喱粉炒夠惹味。米粉有彈性，配料豐富，有蝦仁、火腿絲、洋蔥、紅椒等等。吃得飽飽的

茶餐廳係最能代表我地香港飲食文化標記，大大小小嘅茶餐廳總有一間響左近；茶餐廳嘅食物款式種類非常多，中西式合壁有時仲會有日泰韓嘅特式美食，應有盡有，係香港人生活上不可或缺嘅餐飲店。今次蕃薯妹專程嚟到荃灣試茶餐廳，到底呢一間茶餐廳有咩咁特別？之唔係就係為咗呢個石燒和牛片！↓↓↓響網上見倒有blogger介紹呢個套餐，睇倒立即決定要嚟試下門面感覺不錯～ 餐廳內環境都整潔寬敞，唔會覺得好迫好唔舒服牆身有標誌香港美食嘅圖畫，啱曬喜歡香港情懷嘅朋友講返食物質素先蕃薯妹點咗石燒A4日本和牛餐，跟餐有餐湯同餐飲，做緊推廣價$168黑牛 $25（跟價減$10）講起茶餐廳嘅昔日情懷，又點可以唔叫返杯黑牛！ 黑牛即係可樂+朱古力雪糕，蕃薯妹小時候去親舊式扒房都一定會Order呢度轉餐飲仲可以減$10，正！餐湯-羅餸湯 餐湯可以選擇中式老火湯或者羅餸湯，味道不錯。石燒A4日本和牛片100g $168主角登場 淨係個外觀已經贏咗！和牛片佈滿一個三層嘅架上面，最底層係粟米粒同埋慢煮雞蛋，視覺上都幾吸晴，我見隔離檯叔叔係咁望住我個餐～塊石燒板溫度非常之高，和牛放上去每面燒幾十秒就已經可以食。 和牛片好肥美，厚薄度適

今日趁早收工，便跟老公去愉景新城茶餐廳2.0食晚飯。這裡環境光猛又寬敞，設有卡位、有大枱等，十分舒適。另有特色位：雞蛋仔外賣專區。可外賣雞蛋仔邊行邊食，仲可追加水果、雪糕、棉花糖、珍珠、朱古力棒等配料。店內除了提供茶餐廳基本的食物款式，還有好多驚喜，如和味十足，相機食先的石燒A4日本和牛片及搭配迷你雞蛋仔雪糕的石窩日式雞扒湯烏冬。見如此特別，即各叫了一客。石燒A4日本和牛片 (推廣價HKD168)配白飯、慢煮雞蛋、甜粟米粒、椰菜絲+咖啡或茶 (可加錢轉凍飲)送來時，賣相跟餐牌一樣，相機食先，超吸引，先來熱辣辣的熱石板，再來個精美和牛片層架，頭兩層有100g豐盛的A4日本和牛片配椰菜絲，底層則有慢煮雞蛋配甜粟米粒，材料豐富！A4和牛肉質鮮嫩，脂肪分佈均勻，在熱石上略燒即可品嚐，牛味足，入口嫩滑，配一啖飯，令人難忘！將慢煮雞蛋跟飯在熱石上炒一炒作自製炒飯都不錯！石窩日式雞扒湯烏冬配迷你雞蛋仔雪糕 (HKD58)+咖啡或茶 (可加錢轉凍飲)熱辣的石窩，內有外脆內軟的雞扒及有咬口的烏冬，仲有嫩綠蔬菜，配上美味凍檸賓，組合很不錯。  食完烏冬，再來個跟餐甜品：迷你雞蛋仔雪糕，雞蛋仔脆卜卜，雪糕凍

今日收工過左愉景新城買野，咁梗係食埋晚飯先返去啦。諗緊食咩之際，打開個App，見有間食店個名叫「茶餐廳2.0」。咁鬼馬有趣，就一於試下先。去到門口，就見到有奶茶同雞蛋仔賣，但無理由晚餐買個雞蛋仔就算嫁，所以都入左去食。坐低之後，未開始打開本餐牌，就已經俾個石燒A4日本和牛片既外加餐牌吸引左。於是就叫左依個，升級埋野飲做雪糕紅豆冰，再加多個素菜炸物拼盤。黎得最快既當我係飲品啦，紅豆冰個雲呢拿雪糕好香，紅豆都好大粒好甜，唔錯。石燒A4日本和牛片上枱果下好豪華，兩層既和牛片好吸睛，好多人望住囉。和牛片燒完好香好嫩，唯一缺點係快石都凍得幾快，要一次過燒哂先，唔可以慢慢咁食一塊燒一塊。素菜炸物拼盤有南瓜餅，咖哩角同春卷各二。南瓜餅唔錯，咖哩角同春卷就普普通通喇。

今日同男朋友去荃灣揾野食，去到愉景新城嘅茶餐廳2.0餐廳裝修光猛，有部分位置好有懷舊茶餐廳裝潢特餐：日式石鍋雞扒湯烏冬+迷你雞蛋仔雪糕 $58湯烏冬嘅湯底係豬骨湯，配上大量芝麻同大大塊嘅雞扒，雞皮本身已經煎得好香脆。雞蛋仔粉醬比例好好，外脆內軟，雪糕係普通雲呢拿味雪糕石燒A4日本和牛片 （100g) 推廣價$168和牛片的份量頗多，第一層的和牛片雪花紋路很均勻，第二層的和牛片較肥，但相對油脂較多及味道較香。本身我想逐片逐片燒黎食，但燒了兩三片後害怕石板不夠熱維持到最後，所以決定一次過燒晒所有和牛片才開始食。和牛的味道當然比平日出街食到嘅肥牛好味好多。另外配的粟米很甜，慢煮蛋很滑，可惜份量不多，唔夠喉😅素菜炸物拼盤（包括南瓜餅x2，春卷x3，咖哩角x3） $58南瓜餅：好甜、份量充足，整個餡料都是南瓜蓉，炸醬好薄好香脆春卷：是素餡料，但味道清而不單調咖喱角：味道普通，但炸得好香脆，唔會過火茶餐廳最常見嘅雪糕紅豆冰，蜜餞紅豆大大粒好入味，份量好足，配埋雲呢拿雪糕，勁夾另一杯餐飲點了柚子蜜， 柚子蜜本身同其他鋪頭的分別不大，但加了檸檬味道清新不少