神石燒牛扒水產專門店 (如心廣場二期) (已結業)

餐廳位於如心廣場2樓，其實都唔洗點用眼搵因為用個鼻搵仲好😆😆😆離遠已經聞到香噴噴既燒肉味道😋😋😋一到門口就已經俾餐牌上最搶眼既 神石美國極級天然牛扒 吸引😍😍同同事諗都唔洗諗即刻落Order!同一般餐廳唔同，門口會有一部下單機先點餐。唔識用唔緊要！門口會有職員協助落單。落完單就可以入去坐低慢慢等食啦白飯，湯，沙律都係任拎任食！岩哂大胃王！湯同沙律都有2款任你選擇。但係要留意，餐具等要自己拎。餐廳亦都貼心準定圍裙，以免大家整污糟件衫餐廳唔洗加一，埋單每位都食$69建議大家想食既早啲過嚟，我地好彩早左到，坐低無幾耐已經滿座啦

之前經過見尼間好多人在等位！今天下午放假見佢有平日限定11:30-18:00hrs! 又唔多人！咪試吓尼渡嘅牛扒因自己平時食牛扒最少要七成熟！尼渡就最啱我！可以自己控制牛扒嘅熟度$60可以食到牛扒仲可以任添飯+沙律+麵豉湯不過我選嘅美國天然牛扒唔及朋友叫嘅美國安格斯牛膈膜好食！偏硬！而佢標榜系用日本米煮嘅飯，我就覺得麻麻哋！

荃灣如心廣場二期開咗一段時間，有好多唔同種類嘅餐廳進駐，趁今日平日，同屋企人去試吓呢間鐵板燒，由於平日嘅關係，再加上我避開繁忙時間，店內人唔多，坐得鬆動。呢間餐廳採用嘅係先買票後搵位嘅模式，類似日式拉麵店，平日有優惠套餐都係50至$60左右，我哋叫咗一個神石美國天然牛扒，燒日本赤魚，同埋鹿兒島南國元氣雞。佢牛扒係幾好味嘅，雖然係$60 ，但性價比好高，份量唔細，幾香牛味，用鐵板燒到四五成熟，啱啱好。赤魚比我想像中軟身，無乜口感，中意食滑口魚肉既人應該會ok，但我普通啦，但味道唔差既。元氣雞係另外一個出色嘅，因為雞肉好滑，係鐵板上面燒到好香脆。呢間餐廳另外一個特色就係白飯味噌湯同沙律任裝，飯係日本米，我自己就鍾意味噌湯裏面加少少白飯做泡飯，飯桶一定要黎試吓