高S拉麵小籠包

营业中

休息中

今日一行六人特登黎食呢一間大約半年前？左右我同先生食過一次當時感覺幾好特別係個砂鍋雲吞雞真係幾好食特別係個湯，雞我反而冇乜點食，專門食佢啲菜同埋雲吞，我覺得幾入味小籠包真係物超所值我先生反而就鍾意食呢個松子魚佢話佢酸酸甜甜咁好好食好想攞嚟送飯但係估唔到成晚最大嘅驚喜，竟然係佢好坦白講，我本身對豬肉好麻麻老闆娘話呢個係新菜式，所以我哋就叫嚟俾老人家食點知一上枱面嘅時候真係嘩左一聲個元蹄好靚呀佢個皮整到晶瑩剔透咁最後尾我都忍唔住試咗一啖仔好好食呀，個皮入口即溶咁可惜老人家鍾意食我淨係可以分到啲肉啲皮冇我份🥲不過有啲驚喜因為我哋今晚其實係慶祝生日老闆娘應該聽到我哋講嘢跟住佢就攞咗呢碟上嚟話送俾我哋食話祝我哋生日快樂🥰🥰🥰老闆娘真係好好人呀呢個餅同上面嗰個沙翁一樣都係紅豆沙味嘅分別在於呢一個餅嗰個外層係脆卜卜上面嗰個就比較鬆軟啲我個人就鍾意脆卜卜呢個餅好有咬口😝今晚真係食得幾開心🥳個個都摸着個肚出去

星期六和老公到天后高S拉麵小籠包吃晚餐，新開張已經客似雲來，證明有質素，又沒有加一服務費。招牌小籠包小籠包最重要皮要夠薄，多湯汁，這個絕對做得到，好吃。麻婆豆腐豆腐很滑，味道很濃郁，超適合配白飯吃。砂鍋雲吞雞半隻雞已份量十足，雞肉嫩滑，還有很多小棠菜和大白菜，當然少不了大大顆的菜肉雲吞。孜然羊肉羊肉沒有羊羶味，很多孜然粉，很惹味。招牌xo醬擔擔麵湯底花生味很香，湯汁很濃郁，很出色。高力豆沙豆沙餡很足，而且甜度適中。飲品叫了凍豆漿和鹹檸七。

成日話大包整多兩籠，大包整多兩籠，唔怕滯，點解一定要係大包，唔可以係細？我夠膽講包要有吸引力，唔一定要大，細細地好似小籠包咁就perfect，從來小籠包賣點就係皮薄餡靚，食既除左係個外皮之外，裡面先係佢個靈魂所在。👇🏻📌招 牌 推 介 -▪️ 招 牌 小 籠 包 - $38/4件▪️ 招 牌 生 煎 鍋 貼 - $45/4件▫️ 黎得呢到必食「招牌小籠包」裡面肉汁JUICY，豬肉夠嫩滑，外皮亦唔會好厚，一啖過過足口癮；「招牌生煎鍋貼」外皮夠煙韌，底部帶少少焦脆，裡面肉餡香口，口感十足。▪️ 招 牌 XO 醬 擔 擔 麵 - $52▪️ 紅 燒 牛 肉 湯 拉 麵 - $62▫️ 麵食先試左個「招牌XO醬擔擔麵」，就咁睇顏色好似好辣，但食落其實唔辣，反而好香，麵條加埋大量肉碎掛哂汁，濃郁入味；「紅燒牛肉湯拉麵」牛肉份量夠多，肉質爽彈嫩滑，麵條有彈性有咬口，同個湯底好夾，值得一試。▪️ 砂 鍋 雲 吞 雞 - $168/半隻▫️ 最後必食呢個「砂鍋雲吞雞」，超驚喜係就算半隻個份量都足以夠三至四人share，湯底清甜，有d金華火腿調味，難怪仲有d鹹香啦，完全唔覺果種味精感，食完都唔會好口乾，而重點係雞肉夠滑