吞POT 雞煲火鍋.住家菜 (譽發廣場) (已結業)

這幾天突然有點冷，所以下班後就決定和媽媽去吃火鍋🍲媽媽說想吃「雞煲翅」，上網搜了一下，就選了這家，可是打了好久電話也沒有人接聽；唯有直接到門市看看有沒有位可能是週五，上到去滿座，但剛好亦發現9:30後有5折(湯底和飲料除外)，所以就決定等一下！因為只有兩個人，所以就選擇半隻的「雞煲翅」，雞件滑身，湯底濃郁，都忍不住喝了好幾碗，一試無妨！不過都因為等得太久，有點餓，所以就先下單一個小吃 — 蜆介鯪魚球，外皮微脆，確實不錯而其他火鍋材料如下：竹笙、水魷、芋絲、烏冬、西洋菜、皇帝菜、特級美國肥牛及店舖自創的爆芝響鈴。整體材料新鮮，肥牛不算多油脂，不過口感軟腍；而最為突出是店舖自己研發的爆芝響鈴，淥一下就可以，外面脆脆，內里滿滿的芝士，十分過癮雖然週五店舖比較忙，不過值得一讚是員工會留意你鍋裏的情況，主動幫你加湯，所以服務態度不錯

今晚同朋友去食雞煲，揀咗吞Pot，又可以食雞煲又可以打邊爐好簡單純樸嘅門面，有個重點係去到門口先知就係火鍋配料半價。去之前其實已經同朋友起openrice睇咗要食咩，費事去到先慢慢揀。我地就揀咗香辣雞煲，因為大家都唔係幾食得辣，佢可以走辣，好貼心。同埋要咗幾樣火鍋料，四寶丸同稻庭烏冬。等嘅期間周圍望，因為我地坐近窗同埋早黎，今日天氣好好。可以睇到個天有3種色，同埋好靚嘅日落。重有一堆雞仔同我地一齊睇，好cute cute。因為早黎，包場咁滯，地方高所以好靚，佢啲枱櫈唔會密麻麻，令人坐得舒服。九宮格嘅醬料，中意混醬嘅朋友就啱哂。等咗一陣，有得食，佢係整熟咗先拎過黎，所以可以即食，唔使再搞多一輪。我都唔客氣開餐喇。我地叫咗一隻，都幾多。雞好新鮮而且冇用粉醃過都好滑。個汁雖然濃但都唔會好咸，好香好好味。起食嘅期間佢上埋啲配料，不過我地都冇咁快食得完個雞煲，都幾多下。拆完個雞煲，落埋啲丸，四寶丸有牛、雙色墨丸，蝦丸。全部都係手打丸，好爽好彈而且好新鮮，全部都好好食。兩色墨丸都有墨魚肉。烏冬又好滑好彈牙，搞兩搞散開再滾兩滾食得，蝦丸同牛丸都好好食，四款丸不相伯仲我見隔離枱叫大檸樂真係好大杯，但係

上個星期就打算緊今個禮拜要食餐雞煲先得，之前食lunch時見到原來樓上有間雞煲，今日放工叫埋同事一齊試下！我地收6點收工，來到先6:10-6:15，原來這間雞煲做緊7:30前離座，配料小食都有半價！好抵一來到服務員就遞上九宮格既酱料比我地，咩款都有嫁拉。我同朋友都中意食辣，來到呢到緊系叫返個重慶雞煲拉！但我感冒未清只叫了小辣雞煲好快就來到！！香噴噴睇落好入味呀！熱辣辣出哂煙雞肉好嫩，好入味，好夠味！小辣的辣度對於我來講剛剛好配料叫左個佢地呢到好hit既芝士響鈴🔔，因為是即整，店員叫可以盡快點汁享用我吾中意太淋既，成舊點哂汁就食拉！好脆，同芝士好夾，中意芝士既我又推薦大家拉我地仲叫左牛柳粒，始終食呢d煲無牛點得呢牛肉有牛味，有少少筋，但吾會un，肥瘦適中，吾錯！呢到既手打牛丸有5款，好難揀，樣樣都想試，所以揀左個咩都有哂既，5款各有特色，最中意芝士牛丸無錯，又系芝士最後點少得稻庭烏冬呀！吾好浪費個汁！烏冬吸哂d汁！煙煙unun，食完超級飽，好滿足！

同一班好朋友出街食飯，想有啲野做同時可以吹下水梗係去打邊爐啦～上網見到呢間有曬我地既至愛 - 雞煲加火鍋 - 既吞POT雞煲火鍋.住家菜，即刻約朋友去試下！我地放左工，大約7點就黎到呢度，好好彩有book位，如果唔係就要等下啦。呢度唔係太難搵，旺角地鐵站B1出口行一陣就到。仲有一個朋友遲放工，我地就叫左雞煲湯底邊食邊等。滋補螺片花膠雞煲（半隻$168 全隻$258）我地叫左花膠雞煲，好足材料，好多花膠。而且雞好入味，感覺好滋保養生～成個煲好快比我地食哂，遲嚟果個得番啲雞湯飲佢話好好味，飲左成三四碗。稻庭烏冬（$25）我地叫左烏冬，彈牙口感正。將烏冬放入雞湯煮，味道真係一流朋友嚟左之後我地就正式打邊爐啦～店員哥哥好好人幫我地加左湯，將雞煲變成火鍋。我地就開始發揮食貨本色，叫左墨魚丸、腐皮、生根等等。打邊爐都係食果啲餸，咁就分享下一啲特別啲既食材啦！手打墨魚丸（$70）值得一提既係佢地既手打丸，好好味好彈牙，完全係物超所值！我地食完一碟又一碟～食到海鮮～帶子皇（$90）平時打邊爐好少會叫帶子，但係見到隔離枱既帶子好似好新鮮咁，所以我哋都嗌左。佢地既帶子好好好新鮮，煮熟左之後帶子既鮮香更加明

女朋友細細個受到朋友嘅熏陶，好鍾意食雞煲，今日無啦啦就話想食雞煲，好彩我早有準備，問定啲朋友話邊度食雞煲正，得知油麻地有間特色雞煲火鍋店，就去一試究竟！一入到鋪頭就見到好大嘅魚缸，地方寬敞，枱嘅排列唔會令人覺得好擠迫，可以同女朋友講下肉麻野嘛我哋坐喺窗邊既位置，餐廳用落地玻璃，如果係黃昏嘅時候嚟食就好，風景應該好靚。今次我哋試試新意，我哋叫咗花雕藥膳雞煲（半隻雞），食落雞肉嫩滑大件，彌漫著浸浸嘅花雕酒香，無平時雞煲嘅油膩感，湯底方面，好多材料係湯底到，證明好足料，湯都好好飲，飲完好暖胃。真係冇諗過雞同藥膳可以咁夾，自己平時淨係識叫重慶雞煲嗰啲。經過今日，吞Pot花雕藥膳雞煲已經成為咗我雞煲裏面嘅飛彿！我哋仲有叫一啲配菜包括蘿蔔片、皇帝菜同一個稻庭烏冬，材料好新鮮，蘿蔔卷同皇帝菜索晒嗰湯底，真係食到舔晒👅！最驚喜嘅係佢哋啲飲品份量真係好多，係我哋平時喺出面茶餐廳叫一杯飲品嘅double份量，唔怪得知佢哋叫大檸樂同大檸菜啦食完今次雞煲之後，改變左我平時對雞煲嘅睇法。以前淨係識得食辣味，試完吞pot嘅藥膳雞煲真係返唔到轉頭。一定會再嚟吞Pot！