栢檔極品海南雞飯

营业中

休息中

同朋友去淘大行街行到攰，周圍搵下有咩好野食，見呢間海南雞都多人幫襯外賣回家加餸，就揀咗呢間，餐廳座位都舒適，餐牌亦頗多選擇，同朋友一齊揀咗個二人套餐 - $220，勁多野食，皇牌無味精靚湯（南瓜、粟米、紅蘿蔔、豬骨），有兩碗靚湯，飲得出無落味精，個湯煲到好濃郁，鮮甜，而且有湯渣可以食下，真材實料，栢檔極品去骨海南雞（半隻），二人套餐有栢檔極品去骨海南雞（半隻），好大碟，份量足半隻，好抵食，果然係海南雞專門店，雞皮薄，雞肉嫰滑，即使係雞胸部分也滑溜，雞皮和雞肉之間會有透明的啫喱精華，全部已去骨，每一口都啖啖肉，味道剛剛好，不會過咸，而且配上海南雞三色醬，令到雞肉的味道更豐富，秘方滷燒豬頸肉，主菜三選一，我地揀咗燒豬頸肉，有好多塊，豬頸肉外面燒到微焦，很香口，內裡的肉仍保持軟嫰，有肉汁，健康翠綠時菜（跟蠔油），生菜顏色翠綠，新鮮爽甜，即使不點蠔油也好食，麻辣豬耳仔，豬耳仔口感爽脆，味道有點麻辣，但可能我食得辣，所以感覺不算很辣，但頗香口惹味，雞油香飯，食海南雞就當然係揀配雞油香飯，雞油均勻地沾上每一粒飯粒，但感覺不油膩，熱騰騰，香噴噴，二人套餐最後仲有兩粒迷你雪米糍做甜品，為這頓豐富的晚餐

間唔中都想下偷懶，出街食飯，煮少一餐，不過都想比小朋友食得健康啲！行完淘大商場，行到攰攰地，又係時候醫肚，見到栢檔極品海南雞飯，主打無激素、無抗生素去骨海南雞，價錢都好大眾化，而且佢哋平日星期六日都有一人、二人套餐選擇，好豐富有主菜、飯、老火湯，仲有迷你雪米糍做甜品，下午茶時間仲有下午茶餐添！～佢哋主打海南雞飯，當然要試試啦！我哋叫咗一人套餐、加多個滷水元蹄飯，仲有烤豬頸肉～一人套餐 $83極品海南雞飯 配 雞油香飯翠綠油菜凍檸茶 (凍飲+$6)一人餐包埋一碟油菜，食返啲菜夠均衡！黃油雞皮顏色睇見都想食😍，雞皮唔會有層多餘肥膏，有少少啫哩狀包住雞肉，食落嫩滑啖啖肉，連雞胸都好滑。最緊要冇激素，食埋雞皮都食得安心。而且份量好足有九件雞咁多！雞油香飯，食完唔會成個碗底都係油，有淡淡椰子香味，三色醬有甜豉油，酸辣醬和薑蓉，樣樣都點下黎食，特別滋味😋！滷水元蹄飯 $64滷水元蹄層皮唔會太多肥膏，可以連皮都食埋，滿滿膠原蛋白。元蹄肉質夠腍，豬皮爽爽地有咬口唔油膩，有大量醬汁撈飯都好正！加埋三色醬一齊食消除油膩又好開胃+$8 配 皇牌栢檔無味精靚湯好似返咗屋企飲啖靚湯嘅感覺，足料南瓜香甜，滋潤返晒

👧🏻😋👅🍽✨抵食高質新加坡菜👍🏻-栢檔極品海南雞飯 🇭🇰 九龍灣牛頭角道77號淘大商場一期地下G107號舖 🇭🇰-🙌🏻weekend下午茶餐勁抵! 🙌🏻本身坐滿晒要坐bar枱, 但店員見我拎住好多野都幫我轉左枱坐得舒服啲-🐓🍚 栢檔極品海南雞飯 $64轉雞髀 加$12💯雞髀肉超滑🤤 三色醬汁岩晒唔同口味, 我最愛甜豉油, 辣汁就留左黎點豬頸肉💯油飯有乾蔥一齊煲, 油香之外仲有啲香蔥味-🐖🦴☕️ 下午茶餐 - 肉骨茶配白飯 $46✨店員有話下午茶份量少啲但都係超大份, 唔敢想像正肉骨茶有幾大碗😂✨豆卜, 桂圓, 杞子, 豬骨煲個湯超甜, 撈完飯飲埋都唔會好頸渴✨仲有轉凍飲都唔使加錢抵到爛🤣-🐷🔥 秘方滷燒豬頸肉 $75💯見到$75都知唔少, 但估唔到真係有兩大塊咁多🤭💯乾身唔油但好juicy, 邊邊位燒到脆脆地, 點酸辣汁好味😋-