六合小廚 (已結業)

近海港城的食肆一向定價昂貴離不開要兩三百元想吃得平民一點，到對面的食肆相對較便宜 除了一般的中式小菜，也有較親民的車仔麵但這次與朋友叫的是小菜 秘制蜜椒土豆牛腩粒 - $108出面一般用牛柳粒牛腩粒的肉質脂肪含量較多，口感會較為軟腍，較有風味有別於牛柳的韌性薯仔跟牛腩粒炸得外皮極爽脆又充滿滿滿的黑椒和蜜糖，甜甜辣辣的 招牌闊佬炒飯 - $108闊佬顧名思義地有多隻大蝦、帶子及瑤柱炒得粒粒分明，口感爽口有鑊氣每粒米飯都散發海鮮的香氣 香煎潮式蠔仔烙- $88典型的潮州菜，色香味俱全蠔烙香酥不油膩，質地帶煙韌有別於蚵仔煎的油膩蠔仔嫩滑鮮美，別有風味

今日朋友陪我去左尖沙咀apple store整iPad，整完諗住係附近揾個地方食個晚飯，行過此大廈，睇見好像不錯就上去試試上到去，地方也不少，坐得都幾舒服坐底後才認真睇餐牌，幾多選擇下，俾我嘅感覺係一間有車仔麵的茶餐廳而且車仔麵好像不錯，見到很多客人叫，不過我倆想叫飯食多啲同朋友各選了一個客飯加一餸互相share香煎潮式蠔你烙-邊位超脆身，而且完全無燶，但中間又香滑鬆軟，好香蛋味同蠔味，兩者混在一起，人間極品秘製蜜椒土豆牛腩粒-店員姐姐推介，這裡的招牌菜，原本因為臨時怕辣唔敢叫，再問清楚之下，原來不辣，所以order左超好味，薯仔炸至脆邊，再很重的蜜糖味，牛腩牛肉味濃，而且唔韌又有咬口咖哩雞扒飯-咖哩味超濃，好香，雞扒醃得好入味，沾上咖哩，更有層味初時吃以為咖哩只是微辣，但吃下去發現後勁好凌勵，好在朋友食得辣，佢仲話好好味蘿蔔牛腩飯-牛腩超淋，同秘製蜜椒土豆牛腩粒的牛腩粒完全兩個口味，但兩個一樣牛肉味超濃蘿蔔完全吸收了牛腩的肉味，清甜中吃到牛腩的香，而且無渣

尖沙咀名店林立，想搵間唔係連鎖既餐廳都難咁岩經過Sasa附近有人派傳單就一於上去食小菜--由於6點半先到，miss左上圖既芝士蝦球饖中伊麵，下次黎補翻食先-餐牌有好多選擇，蒸炒煮炸樣樣齊，仲有埋車仔同燒味-套餐都有，岩哂一大班朋友-由於我地得兩個人，今次決定散叫叫左個雙拼叉燒燒肉飯，跟埋油菜 $54晚餐黎講呢個價錢算抵！ -香煎潮式蠔仔烙 $88好大份！夠哂熱，炸到好香脆蠔仔既份量都絕對唔「姑寒」，唔會覺得成件係粉，好好食好惹味！-再來秘制蜜椒土豆牛腩粒 $108呢個不得了！賣相已經令人流哂口水個牛整得超級好食！肉質有咬口得黎唔會太韌，亦唔會太乾太硬香牛又香椒味，好滋味薯仔既外皮有上一層蜜糖，估唔到甜甜地又幾夾-最後配上可樂同紅豆冰完全係屬於香港口味既晚餐😍❤️店員好熱情，好有人情味餐廳！！

過完大海好肚餓，經過呢間餐廳幾就腳，就諗住叫番幾味小菜。✨除左小菜，仲有燒味，車仔麵，米線，港式小食都幾多元化。仲有免費wifi 提供，上菜速度都好快。✨柑檸百香果（$22):本身都好鍾意百香果，加埋酸酸甜甜既柑檸味道好好飲，又唔會太甜。✨例湯（$20): 青紅蘿白湯，好夠味仲大大碗。白飯就$15, 都係超大。✨鮮帶子炒西蘭花（$128): 呢個帶子真係十分鮮味，大大粒好夠彈牙，數數都有8粒。西蘭花炒得爽口翠綠，份量都唔少。✨豆腐火腩煲（$98): 男人的浪漫～～豆腐火腩飯，呢個味道比較濃，撈汁送飯啱晒。豆腐，東菇大大舊好入味，火腩如果肥番d 就更加好喇。✨秘制蜜椒土豆牛腩粒： 呢個好好笑，係隔離枱熱情阿姨請我食。事緣道餸一出黎真係超香，8掛下係乜黎之後請我食左舊🤣🤣🤣但真係超好食！。✨薯仔甜甜地幾重蜜味，上面有好多黑椒好香口。牛腩外皮脆脆地，但裏面既肉質唔會韌，牛味都好香濃👍🏻必食。

經過尖沙咀apple 隔離有橦大廈好多人企起樓下，原來有好多間食店，我睇open rice見到六合小廚都幾多好評就試一試。見到人地食個蒜蓉蝦蒸腸粉好吸引，原來係下午茶2點至6點新推出，$56又唔貴喎，平時蒜蓉蝦多數烏冬，陳村粉或粉絲底，腸粉又真係第一次試。個腸粉好滑但又有咬口，唔會過淋散晒，配埋個海鮮豉油，好夾，蒜蓉都好香好味，食完都唔會好口渴。另外點左個六合牛四寶麵，有牛腩、牛根、牛肚、牛腸 $78，都幾貴，唔算太大碗，不過六合牛四寶好好食，特別係牛肚，食到裡面粉粉地。食麵配個郊外油菜最好不過，菜心就煮得淋左少少，但幾岩我。見好多人有食秘制蜜椒土豆牛腩粒 $108，我又試下，個秘制蜜汁好正，蜜糖甜甜地，好似燒野食咁，薯仔外脆，裡面就起沙，好味。反而牛腩粒就無咁出色，如果係牛仔骨或牛柳粒會仲好味。仲叫左2杯飲喎，一杯凍檸茶，一杯熱柚子蜜。總括呢間六合野食好食，有水準，可惜地理位置關係，就唔係太多人認識嚕。