萬豚屋

营业中

休息中

友人試過黎食lunch…但見open rice好評如潮....所以帶我黎試真d….星期日既7點....只有1對情侶排起我地前面....咁好彩?! 等左一陣就有位啦....平時7點一定已經有長長既人龍....我地叫左:黑擔擔豚肉烏冬: 有芝麻既香味....但食落只有少少芝麻味道....石鍋豚肉烏冬: 湯底比黑擔擔既好.....2個烏冬都係用石鍋熱熱咁上....豚肉得4舊....不過夠"林".....有肉有肥膏.....最好係肥膏又唔會好肥膩....但其實d豚肉幾似湯渣....呢度既座位都幾迫.....唔會坐得耐.....我地只係為左個烏冬而黎.....所以食完就走了......最估唔到既係....由我地入座到離開....都見d人唔駛點等位....差唔多一黎就入座....究竟點解呢? 唔通大家都唔知佢星期日都照開門?! 總括係好味...但唔值得排長龍黎食....

次次來都好長龍, 打電話又冇人接 終於搵一次6:30來, 唔使排隊就有位, 睇下係唔係咁犀利先蟹肉沙律- 蟹籽蟹肉都唔少, 但沙律汁唔夠, 所以如果食唔到d鹹鹹地的蟹肉, d菜係冇咩味的, 覺得比較普通. 另外一口牛肉, 呢個口就比和民大, 賣相也好一點. 不過牛肉都係鞋左d. 之後再來黑芝麻芝士豬扒, 因為menu幅相唔太清楚, 仲以為係黑芝麻豬扒中間夾著芝士來炸, 上檯先知原來芝士是加在豬扒面略焗的. 豬扒被黑芝麻緊緊包住, 應該是用芝麻代替麵包糠來把肉封住再炸. 所以食落都有陣陣芝麻味. 不過就不太喜歡放面的芝士, 芝士唔香, 感覺是得個鹹味, 一pat pat連埋牛油味(!?)掩蓋左豬扒的味道, 有點弄巧反拙的感覺.彈左幾樣, 都要來個讚的. 大家都讚的石鍋豚肉烏冬, 果然不錯. 豚肉夾雜肥膏層, 入口唔見左, 明知肥都忍唔住食多幾舊. 烏冬有咬口, 湯底是豬得來夠清, 飲左又唔覺口乾的. 可憐朋友不好肥膏在口的感覺, 又偏好腍身的烏冬, 見住我話好味, 佢只好話讚下個湯底.呢次食唔係樣樣都咁滿意, 不過勝在食物平同有自己主打的食物, 如果唔使排咁長龍, 也可以諗諗.