龍莊

营业中

休息中

極具創意嘅新派粵菜食府「龍莊」秘製椒麻帶子 刺身級嘅帶子超鮮甜，搭配特式椒麻醬汁清新又刺激。杏片脆皮墨魚餅係我呢餐最喜歡嘅菜式，彈牙嘅手打墨魚膠無論味道同口感都好突出，再加上脆脆杏片更加香口！富貴黑蒜炒飯一口鮑魚加黑蒜嘅配搭好特別，鮑魚嘅鮮味同黑蒜嘅酸酸甜甜令到整碟炒飯味道豐富又唔會覺得膩。芝士拉絲炸蜜瓜奶 外脆內軟仲有芝士拉絲，再加上蜜瓜味道比較一般炸鮮奶更加新穎有驚喜。海參小米羹 看似簡簡單單嘅海參小米羹，味道調配得非常好好，令我有驚為天人嘅感覺。燕窩豆腐布甸 燕窩蛋白杏仁茶 兩個燕窩甜品甜度適中，無論味道同埋相都好得。令我哋這頓飯有個幸福感十足又完美嘅句號。有機會再嚟好想試埋這裡的招牌菜煙燻樟茶鴨、水晶蝦球、魚香原條荷蘭茄子…@lungchong#新派粵菜#秘製椒麻帶子#杏片脆皮墨魚餅#富貴黑蒜炒飯#芝士拉絲炸蜜瓜奶#海參小米羹#燕窩豆腐布甸#燕窩蛋白杏仁茶#MustTry#ChopsticksAndForks #FoodyRuby #LifestyleInfluencer #MyFoodDiary #FoodBlogger #FoodBlog #FoodLover #Foodi

約了朋友到龍莊飯聚！呢度環境雅緻，約有4-50個座位，大部份為2-4人桌，小部份為5-8人桌朋友點了前菜，秘製椒麻帶子，帶子刺身肉厚，好有彈性加上綠色秘製麻醬同埋一粒紅花椒，香味濃郁清爽微麻，同帶子刺身好夾，十分開胃！桂花雙色車厘茄同樣開胃車厘茄蜜餞又清甜又有淡淡嘅桂花香味！鵝醬羊架有4件羊架，份量好大特別沾上燒鵝梅醬，酸酸甜甜十分惹味羊架火喉剛剛好，肉嫩多汁！香港欖菜虎蝦相當大隻，炸到蝦頭都好香脆成隻開邊，蝦頭又乾淨又有蝦膏，蝦身肥大肉厚！加上炸到脆卜卜嘅欖菜，非常咸香惹味！最後食埋招牌菜龍蟹膳兩食，有蟹王煎腸粉同埋上湯煮肉蟹腸粉煎到好香脆！淋滿曬邪惡黃金蟹黃，上面仲有一大梭一大梭蟹肉！每啖腸粉都有黃金蟹黃蟹肉，超滿足！蟹蓋都仲有蟹膏㗎！上湯煮肉蟹份量超級大，蟹鉗有成隻手掌咁大！蟹身蟹鉗輕輕走油，香脆啖啖肉，肉質鮮甜結實！呢度環境雅緻，食物水準一流，值得再嚟！

是日星期五，下班後坐地鐵去龍莊食晚飯，餐廳地點位於太古及鰂魚涌中間，坐到太古站後由A２出口出，再往英皇道走大約５分鐘，就到餐廳所在大廈，位置相當方便！一進到門口，店員馬上細心地帶我到所訂位置， 可見餐廳環境骨緻，以綠色為主調，而且走中式高尚小炒茶餐廳的路線，很有香港的感覺！早前去了跟＜＜龍莊＞＞餐廳同一集團的另一餐廳＜＜龍點心＞＞吃午餐，食物質素高質，點心新穎有驚喜，而且價錢相宜，所以當朋友邀請到＜＜龍莊＞＞進食晚餐後，我非常期待，深信菜式必定同樣新穎，果然不負所望，食物種類選擇眾多，而且菜式新穎！坦白說，每樣菜式我都想試，不過無奈只有兩口子吃飯，所以我們今天只點了４樣菜式！我們今天點了秘製椒麻帶子，煙燻樟茶鴨，清蒸鯧魚之王及香港欖菜虎蝦！先說頭盤秘製椒麻帶子，帶子是刺身級帶子，非常新鲜清甜，再配上秘製椒麻味，兩種味道互相衝擊，椒麻味道非但沒有喧賓奪主，反而更能章顯出帶子本身的鮮甜味！然後就到煙燻樟茶鴨，賣相特別，來的時候有透明蓋蓋住，到了你的桌上後，店員才把透明蓋打開，讓你能看到它裡面煙燻的煙慢慢滲出來，隨之而來的是樟茶的香氣，香氣撲鼻，令我忍不住立即夾一塊來試！果然，鴨的味道帶有清