悅

营业中

休息中

蛇來運到，難得年假有五天，確是外遊好日子；但同時亦是親朋戚友返港之時，留港親聚，熱熱鬧鬧，同樣是開心事！年初一外吃冇難度，不少中菜酒家全年無休，我們選擇了時代廣場的「悅」，皆因輕川粵菜愈來愈合口味！但因為遷就老人家，點選的大都是傳統粵菜，喜出望外，烹調到位，創意中保持以美味為主、新概念為次，大家吃得滿意滿足。餐前小吃先拔頭籌，非常爽甜的梨子、與美辣的豆乾同樣討好。豉油王煎日本淮山、蜜汁叉燒、梁溪素脆鱔、椒鹽九肚魚各有風味，唔錯！大紅片皮乳豬皮很脆，本身燒得唔錯，可惜皮下脂肪極多，冇咩肉食，嚴格講唔合格，鹹柑桔川貝鷓鴣燉花膠湯成功打開味蕾，鹹柑桔的鹹酸味特出且又恰到好處，喝得出川貝香，花膠軟透，組合有心得，水準之上。禮雲籽醬炒大蝦球軟殼蟹怪不特別香，軟殼蟹身上沾滿禮雲籽醬，口感更加豐腴；伴菜不失色，青豆非常翠綠清甜，更有新鮮百合，不過賣相就比較平平不吸引。青椒清香老虎斑奶白湯頭味道鮮美，帶少許青椒辣，好好飲！魚肉嫩滑，與湯同吃，最佳配搭！雞中菌日本長芋帶子煲夠鑊氣，帶子大隻。蒽燒酒香鹽焗雞皮脆肉香，胸肉亦滑，雞珍非常多。爆椒欖角骨味道極好，甜酸鹹味平衡，肉質鬆軟，心水推薦。濃湯浸千絲日本

同老人家去食飯，佢鍾意食中餐 ，揀嚟揀去揀咗呢一間悦。上過openrice見過啲菜色都唔差，就去嘗試下。 估唔到喜出望外，材料平凡，但係煮法做法都幾特別 。 煮法同用料同其他地方食嘅有好唔同 ，老公最愛個 脆皮蔥油雞，個女就最鍾意金沙鴨紅， 我就最鍾意金梅陳醋咕嚕肉 ，老人家鍾意濃湯浸千絲日本大根， 各有各喜好，個砂鍋生拆蟹粉炒飯好香，但係冇乜蟹味。 總括嚟講啲嘢食都好好味 。睇得出佢好用心機煮。 但係晚市好多點心冇得提供，下次會再搵機會去試下