蘇媽.蘇媽馬來西亞茶餐室 (已結業)

蘇媽蘇媽絕對係一個鍾意食東南亞菜既人既平價之選，亦係每次我一個人要係銅鑼灣食飯既心水選擇～點解？因為一班人去一定好難有位，但一個人食就完全唔使等～當然，一班人食就可以叫多好多野食我每次去蘇媽蘇媽既必點：砂煲老鼠粉鍾意重口味同食野有豐富口感既朋友應該都會覺得好啱心水老鼠粉用砂煲上，入面有老鼠粉、肉碎、豬油膏、魚乾，再打左一隻蛋係頂，慢慢撈，就會食到少少焦香，好香口！如果唔鍾意食呢啲脆脆口感既朋友就要快快手撈勻了～

☕️ 食物：👍🏻👍🏻👍🏻  /5💰CP值：👍🏻👍🏻👍🏻 /5 🤵🏻 服務：👍🏻👍🏻/5 🛋 環境： 👍🏻👍🏻👍🏻 /5之前同朋友經過蘇媽蘇媽，都幾多人排隊下，難得今日少D人，就去試下新野啦，裡面既裝修都幾靚古色古香既舊香港環境用黎影相打卡都唔錯架 砂煲老鼠粉上到檯煲老鼠粉都幾香，材料非常充足，加埋隻半熟蛋，連埋D肉碎，炸蒜等等撈埋一齊，真係有D 似煲仔飯 ，不過呢個就係煲仔銀針粉啦！可以一試 ～椰香咖央多士烘到好脆，🍞入面配有香滑既牛油，加上好重椰香味餡料，都係幾邪惡～但真係好好食😋

之前試過週末去旺角嗰間蘇媽，六點幾鐘已經排好長龍，所以未機會食到。見到銅鑼灣新開左一間，人流唔多，即刻去試吓。個人好鍾意食咖央多士，呢間特別在有一層厚厚嘅牛油，椰香同牛油香夾埋一齊都唔錯，不過送到過黎既時候只係暖暖地，prefer 佢熱d。特色飲品當然唔少得，椰汁斑蘭冰不過不失。桔仔話梅水飲落真係好酸，平時鍾意飲酸野嘅我就覺得真係好正。食肉骨茶嘅話，要跟住佢嘅步驟調配醬料。肉骨茶有好重嘅藥材味，豬腳彎本身味道唔濃，加埋醬料先好食。肉骨茶仲可以叫職員幫你添加，認真抵食。串燒都唔錯，最重要係個醬，可以盡情咁點醬，沙嗲味好香，仲有啲花生粒，值得推薦。第一次食老鼠粉，熱辣辣嘅時候食，覺得唔係幾好食，始終口感同一般麵條好唔同。但係唔知點解凍咗食嘅時候又OK，最後都一啖一啖食晒。入面有好多配料，食嘅口感好豐富，但比較大碗，都幾飽。呢間嘅味道整體都唔錯，仲有好多款菜式，其他推介嘅都未食過，下次會再嚟試吓。

以前想食蘇媽蘇媽要預早成個鐘頭去排隊，自從銅鑼灣開店每次都輕鬆食到，因為呢間舖夠晒大，好多堂食位置。門口仲貼住試業工，希望長有長做！今次食咗一直想試嘅砂煲老鼠粉同埋鴛鴦燒面包。兩樣都好邪惡！以前見到老鼠粉都唔明佢究竟係咩麵所以一直唔敢叫，直到朋友話其實係銀針粉先敢試呢道菜非常有特色，燒熱砂煲直接上，十分煲仔飯咁，入面用咗好多調味料，仲有落炸蒜，味道好豐富！我比滿分！燒面包入面加咗厚厚嘅牛油同咖央，雖然食完要去做運動不過為咗美食實在係值得嘅！最多滷肉卷亦有驚喜，自家調製嘅辣醬加上滷肉卷特別野味！