鬼混 (已搬遷) 新店位置

去市集嘅時候經過見到就入咗去試餐廳嘅裝修同商場係一致嘅，都係以鬼屋為主題，餐廳入口有好多骷髏骨，未到10月已經好似Halloween咁樣。餐廳裝修好似古堡咁樣，唔算驚嚇，感覺係幾特別。◾️龍蝦湯配脆米伴海鮮上枱就見到幾個飯團同海鮮龍蝦湯係個茶壺度要自己倒落去，龍蝦湯本身好夠味同埋好濃，飯團索咗啲龍蝦湯食係好好食▪️混醬單骨雞翼揀咗粟米片配芝士醬，鹹鹹香香脆卜卜，做Share Plate一流▪️氣球沙拉佢嘅氣球其實就係係水牛芝士，雖然menu叫唔好食塊芝士😂其實波波只有淡淡嘅芝士味，煙三文魚加上鮮甜嘅沙律菜同生果，係幾開胃嘅。▪️秘魯墨魚條個炸漿做得幾薄，入邊嘅墨魚幾彈牙，配埋佢個酸辣汁幾好食▪️洛神花青檸櫻花梳打▪️丸久小山園玄米柚子梳打兩杯飲品都係唔算太甜少少酸，呢啲天氣飲真係好爽。

不用去中環也能夠感受到高級的歐洲餐廳風味，一進場沿途左右均圖文並茂不少來自80年代的鬼怪傳說，勾起不少人的回憶呀！年青一輩亦可透過不少詳細內容了解一番，如晚上光臨氣氛更濃厚，留意一下每個角落牆壁掛畫及裝飾，容易令人感到詭異嘅感覺，看得出經營者花了很多心思在設計上，一台一椅每個角落及每一盞燈，食物攞碟美輪美奐，雖然餐牌選擇不多，但試過味道之後，便明白貴精不貴多的道理，值得一讚，店內好幾位服務員態度親切，有禮細心，就現今年輕人來說，能有這樣的服務態度及工作態度確實值得欣賞。

一向細膽的我連驚慄片都唔睇，但今晚就俾朋友拖左來鬼混。商場以鬼屋製片廠為題，進入商場可望見牆壁貼滿驚慄電影海報，餐廳門口擺放了骷髏骨迎賓，望見係有啲驚驚的。入內以古堡大宅的裝潢沒有太多恐怖元素，個心定下來了。美食以中西fusion 菜幾特別，價錢中價都好味食，來體驗一晚都唔錯。秘魯墨魚條 $78墨魚條炸得金黃色，炸粉薄薄墨魚軟彈易咬唔油膩，配埋醬汁酸辣醒胃，小食必食推介之選。 紫薯飯配香煎帶子 $186賣相討好，帶子鮮美口感軟棉，飯粒粒分明，好多紫薯粒食到份外甜美，仲有不少菇菌增添不少口感。 鵪鶉桂花卡邦尼烏冬 $168烏冬煙韌咬口好掛汁，配上卡邦尼醬甜美好味，仲有少少拉絲芝士效果，鵪鶉肉質細膩，嚼勁口感好入味，味道唔錯。